خُلِقت بين الفحول فاصبحت منهُم

البارت 20

الكاتبه : ايه محمد
العنوان : خُلقت بين الفحول فاصبحت منهُم

----
------

زمزم : ( صعدنه بالسياره وانطلق بينه شوارع الناصريه بالليل كلش حلوه لان احنه منطقتنه بس بساتين وخضّار الهوى اللي يكفخك بارد يريح گلبك صافنه على الخضّار وافكر بزواجي من علي وقطع عليه التفكير صوت علي )

علي : بشنو تفكرين شو صافنه وهدوء مو من عوايدچ

زمزم : علي سؤال

علي : جواب مازن

زمزم : هسه انت صدگ تريد تتزوجني والموضوع اللي حچيته گدام الكل واقعي لو بس حتى ما اوگع بمصيبه بسبب ذيچ الليله

علي : اول شي موضوع ذيچ الليله لا تذكري لان متندم اللحد هسه لان ما خلصا عليه ثاني شي انت ما مسويه غلط ما انكر غلطتي من طلعتي بهيج وقت متاخر بس ما گدر يلمسچ ودافعتي عن نفسچ يعني حتى لو دروا بالموضوع فهذا الشي ما ياثر عليچ ولا عليه يمكن يقسون عليچ بسبب غبائچ بس تنسي السالفه ثالث شي انه مو من النوع اللي يحچيله كلمه وتطلع چذب او يحچي شي ويتراجع عنه

زمزم : ( اباوع عليه يحچي واعصاب ايده يردن ينطن كلما يحچي بهدوء يضغط على الستيرن بيده واعصابه يبينن ) يعني انت رايدني من كل گلبك ولو فرض مفروض عليك

علي : ( من گالت فرض مفروض عليك ضجت منها يعني كل هذا وممبين عليه انه اريدها طبگت السياره بين البساتين مكان ظلمه وطفيت اضوية السياره باوعتلها امبينه خايفه) لا تخافين ما اسويلچ شي

زمزم : ( من سالته هالسؤال نفخ وضغط على الستيرن وما جاوب انه من حقي اعرف ليش يريد يتزوجني ما انكر انه احبنه بس غير اتاكد من مشاعره اتجاهي لف السياره وفوتنه بنص البساتين المكان اظلم كلش حسيت گلبي اجه يوگف من الخوف يعني اتخيلوا شاب وبنيه بمكان فارغ يعني هنا الشيطان اكيد راح يلعب دوره من گال لا تخافين اطمنت شويه) اذا متريد تجاوب عادي لتجاوب بس رجعنه للبيت لان المكان هنا يخوف وراح نتاخر

علي : شلون صرتي؟

زمزم : ( دريت بي يريد يغير الموضوع ) لا الحمدلله احسن فكتني الدوخه والهوى والجو يفتح النفس

علي : ( خليت ظهر ايدي على خدها واتلمست بخدودها ) اليوم شفتهن ذبلانات وصايرات صفر ( اتقربت عليها وبست خدودها على كيف ) عقل ما ظل براسي من شفتچ روحچ لايبه ( تعبانه ) اتمنيت التعب بيه ولا بيچ ( آحچي وابوس بوجها وصلت لشفايفها بستهن )

زمزم : ( من اتلمس خدودي جسمي كله رجف على لمسته غمضت عيوني بلش يبوس بخدودي ويحچي الى ان باسني من شفايفي حسيت گلبي يدگ بكل مكان بجسمي ما گدرت امنعه وصرت ابادله بالشي اللي يسوي انفاسه صارت حاره وحركته بدت تتماده اكثر وبده يسحبني الغير عالم عالم بعيد عن واقعيتنه من شفته بده يروح زايد خليت ايدي على صدره ودفعته وحچيت بصوت يرجف) علي بعدنه ممتزوجين اللي جاي نسوي غلط