لم تكن خياري صيرت قراري (you weren't my choice but became my destination )

الحلقة الثانية عشر

لحظت انه مش معاها وسرحان كانت هتطق من الغيظ ومش عارفة تعمل ايه...

جيني : يعني بتغنيلي وبعدين تسرح كدا ... اه طبعا واكيد سرحان فيها ... لتكون كنت بتغنيلها وبتضحك عليا وعايزني افهم انك كنت بتغنيلي ...

ضميرها : حرام عليكي يا شيخة ... الراجل ما عملش حاجة يعني لا كدا عجبك ولا كدا عجبك ... بطلي افتري ...

جيني : طب ليه مش بيرد عليا ...

ضميرها : يمكن افتكر حاجة او بيفكر ازاي يقنعك يا ام دماغ ناشفة انتي ... وبعدين ازاي يعني كان بيغنيلها وانتي اللي بين ايديه وانتي اللي ضحكتي ... ايه بروحين هو يعني ... واحدة معاكي والتانية معاها ... ادهدي شويه واعقلي وبلاش الجنونة بتاعتك تطلع ... واصبري شوفيه هيعمل ايه ...

جيني : اصبر لا طبعا لازم يرد عليا ودلوقتي ...

ضميرها : مجنونة ومش عارفة مصلحتك ...

جيني : مجنونة مجنونة ... بس اعرف الحقيقة ...

جيني : فادي ... ليه مش بترد عليا ... فادي ...

فادي : ها ... بتحكيني ...

جيني : اه بحكيك ... يعني هكون بكلم مين غيرك ... شايف حد تاني انا مش شيفاه ...

فادي : شو هيدا ... يعني هيك وانتي نص زعلانه ... شو راح تسوي فيني لما تصير زعلانة كلك عبعضك... ساعدني يا ربي علي هالمخلوقه اللي بليتني بيها ... عنجد مو طبيعيه انتي ...

جيني : كدا طب اوعي ... سيبني ومالكش دعوة بيا خالص اه وكمان ما تكلمنيش خالص وانسي اني موجودة معاك هنا... مش انا مش عارفة ايه كدا اللي انت لسة قايله دا ... خلاص ابعد وروح للي قلت لصاحبك عليها وخلاص ... مش انا مش طبيعية ... يعني مجنونة ... خلاص انا مجنونة وهتشوف بقي الجنان الصح ... اوعي سيبني ...

فادي " وهو بيضحك عليها " : اشششش ... خلاص اهدي شوي ما كانت كلمة قولتها ... ماشاء الله عليكي ما كنت مفكر حالي مجوز من هيك واحدة سريعة الحكي ... صاير عم اكتشف اشيا كنتي عم تخبيها عني... مو هيك ...

جيني : لا تكتشف ولا حاجة وبعدين انتي ماسك فيا كدا ليه ... سيبني وابعد عني بقي ... غريب انت مش بتحبني وعرفنا خلاص وبتحب واحدة تانية ماشي ... عايز مني انا ايه ... غريب انت بجد لا وتقول عني انا اللي مجنونة ... طب وعمايلك دي تبقي ايه مش عمايل مجانين والا حاجة تانية ...

فادي : تاني جينو ... يعني غنيتلك شي غنيه حلوة واضحكتي وقلت خلاص بقينا حلوين سوا ... ايش اللي خلاكي تنزعي كل شي هلا ...

جيني : عشان انتي مش عايز تريحني وترد علي سؤالي ...

فادي : ومين اللي قالك اني ما راح ارد عليكي بس اديني شي فرصة لكن ليش ... صيرتي قويه هيك فجاة وكاني عم اعرفك من اول وجديد ...