الحلقه8
ايناس: اسكتي توا بعدين نحكيلك.... من وقت ماشفتها وأني نرحي عليها..
منيرة: عطها جدري محلاها
ايناس: اي اي زيدي حلي ذقنك لين سيف يضيع منك وانتي تتفرجي..>_<
منيرة: عينك تو تشوفي كيف نصطاده؟
ايناس: امتي ان شاء الله وإنتي قداش ليك تقوليلي فيه هالكلام...اهو لين جت هاذي وشكله مهتم بيها هلبا..
منيرة: لا لا خلاص بنبدي ندير خطوات جدية توا
ايناس: باه تو نراجو ياحنة -_-
زكية: هلا اوسيفة اوليدي...
سيف: هيا يام مش بتروحي ؟
زكية: راجي خلي منصف يكمل اجراءات عزة لانها بتروح معانا للحوش.
فرح: وين البنوته خالتي نبي نشوفها ^_^
زكية: خشيلها داخل بنيتي....وخبطت فرح الباب وخشت: السلام عليكم
عزة وامها: عليكم السلام هلا فرح
زكريا:°_° ( تي من هالطرف هاذي)
فرح شدت البنوته: تووووهبل محلاها محلاها وباستها ربي يحفظها يارب..شن سميتوها؟
عزة: تسلمي يارب سمينهاها أريام ^_^
زكريا منسبه في فرح( انتي اللي ربي يحفظك )
خش سيف بيشوف البنوته تفاجأ بوجود زكريا وهو مبلم في فرح ويوزع في إبتسامات..
سيف: فرح ترا شوفي أمي بالك تبيك برا..@_@
فرح: شويا تو نشوفها خليني جنب هالعسولة محلاها تتاكل ماكلة ^_^
سيف فنص فيها: غير امشي توا..بعدين تشبعي منها 0_0
فرح استغربت من تصرف سيف وكأنها فهمت انه غاير من زكريا...فحطت البنوتة وناضت
زكريا: اهلا سيف كيف حالك.
سيف: الحمد لله شن اخبارك انت وكيف حال قرايتك؟
زكريا: تمام ماشية 👍( زكريا خو عزة الوحيد وعمره 21 يقرا في كلية الاقتصاد)
طلعت فرح برا وكانت منيرة وايناس قريب ياكلوها بعيونهم وهي حست بيهم فقعمزت ع الكرسي جنب زكية..
زكية: شن فروحة شن جو الثانويه معاك ؟
فرح: الحمد لله ياخالتي والله فرحانة اني بنكمل قرايتي..
زكية: باه غير شدي كويس عشان تنجحي...سيف راه واثق فيك هلبا.
فرح( واني واثقة فيه ونموت فيه): اي ان شاء الله..
كملو الاجراءات متاع الخروج وروحو بعزة لحوش أهل سيف لين تشد روحها وبيديرو اللمه غادي..
سيف طول الطريق مبوزم وماكلمش فرح ولا كلمة قاعد مقاطعها...وهي مش عارفة شن ادير مش متعودة سيف يعاملها هكي..
