Fated • Drarry

Fated ( 19) NEW!

- რა ხდება?- გაოცებულმა იკითხა დრაკომ, როცა ბელიზის გაფითრებული სახე დაინახა, რომელიც ბუს მიერ მოტანილ წერილს უყურებდა.

უკვე ღამდებოდა, მას შემდეგ რაც მეგობრებმა პოტერ-მენორიდან "მოიტაცეს" ნერვიულობის 8 საათი გავიდა. პანსი დაინტერესებული ჩაეჩრა წერილსა და ბლეიზს შორის, შემდეგ კი ჩაიცინა.

- დოლლიმ ( Dolly) საჭმელი მოამზადა. არ გშიათ?- სასტუმრო ოთახში ჰერმიონმა შემოიჭყიტა, დრაკომ თავი დაუქნია და წამოდგა. პრინც-მენორში იყვნენ, ელფები ჰერმიონს ისევ მათ ქალბატონად თვლიდნენ, რადგან დროს ხაზის ცვლილებების და მიუხედავად, მათ ყველაფერი ახსოვდათ.

-ნიძლავი მოვიგე.- კმაყოფილმა გადახედა პანსიმ ჰერმიონს.- ვიცოდი, რომ როგორც კი პოტერი სიმართლეს გაიგებდა, ამას გააკეთებდა.

- რა გააკეთა?- თვალები ინტერესით გაუფართოვდათ დრაკოს და ჰერმიონს.

- გაიგო, რომ ჰერმიონი მისი დაა და დამბლდორს მიუვარდა.

- რაო?- შეიცხადა ჰერმიონმა და ბლეიზს წერილი ხელიდან გამოგლიჯა. წერილი სნეიპისგან იყო. დრაკო გოგონას მიუახლოვდა და წერილში ჩაიჭყიტა.

" ბლეიზ, ეს წერილი დრაკოსთვისაა განკუთვნილი. მისთვის პირდაპირ რომ გამეგზავნა, ჰარი მას აუცილებლად იპოვიდა.

დრაკო, როგორ გაბედე ჩემთვის ასეთი მნიშვნელოვანი ამბის დამალვა?! ახლა უნდა ვიგებდე, როცა შენი საჯდომი ათასჯერ გადავარჩინე?! შეგახსენებ, რომ შენი ნათლია ვარ, პატარა, ეშმაკო გველო!

ჰარიმ ნახევარი ჰოგვარტსი გადაწვა, გიენით! საბედნიეროდ ცეცხლის მართვა შეძლო და ადამიანები არ დაშავდნენ, აი დამბლდორის პორტრეტი კი დაწვა! ზედ მიაყოლა კიდევ რამდენიმე პორტრეტი, რომელშიც დამბლდორი გარბოდა ან იმალებოდა.

შენმა იდიოტმა ქმარმა 28 პორტრეტი დაწვა და მათი აღდგენა შეუძლებელია!

არ ვიცი, რას აპირებ, მაგრამ ფრთხილად იყავი, ერთხელ ვიტყვი და ჩემგან ამის აღიარებას აღარასდროს ელოდო, პოტერი როცა გაბრაზებულია, უკონტროლოა.