لم تكن خياري صيرت قراري (you weren't my choice but became my destination )

الحلقة السادسة والعشرون

نزلت لسعاد اللي كانت في المطبخ ... كانت مش طايقة نفسها وبتحاول تهدي شويه ...

سعاد اول ما شافتها كدا اتخضت ...

سعاد : مالك يا بنتي ... فيه حاجة ...

جيني : لا مفيش سعاد ... بس متغاظة ...

سعاد : ليه بس ... ايه اللي حصل ... ايه كلمك في الموضوع بتاع الدكتور دا ...

جيني : لا ودا اللي مستغرباه ... ما جابش سيرته خالص ... بس مش دا المهم ...

سعاد : طب ايه ... قولي وقعتي قلبي ...

جيني : سعاد انتي عارفة عني ايه ...

سعاد " باستغراب " : ايه السؤال دا ... مش فاهمة تقصدي ايه ...

جيني : سعاد انتي فاهمة قصدي كويس ...

سعاد : بصي يا بنتي اللي اعرفه عنك انك اطيب قلب شوفته في حياتي كلها واحن ام شوفتها بجد مش مجاملة ... صحيح كل الامهات بيخافوا علي اولادهم ... بس زيك بصراحة ما شوفتش ... ما بتخليش اي حد يقرب من اسم الله عليها بيرو ولا يعملها اي حاجة .... هههههه ... دا حتي يوم ما سيبتيها معايا كنتي مدياني التعليمات واتصلتي تتاكدي اني عملت كل اللي قولتي عليه ...

جيني : اديكي قولتيها اهو ... تصدقي بقا ان فادي خلي مام تيجي تقعد مع بيرو لحد ما نرجع من برا ...

سعاد " وهيا بتضحك وبتطبطب عليها " : عشان كدا زعلانة ... طب دا انتي المفروض تفرحي ....

جيني : يا سلام ... ليه بقا ...

سعاد : عشان هو عايز يكون معاكي لوحدكم وبعدين ماتزعليش مني يعني ساعات بحس انه بيكون عايز يكون معاكي وانتي بتلخمي نفسك ببيرو وساعات بحسك بتهربي بيها منه ... مش كدا...

جيني " وهيا مكسوفة " : بصراحة ... صح اللي بتقوليه ... ساعات كتير ببقا فاهمة اللي في دماغه وببقا شايفه اصراره بس بحاول افرمله ما بلاقيش غير بيرو طب اعمل ايه بس ...

سعاد : ههههه ... ربنا يخليكم لبعض ... بس برضو يعني مفيش مشكلة لما تخرجي معاه لوحدكم مش يمكن عايزك في موضوع ضروري ومش عايز يكلمك فيه هنا ... يلا اضحكي وبلاش تحسسيه انك مضايقة من الموضوع ... وبعدين الست مامتك هتكون معها كانك انتي موجودة ... يلا يا قمر انت اضحكي ونوري البيت بضحكتك...

جيني : خلاص سعاد ... بس تخلي بالك من بيرو كويس وبرضو هقول لمام الموضوع دا ... مش عايزة اكون قلقانة وخصوصا انها كانت تعبانة ... ها ...

سعاد : ماتقلقيش انتي ويلا اطلعي استعدي كدا ...

جيني : ما انا مستعدة اهو ...

سعاد : انتي بتتكلمي جد والا بتهزري ...

جيني : ليه ... فيه ايه ...

سعاد : هو ايه اللي فيه ايه ... يعني الاستاذ لحد دلوقتي ما اكلش وشكله كان عزمك علي الغدا ودلوقتي بقت عزومة عشا... وهتروحي معاه باللبس دا ...