خُلِقت بين الفحول فاصبحت منهُم

بارت 18

الكاتبه : آيه محمد
العنوان : خُلِقت بين الفحول فاصبحت منهم

-----
--------

محمد : ( اول ما وصلت فتحت الثلاجه اكلت فاكهه لان انه اخذ بروتينات احتاج اكل على مدار 24 س طلعت ملابس سود معبالك راح اروح الحفله عبالك رايح الفاتحه ولو انه فاتحتي صارت من شفت صورها بنقال ذاك السگط فتت سبحت طلعت لبست تيشيرت اسود وبنطرون رياضي اسود وجاكيته سبورت سوده لبست ساعه سبورت خليت عطر وطلعت لگيت زياد منتظرني بالسياره ) انزل زياد انه اسوق

زياد : لا سيدي ميصير انه اسوق بمكانك

محمد : هسه احنه مو بالمقر سالفة سيدي بطلها لا اطيح حظك وانزل انه اريد اسوق

زياد : حاضر سيدي اقصد يلا محمد تعال بمكاني سيدي والله صعبه ما متعود احس روحي فالت حلگي

محمد : اي هسه اضبه الك يله امشي حضرت الگعده الوصيتك عليها مو؟

زياد : كلشي حاضر ومثل ما طلبت سيدي

محمد : هم سيدي والعباس ما تصيرلك چاره ( ركبت السياره وچان انطلق على 250 درجه )

زياد : على كيفك سيدي راح تسجل علينه مخالفه بالمرور لو تسوي بينه حادث

محمد : انت انچب شايل باجي لا مخالفه ولا بطيخ اگلك هسه هذا ابو نؤاس النادي اللي گلت عليه وين يصير؟

زياد : امشي ليگدام اول فرع على ايدك اليمنى

محمد : اگلك هو امان مابي كبسات وهيچ شي

زياد : لا سيدي امان

محمد : ( نزلنه انه وزياد سلمت سويچ السياره للحراس الواگفين بالباب يطبگوها اللي بالگراج دخلت الجو مخبوص جايبين محمد عبد الجبار لگيت زياد خوش حاجزلي طاوله گعدنه انه وزياد ) وصيلنه على شرب خلينه نشرب

زياد : بس سيدي انت ما تشرب شعجب اليوم موصي على شرب

محمد : وصي ومالك علاقه اريد اليوم انسم

زياد : حاضر سيدي هسه اجيبلك بس شتريد

محمد : شوف زياد اريده ساده ما اريد اكاسره بشي وكثرلي الحبشكلات اللي وياه كرزات شي

زياد : سيدي لازم السهره اليوم طويله

محمد : اي ولك طويله يا دوب تنسيني اللي شفته ( راح زياد واجتني مره يجي عمرها 41 سنه بس ما امبين عليها شايله روحها باللبس والمكياج )

ام فرح : هله والله بالجاينه جديد شنو اول فوته الك هنا؟

محمد : هله بيچ منو حظرتچ

ام فرح : اني ام فرح صاحبة المكان وكل زبون جديد يجي لازم ارحب بي شخصياً تعرف انت لازم نداري زباينه

محمد : ما يحتاج ترحبين بيه انه جاي اتونس واطلع واحتمال هاي آخر فوته اللي هنا مو دربي هالطريق بس الظروف تجبرك