#منقولة
#قصص_من_عالمي
#الخلقه14
مع الساعة 10 فتحت فرح عيونها علي صوت زغاريط واغني...
ايناس: مبروك عليها الصبحية..منيرة اللي تعز عليا روروروروروري
زكية: رورورروري
قعمزت فرح ع السرير وهي تلم في شعرها وتضحك خصوصا بعد شافت الورد اللي حاطة سيف ع السرير..( نجيه ياربي الرومانسي) وقعدت سارحة تفكر في اللي صار امس وابتسمت وناضت ادوش...
منيرة: سيفو سيفو نوض حبيبي
سيف( سيفو يامثقل دمك وخلاص -_-): نعم
منيرة: نوض حبيبي ماتسمعش في صوت الزغاريط برا...بيباركولنا ^_^
سيف: شن هالازعاج ع الصبح...مفروض يعرفو ان العرايس مافيش حد يزعجهم..
منيرة دروحها حامقة: ع اساس عرايس يعني.ع قيس امس رقدت وخلتيني..
سيف: قتلك تعبان امس ماعندنا علاش مستعجلين شن هالحالة اوووووف.حول الغطا وخش للحمام..
منيرة:( عارفته ع خاطر هالكلبة فرح يعامل فيا هكي...بس اصبر علي شوي ياسيف كان ماطيرتها ولزيتها برا زي الحمارة)
غيرت منيرة ومكيجت وقعدت تراجي في سيف...طلع سيف وهو ينشف في وجه..
منيرة: هيا حبيبي طلعتلك البدلة العربية خلي ننزلو نسلمو عليهم
قعمز سيف ع الصالون وحط الفوطة علي رجله: انتي انزلي وتو نلحقك..
منيرة: لا خلينا ننزلو مع بعض
سيف: ياااااربي الصبر...خلاص انزلي تو نلحقك >_<
منيرة: باهي ونزلت وهي مادة بوزها..
سيف خدي التليفون واتصل بفرح: صباح الورد والحب والسعادة علي احلي فروحة في العالم ^_^…
فرح: صباحو حبيبي^_^
سيف: شن ازعجوك الجماعة اللي لوطي أكيد ماقدرتيش ترقدي 0_0
فرح: لا لا عادي اصلا سادني نوم..
سيف: باه اطلعي افطري...ماتقعديش هكي
فرح: ما خاطريش اوسيفة بعدين بعد يمشو اللي برا ناخد..
سيف: لا فروحة توا اطلعي مرات يعطلو لامتي بتقعدي...وبعدين نبي نشوفك استاحشتك ^_^
فرح: اوسيفة فكني تو يقعدو يلقحو في الدوة..
سيف: انا قاعد ياروح اوسيفة مايقدر حد يكلمك...غير اطلعي بس عاد ماتنشفيش ريقي قتلك مستاحش غلايا..^_^
فرح: باه علي خاطرك بس..
سيف: كبر خاطرك ياقلبي...هيا تو نلبس وننزل وامتي مابتطلعي رني عليا نتلاقو في الطبخ..
فرح: ههههههههههه حاضر
وبدل سيف وطلع انزل تلقاته امه: روروروري مبروك عليك اوسيفة مبروك
