الكاتبه : آيه محمد
العنوان : خُلقت بين الفحول فاصبحت منهُم
----
-------
زمزم : ( گعدت الصبح كالعاده شعري صايره بي عركه لميت شعري باوعت زينب ماكو واسراء هم خليت شال على راسي وطلعت لگيت الجده گاعده ويمها عمه آزهار ) صبحچن الله بالخير حبايب
الجده كميله : صبحچ الله بانوار النبي حبيبه شلون صرتي؟
زمزم : الحمدلله جده احسن من البارحه
الجده كميله : حبوبه هاي رهبة العرس انت بس سمعتي بطاريه فگدتي عگلچ چا باول يوم من تصيرين باحضانه شيصير بيچ
زمزم : ( ديله بله هاي من الصبح نگعد على هيچ سوالف تخلي گلبك يدگ بيافوخك من الخجل ) حبوبه الظاهر كثرتي بالبيض اكلي اكلي عافيات
الجده كميله : بت سليم اگومنلچ بالعصى شني تاخذيني على گد عقلي مو اگومنلچ والله
زمزم : حبوبه والله مو قصدي هيچ يله حبوبه انه رايحه الظاهر يصيحوني گلبي حس يصيحوني ( دخلت للمطبخ لگيت امي وعمى سلمى مجهزات روحهن يردن يطلعن ) عسى ما شر وين مغبشات من الصبح
سلمى : رايحين السعاد بتها الچبيره ذبت مايات الراس ( بدت تطلگ ) ورايحين يمها نقوم بالواجب
ازهار : ها حبيبات كملت انه نطلع لو بعدچن
اسمهان : لا حبيبه مكملين يله خلينه نطلع
زمزم : ( طلعن نسوانه من البيت وصفينه انه وزينب والجده واسراء ) اگلچ زنيبه ولدنه طلعوا؟
زينب : اي حبوبه من شوكت من غبشة الله تلگينهم حتى قبل ام الگيمر طالعين
زمزم : يعني ولا واحد بقى بالبيت كلهم كلهم طلعوا
زينب : عليوان گلبچ طلع اول واحد حبوبه اعرف عليمن تدگين انطيتچ الجواب بالگصه
زمزم : خرب يومچ ولا تفوتچ فايته تعلم ما في القلب يا ملعون خايبه صدگ ذكرتيني شو بالمستشفى عفتيني ورجعتي چا هيچ گالوا الخوه والصداقه
زينب : خايبه لا تذكريني بذاك اليوم رحت غصباً عليه والله
زمزم : شنو غصباً عليچ ما فهمتچ
زينب : چا غير دكتورچ ضرب للعكس وياي ( باع ميانه بسرعه ) وانطاني الرقم گدامچ اخوچ علي
زمزم : لا بشرفچ؟
زينب : وداعة جهالي ونظر عيني واخوچ زنگ ( جر ) الرجال من ياخته وحمسه بضربه خطيه الرجال ماعت روحه والممرضين فكوهن
زمزم : ( ضربت على خدي ) عمة عيني عليك خويه خوما صار شي بعلي
زينب : هاي شبيها البت اگللها اخوچ حمس الولد تگول عمة عيني عليك خويه حبيبه انت شاربه شي من الصبح وانه ما ادري
أنت تقرأ
خُلِقت بين الفحول فاصبحت منهُم
Romantizmبعيداً عن حكايات الحَضر بين الجنوب وعاداتهُم وحكمهُم العشائري وطريقتهم في اخذ الثار ومعاناتهم بالحُب ..
