#منقولة
#قصص_من_عالمي
#الحلقه13
فرح 0_0
زكية: اي مسكين اوليدي شن ذنبه ماياخدش بنت بنوت..شن ناقصه؟
فرح دمعو عيونها: حرام عليك ياخالتي علاش هكي...اللي صار مش بيدي..
زكية:وانتي مش حرام عليك اديري فيه هكي...وليدي مسكين قلبه طيب واحنين وانتي استغليتي هالنقطة وخلتيه يتزوجك..
فرح: ياخالتي انتي كنتي موافقة ومرحبة بزواجنا شن اللي تغير توا؟
زكية: ماكنتش نعرف بالبلاوي هاذي كلها...والا والله ماكنت وافقت
فرح: حرام عليك ياخالتي والله حاسبتك زي اميمتي وربي شاهد..
زكية: واني ماقلت شي...كان وحدة ثانية في مكاني كانت زرت علي ولدها يطلقك...بس أني مانبيش ندير هكي...ومن حقي نختار زوجة كويسة لولدي
فرح مخنوقة ومش قادرة تتكلم: باه خلاص كلميه سيف أني مش حنعارض..
زكية: اصلا ماعندكش حق تعارضي...أني كلمتك عشان تقنعي سيف معايا لاني عارفته بيرفض الموضوع..
فرح: بالله عليك ارحميني معقولة في وحدة عاقلة تقنع راجلها يتزوج عليها ياخالتي..
زكية: شوفي عندك حل من الاثنين ياتقنعيه ياإما والله الشارع اللي جيتي منه نرجعك ليه...سيف مهما كان يحبك ويبيك مش حيقدر يزعلني خصوصا لو هددته حنغضب عليه..
فرح ودموعها علي خدها : حاضر ياخالتي والله يسامحك وخلاص..
زكية: ربي يسامحنا كلنا ياحنة...وهيا توا خلي نطلعو تو سيف يقول خيرهم عطلو ..تو بعدين نفاتحه بالموضوع واقنعيه معايا..
وحطو صفرة الغدي وقعمزو ياكلو مع بعض.
سيف: أه عطيك الصحة ياست الحبايب والله قداش ليا خاطري في كسكسي من تحت ايديك..
زكية: صحة صحة اوليدي ^_^
فرح كان كل كاشيك تاكل فيه ينزللها زي السم ساكتة وزارطة مش قادرة تتكلم..
زكية: سيف اوليدي نبيك في موضوع واهو قدام مرتك..
سيف: خير ان شاء الله يام
زكية: نبيكم ترجعو للحوش بس بشرط..
سيف: شن هو الشرط.
زكية: تتزوج
سيف: 0_0 شنوووووووو
زكية: اي زي ماسمعت انت تزوجت اللي في خاطرك وتوا نبي ناخذلك اللي في خاطري
سيف: يام شن تقولي فرح قبل مانقولك عليها عرضتيها عليا..وكنتي فرحانة بيها ومش امصدقة
زكية: ماكنتش نحسابك تكذب عليا وتعرف كل شي عليها وساكت..
سيف: يام خيرك معقولة ع خاطر كانت تشتغل شغالة...الظروف اجبرتها والواحد مايندريش ع الوقت..
