#منقولة
#صفحة_قصص_من_عالمي
#وما_ذنبي_انا
#الحلقه9
سيف: شن تقولي يام؟
زكية: اللي سمعته قتلك فرح خطبوها اليوم في اللمة..او بالاحري تكلمو عليها..
فرح ناضت ركبت لدارها بدون ماتزيد ولاكلمة (شدت المخدة وتعنقتها وقعدت تبكي.... اه ياربي علاش مكتوب عليا الشقا...علاش ماتنزوجش ونفرح زي البنات...ربي ينتقم منك يامنير زي مادمرت حياتي يارب)
سيف: فرح قاعدة اصغيرة ع الزواج يام
زكية: شن اصغيرة؟ اللي اصغر منها يتزوجو..
سيف: بالله سكري عليه الموضوع توا..
زكية: احكي الحق ياولد...بالك انت تبيها؟
سيف تفاجأ بسؤال امه: شنووووووو
زكية: اي اصلا اهتمامك بيها واضح...وبعدين البنت ماناقصها شي وأخلاقها ماشاء الله..واني تعودت علي قعدتها في الحوش معايا الحق...كان ربي يهديك وتتزوجها
سيف: اني مش في بالي موضوع الزواج حاليا.
زكية: خلاص معناها خلي البنت تشوف نصيبها.
سيف: خلي تكمل قرايتها وبعدين ساهل.
زكية: تو غدوة نسأل صاحبة العلاقة انت ماليكش دعوة.
سيف( يام كان نقدر نحكيلك بس قداش هالموضوع يألم في فرح بس لانها حاسة روحها ناقصها حاجة)
زكية: خلي انوض نرقد عظامي مهسهسات...تصبح علي خير
سيف: وانتي بخير..امتد سيف ع الكنبة في الصالون وقعد يفكر في فرح وهو عارف كيف حالتها توا..بس ماحبش يركب ويزعجها بيخليها براحتها...امشي لداره وجاب كتاب وقعد يقرا..وكلام أمه في باله..
نزلت فرح بتشرب امية تفاجأت بسيف راقد ع الكنبة.سيف شافها ناض قعمز: قاعدة نايضة فرح؟
فرح: مش جايني نوووم
سيف: باه تعالي قعمزي هدرزي عليا وخبريني علي جو المدرسة..
جت فرح وسيف دني شويا وقعمزت جنبه ع الكنبة..سيف لاحظ خشمها مولي احمر وعيونها حمر عرفها كانت تبكي..
فرح قعدت ساكته وبعدين: سيف شن رايك في اللي قالاته أمك؟
سيف: انتي موافقة؟
فرح:0_0 سيف انت تتكلم بجد؟ شن ناسي اني شنووو
سيف: انتي شنو؟ انت بنوته ماشاء الله عليك والف شاب يتمناك...وهلبا راه يتقبلو في هالمواضيع خصوصا انك مالكش ذنب..
فرح: يعني نوافق قصدك 0_0
سيف: لا قصدي اي...قصدي مانعرفش فوتيه الموضوع توا
فرح: سيف حيرتني معاك راه...انت علاش تعامل فيا هكي..
سيف: كيف يعني مافهمتش؟
