خُلِقت بين الفحول فاصبحت منهُم

البارت 10

الكاتبه : آيه محمد
العنوان : خُلقت بين الفحول فاصبحت منهم

--
------

زمزم : ( ما فهمت قصده من گال بطريقتي الحد ما گام يطبق الكلام اللي يگوله دنگ على رگبتي وشمها لحيته خرمشتني وانفاسه الحاره طبعت برگبتي ما اعرف اوصف شعوري بوقتها خجل على رغبه على موافقه بس كل اللي يصير انه ما اگدر اگله لا بس شو هذا اتمادى بس ما اتوقعت جراته توصل بي يبوسني من رگبتي مجرد ما طبع شفايفه على رگبتي وانه صرت مي وبين ايديه اذا تدوروني متلگوني بعدها بده يحچي عن سبب تصرفه كرهت روحي لان هيچ انحچه عني طلع من جيبه علبه وفتحها بيها كريم اعتقد هذا المرهم بده على كيف يخلي على رگبتي وينفخ بهدوء وكلما يخلي شويه يگول توجعچ واهزله براسي لا)

علي : ( انتبهت على شفايفها مخليه حمره ضحكت بگلبي على تصرفاتها انه بدون كلشي واگع بيچ انوب تخليلي الاحمر والاخضر حجيت وياها بهمس ) زمازم شمخليه لشفايفچ

زمزم : ( خليت اصابيعي على شفايفي وباوعتله انتبهت عليه يباوع على اصابيعي ) هاي من البارحه خليت حمره سحريه قبل لا انام وبقت تعرف بعد انت سحريه متطلع بسهوله

علي : انتبهت عليچ بالعشه كلشي ممخليه ليش الچذب

زمزم : ( خرب يومك علي ما تفوتك فايته هسه واذا خليت حمره ليش تحرجني دسكت يا اخي فوگ ما حاصرني بين ايديك يعني وضعيتي الجيش خلفكم والبحر امامكم اين المفر) ها لا والله ممخليه هي مال البارحه هاي بس هسه انت لان كلش قريب عليه بينت

علي : ( من خلت اصابيعها على شفايفها طيرت اخر ذرة عقل بيه ) زين شرايچ اعرف هاي حمرة اليوم لو البارحه؟

زمزم : شلون تعرف؟

علي : بطريقتي

زمزم : ( من گال بطريقتي دگ عندي جهاز الانذار لان طريقة الشم العطر طريقه دبلوماسيه كلش گبل اتحركت ويه حركتي حسيت باب القصر انفتحت ودخلت سيارة احمد للگراج وتيتي تيتي مثل ما رحتي رديتي رجعت العلي والنفس موقفي حسيت گلبي حيوگف من الخوف هو شافني وانشده)

علي : ( بعدني ممكمل كلامي وچان تنهزم ضحكت بگلبي گلت ميخالف ضغطت عليها هواي حقها تشرد شو هاي وره 5 د رجعت ووجها مصوفر هبطتني) شكو شبيچ شنو هم راكض وراچ چلب

زمزم : اتعس اتعس ( هو اتقرب عليه چان جريته من دشداشته حيل وخليته مقابيلي خاتلين وره الشجره اثنينه وخليت اصبعي على حلگي ) اشش اجه احمد ابقى هي على هالوضعيه بين ما يروح

علي : ( جرتني من الدشداشه وخلتني گدامها وسوتلي حركة اش يمكن المسافه بيناتنه اصبعين اباوع على دشداشتها من يم صدرها تور والدشداشه سمائي ضارب على صدرها اتعوذت من ابليس بگلبي)

علي : ( هسه انه رجال مشورب شكبرني رديت مراهق واتختل كله من وره زمزم خرب يوم عقلچ اباوعلها يمكن البت راح تموت من الخوف ادري ناهبين احنه )