Fated • Drarry

Fated (18)

- ჰერმიონ, ჯობია წახვიდე.- დრაკო და ჰერმიონი ერთდროულად კრთებიან, როცა ჰარის მკაცრი ხმა ესმით. სასტუმრო ოთახში მაშინვე იძაბება ჰაერი, როგორც კი გოგონა რონის გაფითრებულ, მაგრამ დაინტერესებულ მზერას ამჩნევს. რონი მალფოის ისე უყურებს, თითქოს მის წინ უცხოპლანეტელი იჯდეს.

- ჰო, ჰერმი, ჯობია წავიდეთ.- ხელს ავლებს რონი და ბუხრისკენ მიათრევს.

- რა ხდება?- ლუღლუღებენ დრაკო და ჰერმიონი ერთდროულად.

- სახლიდან ფეხიც არ გაადგა.- უღრენს ჰარი დაბნეულ დრაკოს და რონს უყურებს. - გადავიფიქრე, რაღაც მჭირდება, მიხედე, სანამ არ დავბრუნდები.

- რა ჯანდაბა ხდება?- ყვირის ჰერმიონი, როგორც კი ჰარი სადღაც მიდის პორტალით და რონს უტრიალება. - რა დაეტაკა?

- დრაკო მომავლიდან მოვიდა და ყველაფერი შეცვალა.- ჰერმიონი ამის გაგონებაზე უკან იხევს, დრაკო კი დივანზე ებერტყება, რომ არ წაიქცეს, მორჩა... დაერხა.

- ჰერმი, რას აკეთებ?- გაოცებული ლუღლუღებს რონი, როცა ჰერმიონი დრაკოს წინ ჩნდება და სახლს ფარს ხსნის, შემდეგ კი დრაკოც გონს ეგება და მათ წინ ფარს აღმართავს. როგორც ჩანს იმის იმედით, რომ სნეიპი დრაკოს აღმოაჩენს სახლის დამცავი ფარების გარეშე და ნათლულს უშველის.

რონი ცხოვრებაში პირველად ამჩნევს ჰერმიონის ხელზე სამაჯურს, რომელიც ზედმეტად ნაცნობია, იმის გამო რომ წმინდასისხლიანი ჯადოქარია. იცის ეს რაც არის, კავშირის სამაჯური... მისი საშუალებით ჰერმიონს შეუძლია დაუკავშირდეს თუნდაც ქვეყნის დასალიერში მყოფ მეგობარს, რომელსაც ასევე სამაჯური ექნება და ის სამაჯურის პორტალით მასთან მოსვლას შეძლებს.

რონს დრაკოზე გადააქვს მზერა, რომელსაც ზუსტად ასეთი სამაჯური უკეთია ხელზე. ამ სამაჯურის ერთადერთი მინუსი მხოლოდ ისაა, რომ თუ მას ისეთი ადამიანის თვალწინ გამოიყენებ, ვისაც სამაჯური არ აქვს, ის ხილული ხდება... ანუ მთელი ამ დროს განმავლობაში დრაკოს, ჰერმიონს და კიდევ ვიღაცას ეს სამაჯურ-პორტალი ერთმანეთთან აკავშირებდა.