خُلِقت بين الفحول فاصبحت منهُم

البارت 11

الكاتبه : آيه محمد
العنوان : خُلقت بين الفحول فاصبحت منهم

-
------

سلمى : يله خيه شو گاعده ما تردين تنگلين غريضاتچ قبل لا يجون ولدچ ورجلچ

اسمهان : اي خيه گايمه بس انت خيه بيچ شي خاف تعبانه بروح ابوچ اذا تعبانه عوفيها بلاها البنيات وياي

سلمى : بالعكس انه هسه يلا صحيت وردلي عگلي براسي

زينب : يمه جدتي كميله شرادت منچ وشنو الكلام اللي حچته وياچ

سلمى : لا تدخلين بشي ما يخصچ وشوفي شغلچ

( گمنه انه وزينب ننقل بغراضي لان الغرفه اللي چنت گاعده بيها انه راح يشرف بيها استاذ علي وانه نزلوني يم البنات صار ترتيب الغرف الشباب فوگ وياهم غرفة احمد ومرته وامي وابويه وانه يم البنات جوه وحجرة جدتي بصفنه وحجرة عمو سليم ومرته هم جوه اجه الليل بعد ما هلكنه من التعب والتنظيف هالبيت مابي استراحه لازم يوميه تطلعلنه سالفه شكل وكراب شكل صارت الساعه ٦ گلت خلي اسبح وابدل ملابسي لان اللي يشوفني يگول هاي البنگلادش حالتها يرثى لها صدگ سبحت وطلعت لبست دشداشه عاديه لونها رصاصي مشجر برصاصي فاتح اتكحلت ونرجع للحمره السحريه المنقذ مالتي خليت شويه وطلعت من غرفتي لگيت زينب ومرت احمد جاي يسوون عشه )

زمزم : ها خياتي تحتاجن مساعده ترى مازن برسم الخدمه ( باوعت المرة احمد وسالتها ) اگلچ خيه انه ما اعرفچ حتى اسمچ ما اعرفه بس شكلچ هادئ وينحب مو مجامله ما احسنچ حيه وخبيثه

ساره : ضحكتيني خرب يومچ انت عندچ الحچايه هيچ تطگيها طگ بدون مجامله خيه انه ساره وانه بنت خالهم قبل لا اصير چنتهم

زمزم : خيه زينب انت روحي اسبحي وجهچ يطرد النعمه من السلف وانه وساره نكمل العشه وهم اريد احقق وياها تعرفيني فضوليه يلا بوجهچ للحمام

زينب : خايبه الملافظ سعاده گولي شكلچ تعبان مو يطرد النعمه بس يله هم صح صايره اخوف رايحه انه بس على كيفچ ويه مرة اخوي لا تلحين عليها زياده

زمزم : خايبه انه مازن حباب ويه الجنس اللطيف انت بس اطلعي منها وانه بسبع خيرات

ساره : انوب مازن شني سالفتچ انت اللسانچ شيتعاطى ديله شتردين تعرفين اشتغلي واسالي

زمزم : شلون تزوجتي انت واحمد تقليدي لو حب

ساره : باعي خيه احمد اكبر مني بـ ٥ سنين من صرنه وشبينه اهلي واهله يگولون احمد الساره وساره الاحمد انه حبيته لان خلوا بعقلي هالكلام بس هو چان غير عني چان مشغول بالسلف والگيعان ويه عمي الشيخ يعني مچان متفرغ للحب وهالسوالف بس لما اتزوجنه انه علقته بيه حيل وعرفت شلون اوصل الگلبه وهو مو صعب لا چان كلش حنين وسهل عليه هواي امور وهل تشوفي اذا اروحن الهلي يجي ثاني يوم مرجعني صح قليل اشوفنه بس بليل بس يكفيني هو بس اللي ومكتفي بيه