#منقولة
#صفحة_قصص_من_عالمي
#وما_ذنبي_انا
الحلقه10
فتح سيف الجراج ولقي فرح ضامه رجليها وتبكي وترعش..
سيف شهق: انتي انجنيتي اكيد...طيحتيلي قلبي
فرح تبكي وخلاص..سيف: خلاص يافرح خلاص علاش هاذا كله اني كنت حامق ومضايق ومانقصد شي بكلامي..
فرح: اصلا كنت بنمشي بس لما لقيته ليل خفت قلت خلي لغدوة..انت ساد كنت معايا راجل وكفيت ووفيت ومشكور هلبا
سيف: وين بتمشي يافرح ومن ليك غير ربي واني؟هيا نوضي الجو مصقع اهني كيف قعدتي فيه الجراج بس.
فرح: ارض الله واسعة..نمشي لاي ميتم
سيف -_-: تمشي لعينك نوضي صبي داخل
فرح: سيف أ........وقبل ماتكمل كلامها حط سيف ايده علي فم فرح: تتزوجيني يافرح؟
فرح: شنو
سيف: اي زي ماسمعتي تتزوجيني ياغبية هههههههه
فرح: سيف انت عارف شن تقول..
سيف: اي عارف ومتأكد.
فرح: وشن بدير بوحدة زي..انت تقدر تتزوج اي بنت تتمناها ..شن ذنبك تتزوجني
سيف: ذنبك إني نحبك ونبيك..
فرح: تتكلم بجد ياسيف..
سيف: اي جد الجد...بس....
فرح: بس شنو؟
سيف: نبي نحكيلك علي حاجة وانتي بعدها عندك حرية الاختيار توافقي او لا؟
فرح: قول نسمع فيك
سيف: نوضي نخشو داخل شوفي كيف ترعشي وشواربك زرق من الصقع نوضي..
ناضت فرح...وسيف رفع الشنطة: ههههههه سلمها الفالحة امخططة لكل شي ورافعها معاها كل اللي محتاجاته..
فرح: لا والله خديت لبسة واوراقي المهمة.
سيف: تي انبصر عليك هيا تعالي نخشو..
خشو للصالون وقعمزو..فرح: والله لما طلعت حسيت روحي بتطلع مني تعودت ع الحوش وع خالتي زكية..
سيف: بس ^_^
فرح: انت مكانتك في قلبي غير كل الناس..
سيف: احم احم ههههههههههه
فرح: ها شن بتقولي..
سيف واسه تقعميزته: اسمعي يافرح لو وافقتي تتزوجيني مش حنقدر نخليك أم.
فرح: شنو مافهمتش..
سيف: يعني بالعربي اني تقريبا عقيم يافرح
فرح:0_0 متأكد سيف؟
سيف: اي متأكد...وانتي براحتك مافيش حاجة تجبرك توافقي علي واحد زي..
فرح: وعلاش انت توافق تعيش مع مغتصبة زي...واني مانوافقش نعيش مع شخص كله اخلاق ورجولة
