ماذنبي انـا

12

#منقولة
#قصص_من_عالمي
#منقولة
#وما_ذنبي_انا
الحلقه12
المدام أروي: فرح!!! قصدك كنتك هي فرح..

فرح مصدومة وقلبها يدق خايفة من اللي بتقوله مدام أروي ومش عارفة كيف تتصرف..

زكية: شن شكلك تعرفيها يامدام أروي..^_^

المدام أروي: ياعيني والله أني اللي نعرفها....هاذي كانت تشتغل شغالة عندي وهربت بعد ماسرقت منا مبلغ من الفلوس وذهب.

زكية:شنوووووووو

فرح: كذب كذب اني ماسرقت شي.

المدام أروي: باه شن تفسري ان في نفس  الليلة اللي هربتي فيها معاش لقيناهم هالحاجات... وبعدين منير الله يرحمه قال شافك بعيونه وانتي هاربة بشنطة في يدك..

زكية وقفت وقربت من فرح وهي مش مستوعبة الموقف: صح الكلام اللي تقول فيه مدام أروي يافرح

فرح: لا ياخالتي كذابة اني ماسرقت منهم شي..

زكية: يعني صح كنتي تشتغلي عندهم؟ واني نقول وين شايفتك..وووه عليك يازكية وووه وقعدت تخبط علي رجليها

فرح تبكي: ياخالتي اشتغلت عندهم من ظروفي الصعبة والله ااهئ اهئ اهئ

المدام أروي: وظروفك هي اللي خلاتك تسرقي

فرح التفتت لمدام أروي وبأعلي صوتها: اني ماسرقتش وولدك واحد كذاب وحقير وحيوان وربي انتقم منه..

المدام أروي: سكري فمك ولدي اشرف منك ومن اللي جابوك..

زكية امفنصة عيونها وتشوف وخلاص ومصدومة.

فرح: ماتتكلميش علي اهلي لو سمحتي..اهئ اهئ اهئ

سيف سمع الدوشة وفرح هي تعيط ناض وفتح الباب من غير وعي وطلع : خيركم شن في؟ فرح علاش تبكي؟ ووشاف لقي مدام أروي انسمط كأنه فهم الموضوع..

زكية: تكذب عليا ياسيف تقولي بنت صاحبك وهي شغالة..

سيف: شن تفرق يام شغالة او غيره المهم بنت ناس وكويسة..

زكية: اهي قتلك مدام أروي سراقة وسارقة منهم حاجات

فرح قريب تنجن تبكي وترعش: والله ماسرقت حاجة حرام عليكم

المدام أروي: سراقة ونص وتوا جاية بتنصبي عليهم..

سيف: لو سمحتي يامدام أروي مانسمحلكش تتكلمي علي مرتي بالطريقة هاذي..بعدين من اللي قال سرقت منكم شن الدليل.

المدام أروي: المرحوم منير شافها بعيونه

سيف حمق: ولدك هاذا أحقر منه مافيش وياويله من اللي داره

المدام أروي: تسمعي في ولدك يازكية كيف يدافع عليها أكيدة ساحراته.

زكية: حي عليا حي.... سيف خيرك شن جاك