ماذنبي انـا

19

#منقولة
#قصص_من_عالمي
#وما_ذنبي_انا
الحلقه 19
سيف: فروحة انتي شن تقولي!!!!

فرح شادة وسطها وتعيط وخلاص...ايناس تشبح لمنيرة وخايفة..

ومنيرة دروحها عادية: سيفو حبي ارفعها للمستشفي بسرعة..

سيف: عزة تعالي لبسيها عبايتها عشان نرفعها...

ولبستها عزة عبايتها وطلعوها للسيارة وهي بتتقطع من الوجع تعيط ..

سيف السيارة قريب قلبها.... وصل للمستشفي خدوها منه ودخلوها للطوارئ..

سيف قدام الباب ماشي جاي..ومتوتر ع الاخر...شويا وانفتح الباب وطلع الدكتور...

سيف: ها يادكتور مرتي خيرها؟

الدكتور: ماتخافش الحمد لله المدام بخير...بس الجنين ربي يعوضك

سيف اضايق: باه وفرح شنو؟

الدكتور: نزفت هلبا بس حالتها استقرت توا...اعطنيها منوم وحترقد ماتخافش..

سيف: بارك الله فيك يادكتور..ومشكور بجد

رن تليفون سيف وكان معتصم: ايوه سيف شن صار فيك؟

سيف: الحمد لله ربك ستر وفرح كويسة راقدة بس توا

معتصم: باه تمام.

سيف:اسمع اني بنبات اهني...قول لأمي وطمنها

معتصم: اوكي اوكي تم
~~~~~~~~~~~~~~~~~~~
ايناس: شن عصومة شن قالك سيف؟

معتصم: قال سيف حالها باهي..

عزة: باه الحمد لله...زعما بتروح اليوم

معتصم: لا قال بيقعد غادي معاها...معناها أكيد بتبات..

منيرة( زعما شن صار فيها طاح فرخ الحرام او لا)

ايناس: منيرة تعالي خلي نديرو شاهي خاطرنا فيه..

وخشت هي وياها للمطبخ: حي عليك غبارتك شن درتي؟

منيرة تضحك: مادرت شي اني شن دخلني...المراة مريضة بروحها

ايناس: فوتيه علي غيري...شن حطيتلها من العشبة؟

منيرة: اي حطتيلها شوي...ياريتني كثرتلها وافتكيت من وجها بكل

ايناس: باه زعما في المستشفي ماتبانش انها واخدتها..

منيرة: ماتخافيش ماتبانش...احني في ليبيا شن تحسابينا في نيويورك...جو تحليلات وتحقيقات

ايناس: ربك يستر وخلاص

منيرة: ههههههههه ماتخافيش ياخوافة.... والله فرحانة بنطير وتوا حنلعب خطوتي الثانية

ايناس: شن مازال في ثاني؟

منيرة: توا ضروري نحمل منه ونعوضه..