الحلقه17
ثاني يوم الصبح...
ناضت فرح مخلوعة: حيييييييييه سيف نوض الساعة 8 وقت ع الثانوية..
سيف فتح عين ومسكر عين: ارقدي تو نمشي بعدين ناخذلك إذن..
فرح: اوسيفة غير نوض حبيبي وقت عليا..
سيف: قوتلك فوتيها اليوم الثانوية
فرح: اووووف منك باه خديت دواك؟
سيف: اي خديته
فرح: يهديك ربي اوسيفة نوض ارفعني
سيف ناض كرها وتكمكم هو وياها تحت البطانية: غير تعالي نقولك حاجة في وذنك
فرح: ههههههه سيف لا هههههههه لا سيف يابارد لا ههههههههههه اوووووووسيفة ههههههههه مبردك
زكية مقعمزة في دارها وترحي علي منيرة( ياناري كيف بندير زعما نقول لسيف....باه كان قوتله اكيدة حيوريني ويقولي انتي السبب.. وكان سكتت كيف بنخلي اوليدي مع وحدة زيها...ياربي ساعدني كيف بندير)
منيرة نزلت من دارها للمطبخ وادير في قهوة.....شويا ونزلت زكية لقتها..
منيرة: صباح الخير عمتي
زكية: اي خير اللي بيجي منك..
منيرة: اللطف شن في ع الصبح؟
زكية: ماكنتش نحسابك حقيرة لهالدرجة..
منيرة: لو سمحتي احترمي نفسك واعرفي شن تقولي>_<
زكية: ليا أني الكلام هاذا يامنيرة...احترميني ع الاقل.
منيرة: لا احترام لابطيخ...اعرفي شن تقولي قبل..
زكية: والله انك وحدة لسانها طويل وماتتحشمي
منيرة: اسمعي يازكية ماتغلطيش فيا عشان مانغلطش فيك..
زكية حلت فمها: زكية هكي يلي ماتتحشمي.... وحطت زكية ايديها ع قلبها: اه ياقلبي اه
منيرة: اوووووووف ترا فكيني من جوك.. وطلعت من المطبخ
زكية من الصدمة مش مستوعبة وطاحت علي طولها...
~~~~~~~~~~~~~~~~~~
فرح ناضت قعمزت ع السرير...وسيف راقد وحاط إيديه ورا راسه.
سيف: تعرفي قاعد زعلان منك؟
فرح: ههههههههه هاذا كله وقاعد زعلان امالا كان راضي كيف
سيف:-_- تي نتكلم بجد أني..
فرح: اوسيفة عارفة اني غلطت وحقك عليا..والله ماعاد نعاودها
سيف: تي اني خوفي عليك كان اكثر من زعلي منك...قعدت نتخيل وتقول تو الطيارة تنزل في بلاد ثانية او حاجة...او شي حد يخطفها..او او والافكار تاخد فيا وتجيب..
فرح واطت راسها: أسفة حبيبي وعندك حق في كل كلمة قلتها
سيف: باه ضروري نعاقبك توا عشان تشعفي >_<
