لم تكن خياري صيرت قراري (you weren't my choice but became my destination )

الحلقة الخامسة عشر

عدي اليوم كانت نايمة مش دريانه باي حاجة من اللي حصلت ... صحي هو وجهز نفسه ونزل بعد ما اطمن عليها وحس انها بقيت كويسة ... باسها زي ما متعود ... وخد حاجتة ونزل ... شرب قهوته وخرج...

كان طول الطريق ومخه مشغول بالموضوع السخيف اللي اتقاله امبارح ... وصل الشركة وطلع مكتبه وهو مش مركز خالص ... كان بيحاول يستوعب مين اللي ممكن يالف حكاية زي دي بس كل ما يتخيلها حكايه يرجع تاني في كلامه لانه مش قادر ينسي اخر كلام قاله الشخص دا ...

" هتلاقي معاه حاجة تخصك " ...

فادي : شو هو اللي يخصني هيدا ... هيدا اللي هيجنني ... مو معقول هيك حكي يبرجلي حالي ويخليني انسي كل شي واشك انه ممكن يكون صحيح ... يا ربي ساعدني تاوصل للحقيقة في هيدا الموضوع ... لا بريد اظلمها ولا اظلم حالي معها ... اظهرلي الحقيقة يا رب ...

وهو كدا ... دخل هيثم عليه عشان يعرض عليه بعض الاوراق ... لفت انتباه حاله الشرود اللي هو فيها ... ساب الاوراق وابتداء يتكلم معها ...

هيثم : فادي مالك كدا مش مضبوط فيه حاجة ... تعبان او حاجة...

فادي : ها ... لا هيثم انا منيح بس في شي هيك شاغلي فكري ...

هيثم : وايه دا اللي مخليك في الحاله دي ... احكيلي يمكن اقدر اساعدك ...

فادي : هيثم بعرف انك رجال وجدع كمان ... وعنجد بدي احكيك بس هالموضوع مابعرف احكيه والا لا...

هيثم : احكي وما لكش دعوة انت ... مش يمكن اعرف القي حل ... يعني اهو يوضع سر في اهبل خلقه ... وكمان دماغين غير دماغ واحدة ... يلا قول وانا هسمعك لحد ما تخلص خالص وبعدين هرد عليك ...

فادي : اوك ... راح احكيلك ...

وفعلا ابتداء يحكيله الموضوع من وقت رجعت من الشوبينج اللي كانت بتعمله لحد ما قفل التليفون مع الشخص اللي كلمه وحكاله المكالمة والكلام الغريب اللي الراجل دا قاله ...

فادي : شو رائيك باللي سمعته ...

هيثم : قبل ما اقولك اي حاجة ... اللي عايزك ترد عليا فيه دلوقتي ... انت كنت بتضحك عليا في موضوع السفر دا والحبيبة المجهولة كمان ...

فادي : هيثم ... مو معقول انت يعني انا بحكيك في شي تاني اهم وانت عم تحكي في شي ما اله اي اهمية هلا ...

هيثم : لا ليه ونص كمان ... يلا جوابني ...

فادي : ايه كنت عم اضحك عليك ... خلاص قول شو رائيك بالموضوع الاهم ...

هيثم : اه كدا فهمت ... يعني الحبيبة المجهولة دي هيا مراتك ... اوك فادي حسابك بعدين ... بس دلوقتي الموضوع اللي انت حكيته دا في حاجة كدا ...

فادي : شو فيه ...

هيثم : مش عارف بس شامم فيه ريحة كدا مش حلوة ... زي مايكون ربنا بعتلك اللي ياخد بتاري منك ويردلك المقلب اللي عملته فيا ...