ماذنبي انـا

15

#منقولة
#قصص_من_عالمي
#وما_ذنبي_انا
الحلقه15
منيرة: ايوه عدولي استاحشتك ^_^

عادل: تي وين يا تزوجتي وانستينا بكل..ياسعده بيك وخلاص اللي خداك..

منيرة: ماهو انت قتلي نكون نفسي مانكون نفسي كان هذا راني مرتك توا..

عادل: ياميمي ياحبي قتلك من الاول علاقتنا حب وخلاص مانيش حمل زواج ومسؤولية..

منيرة: باه علاش متصل توا >_<

عادل: تو تو تو شن انسيتي...مش كلنا علاقتنا تقعد زي ماهي واني استاحشتك اتصلت انرن..^_^

منيرة:ياهمي منك وخلاص...نحبك شن بندير في عمري..

عادل: وراجلك شنو؟

منيرة: نحبه حتي هو بس مش زيك وانت عارف.

عادل( كذابة انتي عشرين الف واحد تقوليله نحبك..واول واحد تقدملك خديتيه والباقي مدايرتيهم شكورطة.. واطية وحقيرة من يوم يومك)

منيرة: الو خيرك سكتت عدولة..

عادل: لا غير نستني فيك تتكلمي استاحشت صوتك..

وقعدت منيرة تهدرز هي وياه قريب نص ساعة بعدين سكرت ونزلت تحت..
~~~~~~~~~~~~~~~~~

زكية: فرح تعالي ارفعي الصفرة متاع القهوة تو بالك يخش حد من النساوين يباركو..

فرح: حاضر ياخالتي وجت رفعتها وخشت للمطبخ...

نزلت منيرة لقت سيف مقعمز جت لصقت فيه وحطت راسها علي كتفه وتتدلع: سيفو وينك أمس معقولة هكي تسيبني..

زكية -_-:( الستر ياربي الستر)

سيف: رقدت عند فرح عندك مانع -_-

منيرة طارتلها بس ماحبتش تبين: عادي ياقلبي غير مفروض قتلي نراجي فيك علي نار ^_^

زكية -_-: خلي نمشي نشوف شن بنديرو غدي اليوم وناضت خشت للمطبخ..

سيف عرف أمه مش عاجبها..نفض منيرة نفضة من علي كتفه قريب ليسها ع الحيط وشدها من ذراعها: اسمعي هالحركات البايخة معاش اديريها قدام أمي تحشمي >_<

منيرة مصدومة: أ أ......باهي باه خلاص

سيف: اني طالع بنمشي نشوف شن صار في موضوع السفر... ماحدش يتصل بيا >_<

~~~~~~~~~~~~~~~~

خشت زكية للمطبخ لقت فرح بعد ماغسلت الماعين وضمت المطبخ تفرم في لحم ومقشرة بطاطا بدير امبطن..

زكية: شن بنديرو اغدي يافرح؟

فرح: مانعرفش ياخالتي قولي شن خاطرك وتو ندير..

زكية: خلي انادي منيرة اديرلنا رشدة كسكاس خلي نذوقو ماكلتها اكيد حلوة ^_^

فرح: براحتك ياخالتي