"ဒါကဘယ်လိုတွေဝတ်လာတာလဲ ချာတိတ်။ ဆောင်းဝင်နေပြီလေ။ အနွေးထည်ထူထူလေး သွားပြန်လဲလိုက်"
လည်ဟိုက်အင်္ကျီနဲ့ ထွက်ချလာတဲ့ချာတိတ်ကို အိမ်ပေါက်ဝကနေ လက်ပိုက်ပြီးပိတ်ဟောက်လိုက်တော့မှ မှုန်ကုတ်ပြီးအိမ်ထဲကို ခြေဆောင့်ကာပြန်ဝင်သွားသည်။ တစ်ခါတစ်လေ သူ့ကိုအဲ့လိုဟောက်လိုက်ရင်တော့ ဒီကလေးက တကယ်ကြောက်ရှာသား။
"ဒီလောက်ဆိုရပြီလား အမျိုးသမီး"
အစိမ်းရောင် ခေါင်းစွပ်အနွေးထည်အထူကြီးနဲ့ ကျွန်မရှေ့မှာ ခါးထောက်ပြီး ပြောလာတဲ့ ချာတိတ်ဟာ ထိုအင်္ကျီထဲ နစ်မြုပ်လို့နေသည်။ သူ့အတွက်ထည့်ထားပေးတဲ့ အင်္ကျီမှန်သမျှဟာလည်း ထိုအင်္ကျီကဲ့သို့ အနွေးထည် အပွကြီးတွေသာ။
ချာတိတ်က လူငယ်ဆန်ဆန် အဟိုက်တွေ အကွဲတွေ အပြဲတွေဝတ်ချင်တာသိပေမယ့် Jisoo ကတော့ လုံးဝလက်မခံ။ လုံလုံခြုံခြုံရှိစေမယ့် အင်္ကျီတွေကိုသာ ဆင်ပေးလေ့ရှိသည်။
"အင်း ရပြီ ကားထဲဝင်တော့ အပြင်မှာအေးတယ်"
"သွားရမယ့်နေရာက ဝေးလား"
ထိုင်ခုံခါးပတ်ပတ်ရင်း ချာတိတ်ကမေးလာသည်။
"အင်း နည်းနည်းဝေးတယ်။ အခုက မနက် ၁၀နာရီဆိုတော့ ဟိုကို ညနေလောက်မှ ရောက်မယ်ထင်တယ်"
"ကားကို တစ်ယောက်တစ်လှည့်မောင်းမယ်လေ။ တစ်လမ်းလုံးဆို ရှင် ပင်ပန်းနေမှာ"
"ရပါတယ် မင်း လက်ကဒဏ်ရာကြီးနဲ့ အပြန်ကျမှ မောင်းတော့"
ချာတိတ်က ခေါင်းငြိမ့်ပြပြီး ပီကေကို ထုတ်ဝါးနေတော့ ဘာမှဆက်မပြောဖြစ်။ တရွေ့ရွေ့နဲ့ ကားလေးနဲ့ဦးတည်ရာဟာ သိပ်ကိုအေးချမ်းလှတဲ့ မြို့လေးတစ်မြို့ဆီသို့ ဦးတည်မိတော့သည်။
လမ်းတဝက်လောက်ရောက်တော့ ချာတိတ်က ကားမှန်ကိုမှီပြီးအိပ်ပျော်နေတာမို့ စန္ဒယားသံစဉ်လေးကိုခပ်တိုးတိုးလေး ဖွင့်ထားပေးလိုက်သေးသည်။ သူအိပ်လို့ကောင်းအောင်လို့လေ။ ကားသာမောင်းနေရပေမယ့် မျက်လုံးတွေကတော့ ချာတိတ်ဆီ ခဏခဏရောက်နေမိတာအမှန်ပင်။ ဖြူဖက်ဖြူရော်ဖြစ်လာတဲ့ နှုတ်ခမ်းတွေကြောင့် Jisoo စိတ်ထဲ နေရတာ သိပ်အဆင်မပြေလှ။
أنت تقرأ
Tied to you,with love bond
أدب الهواةရစ်ပတ်နှောင်ဖွဲ့တတ်တဲ့ အဖြူရောင်ကြိုးအမျှင်လေး တစ်ခုရယ်ပါ။ နူးညံ့စွာ စီးမျှောပျော်ဝင်ပစ်လိုက်ဖို့အတွက် ထိုက်တန်လွန်းတဲ့ အကြောင်းတရားလေးဟာ မျက်ခွံပေါ်က မှဲ့နက်လေးကနေ အစချီပြီး ဖြစ်တည်မှုအားလုံးနဲ့ အဆုံးသတ်ရမှာပါပဲ။ - Kim Jisoo - သစ်သားခြံစည်းရိုး အ...
