خُلِقت بين الفحول فاصبحت منهُم

البارت 25

الكاتبه :- آيه محمد
العنوان :- خُلقت بين الفحول فاصبحت منهُم
.
.
.

زمزم : ( اليوم گعدنه مخبوصين كُلها شايله غريضاتها وتريد تاخذ مكان بالسياره حتى تروح للصالون ملتهين بعرس ابن زوج عمه سعيده صحت بصوت عالي ) يمه يمه

اسمهان : ووجعه ييمه شبيچ

زمزم : يله يمه كملت شوكت نروح للصالون

اسمهان : يمه احنه منروح وياچن احنه نبقى بالبيت انتن روحن وحدچن انت والبنات ومناك يجي علي ياخذچن البيت سعيده

علي : يله يمعودات وراي شغل انه خوما اشتغل الحارس الشخصي وبكيفچن گدامچن 5 دقايق اذا ما اجيتن وحگ هو الحسين اديرن وجهي واروح

زمزم : لا يخويه على بختك هاي اجينه والله خايبات زينب اسراء يله

زينب : اجينه اجينه ادري هو تسحول خوما تسحول انطوا صبر

اسراء : وانه جاهزه يله نروح

علي : يله گدامي يلعن ابليسچن غير تفتن ( تشلعن )  الگلب

زمزم : علي فد اغنيه رداحيه حلوه بستر خواتك خلي نعيش الاجواء

علي : اي حتى العالم من تسمع الصوت تگول خلي يلمع گرونه ماخذ كوم لحم وبس بنات ومشغللهن اغاني

زمزم : عمي يا چلمه ردي المچانچ حچينه وابتلينه

علي : ما اوصيچن خد وعين لا تبالغن ولا تتبهذلن خاف اكو تصوير او شي مكياج خفيف وملابس مرتبه ومستوره

زينب : حاضر يسي السيد في اوامر تانيه ولا ايه؟

علي : اي شرايچ ترجعين وياي للبيت حتى تصيرلچ گرصة اذن وبعد ما تحششين على كلامي

زينب : ابد مو مال شقه عمي نعتذر منك يلا خلي ننزل لا ينزل بينه قرار هسه وما يخلينه نروح للعرس

علي : من تكملن خابرني قبل نص ساعه حتى اجيچن

زمزم : تمام يله نودعك بالله الى شعاراً آخر ( نزلنه للصالون وام الصالون عبالك موصيها علينه تعرفنه بنات الشيخ عزام وخلت كل وحده من عدنه تلزمها وحده من العاملات واخذ الشغل بينه ساعه ونص لا اكثر سرحت شعري على طوله انه شعري اسود من سرحته صار اطول من قبل صار يوصل اللحد نهاية ظهري وعفته بدون تسريحه مجرد تسريح وگلبته ع الجهه الثانيه وخليتله ماشه اما المكياج فام الصالون اهتمت فقط بعيوني لاني صاحبة عيون واسعه صار مكياج عيوني سموك ع الرغم اني محافه حواجبي على شمرتهن اشتغلت بعيوني لبست تراجي نازكه طوال وعقد خناگي باوعت الروحي بالمرايا غير شكل احس الفستان يريد يطگ على جسمي على گد ما ضيق باوعت الزينب ) شرايك ابو الشباب

زينب : ( انه ما احب المكياج البارز الاغلبيه يگولون ما يلوگلچ المكياج خليت مكياج كلش خفيف بس برز معاني وجهي وخاصه انه صاحبة حواجب ثخان وسود ورموش كثيفه احلى شي ام الصالون حبت تبرز شاماتي وحده بخدي والثانيه جوه شفتي رفعت شعري وسويت كعكه نازله وشعري راخي كلش بس طلعت كلش تمام عليه چان الفستان مفتوح الصدر فلبست عقد طويل ينزل على فتحة الصدر وچان الفستان مفتوح فضرب كلش على جسمي ) اللهم صل على محمد وال محمد وينك يعليوان شوف لحمك مطشر بين العربان