الحلقه18
يوم جديد...
ناض سيف الصبح وكاين بايت عند منيرة دورها..خش توضأ وصلي وانزل عشان يفطر والست منيرة قاعدة في سابع حلمة..
قبل مايمشي للمطبخ فات علي دار فرح عشان ينوضها..
سيف: فروحتي فروحتي نوضي حبي وقت ع ثانويتك
فرح: اوسيفة بنرقد وتكر في البطانية..
سيف: تي نوضي ياخميرة تو يفوتك الوقت -_-
ناضت قعمزت وهي تحك في عيونها وتتاوب: وااااو منها القراية
سيف: نجيه العسل الحامق ع الصبح ياربي ^_^
فرح: نسيت صباح الخير اوسيفة ^_^ وباساته علي خده
سيف: صباح الورد ياقلب اوسيفة ^_^ ...شن الشيطان امسهرك أمس شكله عشان هكي ناعسة
فرح: لا حرام عليك بنيتي طيوبه ^_^
سيف: ومن قالك بنية 0_0
فرح: هكي حاسة اني ^_^
سيف: بس اني نبي اوليد -_-
فرح: المرة الجاية نجيبو اوليد..المرة هاذي خليها بنوته ^_^
سيف: اللأ نبي اوليد -_- تجيبي بنت نرميها في سطل الكناسة اهو قتلك
فرح: هههههههههه حليلي منك سادني انت مهبلني وبنزيد اوليد ثاني هلبا
سيف: هههههههه هيا نوضي بسرعة..وقت عليا تأخرت ع الشغل
فرح: حاضر حبيبي
~~~~~~~~~~~~~~~~~
طلع سيف كالعادة وصل فرح ومع الساعة 11 رجع للحوش عشان يرفع امه للتدليك..
منيرة: سيفو حبي انت جيت ^_^
سيف: اي جيت -_- امي فاقت او قاعدة راقدة؟
منيرة: أ أ... مانعرفش والله..
سيف: تي كيف ماتعرفيش مش مفروض ترفعيلها فطورها معقولة قاعدة لتوا>_<
منيرة: ماهو حتي اني كيف نضت حبيبي...خلاص تو نمشي نشوفها
سيف: خلاص خليك تو نمشي نشوفها بروحي...تحركي امشي جهزيلها فطورها >_<
منيرة: باهي حاضر المهم ماتزعلش حبي..
خش سيف لامه لقاها مازال راقدة...طلع ورد عليها الباب واتصل بالدكتور لو يقدر يأجله الموعد حتي ساعة لان حيوصل متأخر..والدكتور وافق..
نزل سيف وخش لدار فرح بيتكي شوي لين يجي الموعد وتنوض امه وتفطر وتجهز روحها.
رفعت منيرة الفطور لزكية: هيا هاك افطري يابلي 0_0
زكية: أ أ أ...........
منيرة: سكري فمك أحسن وكولي وانتي ساكته بلاش دراه كبد..
