كانت تنظر الي والدتها بنظرات ترقب وخوف منما سوف تسمع ... لكن قررت ان تنتظر يمكن ما توقعته خطا و والدتها تريدها في موضوع اخر ...
جيني : مام انتي ليه مش حبيتي اننا نتقابل في البيت ... وخليتينا نيجي هنا ...
بصتلها وبصت لسعاد اللي فهمت بصتها ليها ...
سعاد : طب بما اني اول مرة اجي هنا ... فانا هقوم امشي رجلي شويه زي ما الدكتور نصحني ... ها عايزة حاجة مني يا بنتي ...
جيني : لا سعاد بس خدي بالك لحسن الشمس جامدة شويه ومش عايزين تحصلك حاجة ...
سعاد : لا ما تخافيش ... ربنا هيسترها ان شاء الله ...
ومشيت سعاد ...
كانت جيني معاها لحد ما اتاكدت انها بعدت عنهم تماما ...
جيني : ها مام ايه الموضوع ... ليه مش بتيجي البيت من وقت سبوع بيرو ... ايه انتي زعلانة مني والا ايه ...
مني : منك انتي ... هو انا اقدر ... حتي لو زعلانة مش هعرف ازعل منك ...
جيني : طب فيه ايه ... يعني بيرو ما وحشتكيش عشان تيجي تشوفيها ...
مني : تعرفي انا اكتر حاجة وجعاني من جوا هيا بيرو وانتي مش عارفة اشوفها ... لاني عشان اشوفها لازم اجي عندك... وانا لو جيت ...
وسكتت وما بقاتش عارفة تكمل كلامها ...
جيني : ولو جيتي عندي ايه مام ... مام انتي مش عايزة تشوفي فادي ...
مني " باستغراب " : وعرفتي منين ...
جيني : منك ...
الام : مني ... ازاي ... انا ...
جيني : عارفة انك ما قولتيش حاجة بس كفاية ال reaction اللي عملتيه اول ما سمعتي اسمه من سعاد ... مام انا بشوف واقدر افهم من غير كلام ... بس ليه مام ... عملك ايه فادي عشان مش عايزة تشوفيه وتحرمي نفسك مني ومن حفيدك عشانه ...
مني : معاكي حق ... انا فعلا اول ما سعاد قالت اسمه معرفش حسيت بكهربا ومابقاتش عارفة اداري اللي جوايا ...
جيني : طب ليه كل دا ... مام انتي عارفة فادي بيحبك قد ايه ... وعارفة انه بيعتبرك امه مش حماته ... يبقا ليه ... فهميني ... مش يمكن سوء تفاهم وانتي فاهمة غلط ...
مني : غلط ... هو ايه اللي غلط ... الموضوع دا بالذات لا يمكن يتفهم غلط ...
جيني " بقلق " : مام ... اتكلمي علي طول ... بجد ابتديت اقلق ...
مني : بصي انا فكرت كتير قبل ما اتكلم معاكي في الموضوع دا بس عايزاكي الاول تعرفي اني عمري ما كرهت فادي بالعكس زي ما بيعتبرني امه ... انا كمان بعتبره ابني اللي ماخلفتوش ... وانتي عارفة انا كنت بحبه قد ايه ...
جيني : كنتي ... يعني ايه ... خلاص كرهتيه ...
مني : وانتي كمان هتكرهيه لما تعرفي اللي اعرفه ...
أنت تقرأ
لم تكن خياري صيرت قراري (you weren't my choice but became my destination )
Romanceقصة رومانسية جمعت شاب وفتاة من عالمين مختلفين ليكونا معا نتيجة ظروف صعبة اجبرتهما ان يكونا معا ، فماذا سيحدث لهما
