مساء الخييير يا حبايبي .. عاملين ايه ؟ وحشتوني جدااا كلكوا .. انا عارفكوا واحدة واحدة بأسميكوا ( من نورهان ، او ياسمين ، او مريم ، او سلمي ، او هاجر ، او ندي ، او عزة ، او مها والخ .... ) ، ما هو مش معقولة انسي اجمل فانز جميل زي دا وبيرفعوني وبيقدروني وبيدعموني 💜 .. واسفة لو نسيت حد ربنا الي يعلم انا بحبكوا ازي ..
وبصراحة انا مكنتش اتوقع في يوم ان يكون ليا فانز علي رواية ليا .. بيدعموها وبيحبوها كدا ... ولله انا لما بكون مضايقة بدخل علي تعليقاتكوا الحلوة الي انتوا بتكتبوها في الرواية وبفرح حرفيآ ونفسيتي بتتعدل كدا لوحدها ... وبشكر كل القمرات الي دخلوا سئلوا عني ❤
انا عارفة اني اتأخرت جداااا جداااا وممكن كمان تكونوا نسيتوني ومليتوا من الانتظار حقكوا بصراحة سنة بحالها 😅
بس انا فعلا جات ظروف بجانب الكورونا وامتحاناتي لخبطتلي الدنيا خاااالص .. وشغلتني اوي ...
المفروض كنت هنزل حلقات خاصة من الرواية دي والرواية الجديدة كمان في فترة الحظر ... بس جددت عليا الظروف ومعرفتش انزل حاجة .... والموبيل اتسرق مرتين كمان 😂 انا بعشق الكتابة وبلاقي فيها نفسي .. يمكن دي اول حاجة اكتبها .. لكن انا كنت بكتبت اسكريبتات علي الفيس بعديها قدمت خطوة وكتبت رواية خاصة بيا لشغفي القراية والكتابة ... وانا بعتذر عن التأخير الطوييل الممل دا بعد اول حاجة انزلها ....
خلينا ندردش كدا حوالين الرواية .. ❣
اولآ هكون صريحة معاكوا انا اول مفكرت انزلها كنت عايزة اتسلي بحاجة وخلاص وتسليتي كانت في القراية والكتابة فبدأت اجمع حروف لحد ما بقت رواية شوية بشوية الموضوع عجبني لما لاقيت فانز وقولت هكمل فيه بقا وربنا يستر 😂 ....
زي ما انتوا عارفين دي اول تجاربي ... يعني كانت لسة خبرتي الكتابية ضعيفة .. وساعة لما كتبتها مكنتش قريت كتير ولا عرفت معلومات كتير .. فممكن هتلاقوا فيها اخطاء وممكن حاجات مش صحيحة كلغوية او نحوية او مش منطقية... طبعآ دا شيئ عادي بالنسبة لمبتدئة زي ... الي مش عادي بقا 😂 اني اول لما فتحت الموبيل وحملت الواتباد دخلت قريتها من اول سطر لاخر سطر لاني مكنتش قريتها بتدقيق قبل كدا يمكن بسرعة كدا خدت لمحات منها انا بعد مخلصتها وشي كان كدا اقسم بالله 😳 😅😅
الي هو يالهوي ايه الي انا عملاه دا 😂😂 ايه الجريمة دي 😂😂
هو انا كتبت كدا فعلآ ؟ انا نفسي لما قريتها بصتلها بصة محمد هنيدي في الفيلم وهو بيبص للصيني بقرف 😂😂
انا عاكة الدنيا خااالص ... وكمية غلطات املائية بالهبل مش طبيعية ... وكمان بعض ردود افعال الابطال فيها مكنش متوقع يكون بالملل والبرود دا والترتيب الزمني منيل 😂
فيها غلطات وبلاوي كتيير ... مش هقول تاني بقي كفاية فضايح 🙂 اراعي اني كنت اول مرة اكتب 😅
أنت تقرأ
عشقت ابنه عدوي(جاري التعديل)
Romanceهي:بريئه ورقيقه نقيه عشقته وهي لا تعلم انه جاء للانتقام من والدها فهل ستستمر معه الي النهاية وتتبع قلبها ..بعد تلقيها لصدمات ستغير مجري حياتها تمامآ ... هو:جاء للانتقام من والدها احبها وهو لا يعلم انها ابنه عدوه بل انه عشقها بل دق قلبه لها من جديد...
