More than love
Episode 5
သူမတို့နှစ်ဦးအနီး ရောက်လာသည့်မခိုးမခန့် မျက်နှာထားနှင့်ဇွဲ...
"မက ကျွန်တော့ကို အိမ်မလာနဲ့ဦးပြောထားလို့လေ..ကျွန်တော့် ပိုက်ဆံအိတ်ကျွန်တော်လိုက်ယူတာ" စကားသံအဆုံးတွင်မထီတထီအပြုံးတစ်ခု
ဒါ....ဇွဲသက်သက်သူမကို ညစ်နေမှန်းသူမ သိသည်။
သူမဘာတစ်ခွန်းမှမပြောပဲ ပိုက်ဆံ အိတ်ကိုထုတ်ပေးလိုက်သည်။
ကိုကြီးကတော့ ကန်ရေပြင်တစ်နေရာကိုငေးစိုက်လျက်...
"မ...ကျွန်တော့ကိုမိတ်ဆက်ပေးဦးလေဟောဒီကသားသားနားနား အကိုကြီးနဲ့"
သူ့စကားအဆုံးတွင် သူ့ကိုလှည့်ကြည့်ကာအေးချမ်းစွာပြုံးပြသောထိုလူကြောင့် ဇွဲကိုယ်တိုင်ပင် ရှိးတိုးရှမ်းတမ်းဖြစ်သွားသည်။
ထိုသူ၏မျက်လုံးတွင် အမည်မသိ အရှိန်အဝါရှိနေသည်။
"ကိုယ်..မင်းကိုသိပါတယ်ညီလေး...အကိုကစိုင်းကျော်စွာပါ"
"ကျွန်တော်က ဇွဲစည်သူပါ...အကိုမရှိတဲ့အချိန်ဆို ကျွန်တော်မနားမှာအမြဲရှိနေကြပါ" မဲ့ပြုံးတစ်ချက်ကို အားတင်းပြုံးရင်း ထိုသူကမ်းပေးတဲ့လက်ကို သူပြန်ကမ်းလိုက်သည်။
" ကျေးဇူးညီလေး နန်းကိုစောင့်ရှောက်ပေးလို့"
ကျော်စွာ ထိုချာတိတ်ကိုခပ်ဖွဖွပြုံးပြီးပြောလိုက်သည်။
နန်းကတော့ခေါင်းလေးကိုငုံ့လို့....တွေဝေနေတာလား ရှက်ရွံ့နေတာလား ..
ကျော်စွာ့အတွက်တော့ ထိုချာတိတ်လေး၏အကြည့်တွေအပြောအဆိုတွေကို သဘောပေါက်ပြီးသားဖြစ်နေသော်လည်း...
ပြည့်ပြည့်ဝဝသာနန်းရှေ့တွင်ဆက်ဆံပေးခဲ့သည်....
အိမ်အပြန်လမ်းတွင် သူပင်လောင်းကိုခဏပြန်မည့်အကြောင်းမှလွဲ၍ နန်းနှင့်မည်သည့်စကားမပြောဖြစ်ခဲ့ကြပါ....
🎈🎈🎈🎈🎈
"အကို...စိုင်းကျော်စွာ"နောက်မှ ကြားလိုက်သောအသံကြောင့်သူလှည့်ကြည့်မိသည်...
KAMU SEDANG MEMBACA
More Than Love (အချစ်ထက်ပိုသော)
Romansaအချစ်ဆိုတဲ့အရာတွေတောင်သေးနုပ်ဂုဏ်ငယ်သွားေစနိုင်တဲ့ သံယောဇဉ်နဲ့မေတ္တာတချို့ကို အချစ်ထက်ပိုတယ်လို့ယူဆလို့ရကောင်းရပါတယ် အချစ်ဆိုတာခါးသီးမှုတွေပေးတက်ပေမဲ့ မေတ္တာစစ်ကသာထာဝရအေးချမ်းမှုကိုပေးနိုင်ပါလိမ့်မယ် ဒီလိုရှားရှားပါးပါးမေတ္တာစစ်တွေကိုပေးတက်တဲ့ လူတစ...
