الحلقه5
ثاني يوم ناضت فرح وهي حاسة بروحها مخنوقة...كملت شغلها كالعادة وفي العشية امشت لمزرعة سيف وسألت عليه قالولها قاعد ماروحش..
روحت فرح والدنيا مسكرة في وجها وحاسة ان سيف تخلي عليها بعد قعدت تتعود عليه وتحس معاه بالأمان... وهي مروحة شافت سيارة في الطريق وقربت السيارة من فرح وقصت عليها الطريق...كان منير ومعاه صحابه وشكلهم كأنهم متكيفين ع الاخر..
فتح منير الشباك: الحلو وين ماشي بروحه تعالي نوصولك ^_*
صاحب منير 1: اووووووه شن هالطرف يامنير منين تعرفها
صاحب منير 2: صارررووووخ ارض جو ياراجل
فرح خافت وامشت تجري وقلبها قريب يطلع من مكانه..وهما قعدو يضحكو..
صاحب منير1: تي وين ياراجل عندكم هالحاجات الحلوة وماتخليناش نذوقو .. عليا اليمين عليك حق هي باهي..
منير: تي غير خلي نذوق اني قبل..
صاحب منير 2: تي كيف صار معقولة غلبت فيها..
منير: نراجي في الفرصة المناسبة بس وديني ماعندها وين تهرب..وراها وراها
صاحب منير 1: باه وبتعزم علينا ^_*
منير: ادللو انتم أصحابي ومانعز عليكم شي..
صاحب منير 2: تي امنور يابرو ^_^
~~~~~~~~~~~~~~~
وصلت فرح للحوش وخشت لقت رحاب في الجنينة تعنقتها وقعدت تبكي..
رحاب: خيرك بسم الله شن جاك؟
فرح: سيف يارحاب سيف امشي وسيبني...
رحاب: اني من الأول نصحتك وقتلك بعدي عليه يافرح...انتم مش لبعض
فرح: عندك حق ياريتني سمعت كلامك وماتعلقتش بيه...بس اللي بيجنني علاش هكي...علاش امشي بدون مايقولي اني مش طالبة منه شي والله..
رحاب: خلاص انسيه وألهي بشغلك... ومعاش تتثقي في حد بعد هكي..
فرح: لا لا خلاص مستحيل مازال نعطي الثقة في حد..
وبينما فرح ورحاب قاعدات يهدرزو جي منير بالسيارة هو وأصحابه ونزلو وهما يدروخو...
رحاب شدت فرح من ايديها: هيا نخشو داخل فكينا من سوهم..وخشو بسرعة..
منير وأصحابه امشو للمربوعة الخارجية سكروها عليهم بيكملو باقي التكييف..حشيش ومخدرات وزايطة الحكاية...
فرح: اعوذ بالله منه قداش حقير...اني ضروري ندور عمل ثاني نحس فيه مش ناويلي علي خير..
رحاب: تي وين بتمشي؟ اقعدي اهني وكان زاد ضايقك خبري بوه حيوريه..
فرح: باه وبوه مايعلمش بيه انه خاش ع الحشيش والمخدرات..؟
رحاب: المدام أروي ديما اداري عليه وتستر في فلايطه قدام بوه...واصلا بوه أغلب الوقت مسافر وبرا الحوش..
