#منقولة
#صفحه_قصص_من_عالمي
#وما_ذنبي_انا
#الحلقه4
في اليوم الثاني ناضت فرح الصبح كالعادة الساعة 7 وجهزت نفسها وامشت طول للمطبخ عشان تجهز الفطور هي وباقي العاملات..
رحاب: صباح الخير فروحة..
فرح: صباح الخير..
رحاب: هيا خلي نجهزو الصفرة وبعدين قعمزي هدرزيلي شن درتي في العطلة أمس..
فرح: اوكي ^_^
وقعدو فرح ورحاب يجهزو في الصفرة وبحطو في الطواسي ع الطاولة ...شويا ونزل منير ومعاه وائل...
منير قعمز وشبك ايديه ورا راسه ويشبح لفرح ومبتسم ^_^
فرح( عطك سوسة في هالتاكم اللي ديما ماده).. رحاب: هيا فرح تعالي نجيبو باقي الحاجات..
منير: لا لا فرح نبيها تصبلي القهوة ^_^
فرح خدت ترمس القهوة وقربت جنبه وبدت تصب..فجأة وبدون سابق إنذار منير شد إيد فرح..فرح من الخوف بزعت القهوة الساخنة علي منير...
منير قعد ينط ويعيط: حي حي ساخنة ساخنة.. وفرح ع أساس بتنقذ الموقف خدت مالقي المية ووجاته عليه..
منير: 0_0
فرح تشبح فيه وخلاص وشادة ضحكتها..ووائل ميت علب روحه من الضحك من منظر منير..
منير: تعرفي انك وحدة حمارة وماتفهميش >_<
فرح نزلت راسها: اني أسفة
منير: امشي درقي وجهك من قدامي معاش نبي نشوف خليقتك >_<
ومشت فرح تجري للمطبخ..علي نزلت المدام أروي وفيصل..
فيصل: خيرك ياولد منقع هكي..
منير: هالغبية اللي مشغلنيها اجديدة هاذي
المدام أروي: خيرها شن دارت
وائل: هههههههههه صبت عليه القهوة وبعدين اميه..
منير: ضم فسختك انت-_-
وائل: بس عندها حق شن تتلمس في ايديها..
فيصل: تي نهارك احرف يامنير كان متهني روحك وادير عقل..
منير: تي يكذب عليك يابوي وااااو...وركب عشان يغير دبشه..
المدام أروي: هالولد غلبت فيه...
فيصل: اسمعي انتي مسؤولة عليهم هالبنات واي حاجة تصير حنحاسبك انتي أول وحدة راه
المدام أروي: يستر الله وخلاص..
~~~~~~~~~~~~~
خشت فرح للمطبخ طايرتلها ومضايقة..رحاب: خيرك بسم الله توا كنتي رايقة؟
فرح: والله صدق من قال لقمة العيش مرة..منير علي حقارته وقلت أدبه ومازال يعارك ويهزب...
رحاب: الله غالب بتتحملي وخلاص...وربي يتوب علينا من هالشغلانة
فرح: يارب.ان شاء الله حنتعلم انجليزي وحنقدم في شركة ع قولة سيف ونرتاح...
