خُلِقت بين الفحول فاصبحت منهُم

البارت 2

الكاتبه : آيه محَمد
العنوان : خُلقت بين الفحول فـ اصبحت منهم

-------
البارت 2

تگول چان يفتح باب سيارته واني فتحت باب السياره الخلفي وختلت مثل الكتكوت چان هو يباوعلي من الجامه مال السياره وضحك دار وجها گال بزيي هذا وسيارتي وابويه الشيخ الفلاني وگاعده ليوره اللي يشوفني يگول اشتغل سايق عندچ تعالي ليگدام تگول صدوك گمت گعدت ليگدام بس شنو لطشت بالجامه مال السياره يمكن لو تحچي الجامه جان شتمتني وگالت اشتعلوا اهلچ فكيني ياخه چان يحمحم وگال يلا نتوكل گلتله وين نتوكل گال البيتكم لو وين تردين وخزرني گتله ها اي هو البيتنه بس خليني ادليك گاللها اندل وين بيتكم وغمزلي اني هنا ماعت روحي بنص الكشن وحرك السياره ومشه
تگول صدُگ وصلني للبيت بس طول الطريق يگح و ع كل گحه يگحها گلبي يوگف عبالك الولد شو شمسويلي وصلت للبيت صادف يوم خميس چانت الاوضاع مو تمام بالناصريه بسبب المظاهرات فدوام ماكو بين قوسين عطلنه وصرت ما اشوفه احنه بيتنه بمركز محافظه فامي خافت علينه ورادت نرجع البغداد بس ابويه رفض گال نروح للبساتين مال الشطره وصدوك ثاني يوم الصبح انتقلنا هناك عمامي وعدهم بساتين وحلال يعني متربين بين شيوخ تگول رحنه بسيارتنه وچان توگف سيارتنه گدام باب حيل چبيره وهاي الباب داخلها مجموعة بيوت بيت بصف بيت وگفت السياره گدام باب قصر كلش جبير وهو هذا بيت جدي تگول اني تعبانه فوگاها ملبسيني عبايه ومنايمه دا امشي چان ادوس ع عباتي واطيح بين ايدين شخص كمشت ايده كل قوتي انتبهت ع لبسه لابس دشداشه سوده ومخلي مسدس بخصره وچان تجي عيني بعينه وريتها ما اجت هو نفس النظره والخزره