خُلِقت بين الفحول فاصبحت منهُم

البارت 3

بارت 3
الكاتبه : آيه محَمد
العنوان : خُلقت بين الفحول فـ اصبحت منهم
تگول بعد لحظه من الصدمه اللي اني بيها هو ليش هنا وشيسوي معقوله واحد من گرايبي وما ادري وچان يتقرب عليه وگال بوجهج للبيت وهاي مشيتچ مال الثولات تعدليها لا وحگ الحگ احش رجلچ هنا لو مو اهلچ واگفين تگول اني شلون صرت مثل جن علاء الدين گلت سمعاً وطاعه تگول دخلت للبيت تعبانه رحت الحبوبتي سلمت عليها ع گولتها تعالي يحبوبه انطيني حبّه ( بوسه)  چان البيت حيل چبير وبي غرف هواي وچان عمي الچبير بي هوَ وولده حبوبتي صاحت ع وحده من بنات عمي توديني للغرفه ارتاح تگول صدك لبست تراك وظفرت شعري ع الجانب ونمت ما گعدت للـ 10 بليل تگول گعدت ميته جوع تگول استحي اكل طلعت بالحديقه البره تگول هاي الحديقه تسويلج واهس للمشي ظليت امشي وشامره شالي على جتفي تگول سمعت صوت چلب گلت هذا الجوع عم عليه وگمت اتخايل والله والصوت صار قريب واشوف چلب اسود جاي كل سرعته عليه لابسه نعال حبوبتي انوب جبير وجان اركض ويفلت النعال گدامي واطيح گلت انوكلت مبيها مجال
تگول وما احس اله رجال اجاني يركض وبيده تفگه رماله طلقتين وشرد الچلب تگول اني عندي خفقان من الخوف صعد الخفقان ووجهي صوفر كلش واريد اخذ الهوى احس روحي حاطيني بشيشه وقافلين عليه اجاني گومني ونكث ملابسي وگال اخذي نفس ماكو شي اباوعله هو نفسه ابو الجامعه بس شيسوي هنا بعدين گلت هسه اني وين افكر اجيت انعلس هسه اباوع لعيونه بيهن خوف مو طبيعي عليه گعدني وخلاني متچيه ع شجره وگال شطلعچ بليل الچلاب بليل يهدوهن خاف يفوت غريب لو حرامي لو ناهشچ هذا الچلب لو انه ما موجود چا شصار بيچ تگول اباوعله چان گتله عفيه بس شسمك حتى آعرف شجاوبك گاللها ' علي '
گاللها يلا نرجع للبيت اتاخر الوقت تگول انطاني ايده حتى اگوم گتله لا اخاف انطيك ايدي خاف واحد يشوفنه تگول دنگ عليه وخله عينه بعيني گال الساعه 10 بليل طالعه تفترين بالبستان ما خفتي وگلتي تجيني چلاب الديره بس من علي ينطيج ايده ينزل عليچ الخوف يلا گدامي تگول فشلني بس گلت استاهل الرزاله اذا مو هيچ اكررها ادري بيه تگول امشي والشال شامرته شمر چان گاللها عدلي شالج لا اعدله الچ اني گالتله شلون گاللها اعصبچ مثل جداتنه احسن ما كل شويه طالعتلي عطبه من عطباتچ يلا عدلي تگول صدوك عدلت شالي بس احس اكو شي غريب بهذا الرجال ما اگدر اگوله لا ع الرغم اني چنت سلايه ببلعوم بيتنه اي شي يصير اني الاعارض بس هالشخص ابد