خُلِقت بين الفحول فاصبحت منهُم

البارت 15

الكاتبه : آيه محمد
العنوان : خُلقت بين الفحول فاصبحت منهم

-------
-----------
البارت 15

( گمنه من العشه وانه عيوني تفتر بكل مكان تدور عن علي وعلي ماكو)

اسمهان : يمه زمزم هاي ملابس اخوچ وديهن الغرفته يريد يطلع هسه واليوم التهينه وما لحگت انه ارتبهن اله اخذيله هاي الدشداشه خلي يلبسها

زمزم : ( انه بالي مو يم امي حسبه تجيبني وحسبه توديني ) چان امي تعيط بيه

اسمهان : لچ زمزم مو احاچيچ بالچ وين يمه هاي ملابس اخوچ وديهن الغرفته يريد يطلع

زينب : عمه جيبيهن انه اوديهن بس كون علي مو بغرفته

اسمهان : لا يمه مو بغرفته قبل شوي طلع بس كمل عشاه هاچ اخذيهن حطيهن على چربايته انه لو بيه حيل چان صعدت الغرفته بس يمه درج صعبه عليه الصعده والنزله

زينب : لا عمه شجاچ تدللين

( صعدت الغرفة علي فتحت باب الغرفه خليت دشداشته على چربايته اجيت اطلع الفضول منعني ردت اشوف غرفته ما اعرف شنو السبب بس بعد الفضول وما ادراك ما الفضول باوعت على الميز لگيته متروس عطور رجاليه وعطور جسم انه بيه طبع وين ما اشوف عطر اخلي منه هو مخلي ٥ عطورات اشم العطر وارش الروحي انوب محد موجود بالغرفه استغليت الوضع وگمت اسبح بالعطورات مو ارش منهن فتحت المجرات لگيت ساعات انتبهت على ساعاته كلهن امبينات من شكلهن غاليات والله وطلعت مو قليل استاذ علي هم اناقه وكذا انتبهت لگيت اكو علبه حمره گلت بالعباس الا افتحها واشوف شبيها فتحتها لگيت بيها خلخال امبين من شكله ذهب چان شكله كلش نازك بي فصوص زرگ وبنهاية الخلخال سلسله نازله وزني الشيطان الا البسه گلت هسه هو علي ما موجود خلي البسه بس اشوفه على رجلي وانزعه ما بيها شي وهو مو غريب ابن عمي وانه بنت عمه وانه اولى من الغريبه بي گعدت على چربايته رفعت دشداشتي ولبسته طلع يجنن على رجلي ظليت رافعه دشداشتي واتمختر ( افتر ) بالغرفه صدگ عجبني شكله وما احس الا الباب الوراي انفتحت واني اتصنمت بمكاني دخيل الله كون مو علي دخيلك يا ربي والچنت خايفه منه صار وباتعس الحالات بعد چان علي وهسه طالع من الحمام ولاف منشفه على خصره ومنشفه مخليها على رگبته ينشف شعره بيها گبل غمضت عيوني وهو عاط بيه )

علي : ( طلبت من امي تجيبلي دشداشه لان كنتوري فارغ كلش اعرف جاي يصفون بغراضنه لذلك كمشت نفسي وما گلبت الكنتور على راسهن گالت اي راح ادزلك زمزم تصعدهن الك فتت اسبح سمعت باب غرفتي انفتح گلت اي همزين هاي زمزم جابتلي ملابسي بعدين انتبهت زمزم بقت بغرفتي شسوي هاي مو من عوايدها ابد بعدها سمعت صوت عطر جاي ينرش بغرفتي وانه كلشي ولا عطوري لان اوصي عليهن ويجيبوهن ما اشتريهن من السلف ولا من الولايه وانه صرت شلون المصراع اريد اطلع من الحمام واملص رگبة زمزم على هاي طلعتها طلعت مستعجل لفيت منشفه على خصري ومنشفه على رگبتي اريد انشف شعري بيها طلعت وانه شايط ( عصبي ) بس طلعت من الحمام وچان ينگلب السحر على الساحر شفت غزيلانه بغرفتي تتمختر ( تفتر وتتمايل) ورافعه دشداشتها الظاهر غزيلانتي مفتشه بغرفتي ومطلعه الخلخال لا والنوب لابسته بگلبي اگللها كلشي مسموحلچ بس خربتي عليه المفاجئه چان اعيط بيها ) ظلي على هاي وگفتچ ولا تتحركين ابد