Fated • Drarry

Fated (13)

- ძლიერი ფიზიკური, ემოციური და მაგიური გამოფიტვა. - ბეჭედს სვამს მადამ პომფრი, როცა ჰარი ჰოგვარტსის საავადმყოფოში ბოლთას სცემს, სანამ გათიშული დრაკო საავადმყოფოს საწოლში უგონოდ წევს.

როცა დრაკოს ყველას თვალწინ გული წაუვიდა, სნეიპმა ვერაფრის გაკეთება ვერ მოასწრო, რადგან ჰარიმ შეუძლებელი შეძლო, ჰოგვარტსში, დარბაზის ერთი ბოლოდან, მეორე ბოლოში აპარტირდა და ბიჭი მანამ დაიჭირა, სანამ დრაკო დაეცემოდა. მთელი სკოლის წინაშე პოტერმა დრაკო ხელში ისე აიყვანა, თითქოს ბუმბული იყო და საავადმყოფოში გააქანა.

სანამ ყველა ერთმანეთს შოკირებული შეჰყურებდა, პანსი და ბლეიზი ჰარის გაეკიდნენ, შემდეგ კი მათ სნეიპიც მიჰყვა. დრაკოს უშვილობის ნაყენი ჰქონდა და დალევა აშკარად ვერ მოასწრო, მადამ პომფრი კი, რომელიც უკვე გაფრთხილებული იყო ჰარის და დრაკოს კავშირზე, ჰარის უეჭველი ეტყოდა, რომ დრაკოს მანტიაში უშვილობის ნაყენი აღმოაჩინა.

და არც შემცდარა, სნეიპმა ნაყინის გადამალვა ვერ მოასწრო, პომფრიმ გაფითრებულ ჰარის უკვე უთხრა და ანახა პატარა ბოთლი. სნეიპმა ღრმად ჩაისუნთქა, მადლობა მერლინს, უბრალო პატარა ბოთლში ჩაასხა და არა სპეციალურ ბოთლში, რომელსაც მისი გერბი ჰქონდა, როგორც საავტორო უფლება.

- ამ ნაყენის მომზადებას ორი თვე სჭირდება, თანაც ძალიან ძნელია მისი მომზადება. - ინტერესით შეისწავლის პომფრი ნაყენს. - უშვილობის ნაყენი, თანაც ისეთი ძლიერი, რომ სამუდამო უშვილობას იწვევს. საკმაოდ ძლიერი ნამუშევარია... მისგან ანტიდოტი არ არსებობს.

- ეს ჩემია.- უეცრად ამბობს იქვე მდგომი ზაბინი. - დრაკოს ვთხოვე ჩემთვის შეეკვეთა, მე რომ ეს გამეკეთებინა დედა გამიგებდა. დრაკოს ჩემთვის უნდა მოეცა, მაგრამ გონება დაკარგა.

- თქვენი?- ოცდება მადამ პომფრი. - მაგრამ რა მიზეზი უნდა გქონდეთ ისეთი, რომ შვილების ყოლაზე უარი თქვათ?