#منقولة
#قصص_من_عالمي
#وما_ذنبي_انا
#حلقة3
وفجأة سمعت صوت سيف: شن اديري اهني بدون ماتستأذني ويكشخ..
فرح انخلعت ووجها اتصفر واتخضر وقعدت تشبحله ومصدومة..
سيف: ههههههههه تي انبصر عليك خيره انقطع عليك الضي..
فرح( مبردك 0_0): صوتك خوفني
سيف: شن قصدك صوتي يخوف!!!
فرح ارتبكت: لا قصدي...يعني...هو
سيف: هههههههه باهي باه خلاص راه يغمي عليك بس ...تحبي الخيول يافرح؟
فرح: اي نحبهم زمان لما كنت اصغيرة بابا الله يرحمه كان عنده حصان ونركب عليه ^_^
سيف: الله يرحمه....هاذي فرسي العنود نحبها هلبا زي ابنيتي ^_^…
فرح: ههههههههه صار زي ابنيتك..
سيف: شن رايك تاخدي جولة بيها؟ والا عندك شغل؟
فرح: لا اليوم إجازتي ^_^
سيف: خلاص تم تعالي نطلعوها واركبي عليها..
فرح: بالك مش فاضي او حاجة خليها وقت ثاني..
سيف كرها من ايدها: تي غير تعالي بلا جو..
حطت فرح اكياسها وركبت ع العنود وسيف شاد العنود ويمشي فيها بالشويا..
فرح فرحانة ومبتسمة^_^...سيف: شنو انسرعها أكثر؟
فرح: لا لا بالله عليك خليها هكي...
ودارو دورة بسيطة جنب الاسطبلات وبداية المزرعة... فرح: خلاص بننزل شكرا هلبا ليك..
سيف: اوكي هي هاتي ايديك...وجي سيف بينزلها شد خصرها وفرح نقزت وجت في حضنه وعيونها في عيونه..فرح حست قلبها بيطلع من مكانه و سيف مبلم فيها ههههههههه ويتنفس بسرعة
فرح كانت حاسة بأنفاس سيف زي النار علي وجها فخافت وبعدت عليه...
سيف: اني أسف فرح ماكانش قصدي..
فرح: عادي ولايهمك...خليني نمشي تأخرت وخدت أكياسها وامشت..
سيف( بايخة مني احرجت البنت واني ماد زومتي نتفرج عليها -_- ...ياعليك حالة وخلاص)
~~~~~~~~~~~~~~~
رجعت فرح لحوش عيت فيصل وخشت طول للملحق اللي فيه دارها...قعمزت وقعدت اتفكر في الموقف اللي صار وابتسمت..^_^
شويا وسمعت حد يخبط ع الباب...فناضت بتفتح...
فرح: اهلا أستاذ منير...خير تبي حاجة..
منير مبحلق عيونه فيها وساكت: 0_0
فرح اضايقت: أستاذ منير!!!!!!
منير: معاش تقوليلي أستاذ نبي نسمع إسمي من فمك بدون ألقاب ياعسووولة ^_^
فرح( ياعطك تلولة -_-): نعم مافهمتش..
منير: باهي غير خلينا نخشو ونتفاهمو داخل ^_^…
