بصتلها وهي قعدة نفس قاعدتها من شهور
_مش عارفة هتفضلي كدة لحد امتا
نظرة عينها كلها حزن و وجع
_سؤال اجابته بسيطة و انتِ عارفاها كويس يا ملك
بصيت ليها بعطف
_بس حرام عليكي نفسك ليه كدة ليه تخسري حياتك عشانه هو قرر أنه يبعد شاف حياته بعيد عنك
قفلت عينيها بوجع بتحاول تنسي بس مش قادرة تستوعب الفكرة
_فكرة أنه خلاص مش موجود في حياتي صعبة اووي يا ملك
_مش صعبة عليكي يا تقي انتِ قدها انتِ شوفتي كتير في حياتك من أهانه عمك ليكي انتِ صغيرة لحد ما كبرتي و سيبتيه و جيتي هنا و بقيتي لوحدك ضد العالم كله انتِ قوية مش ضعيفة يا تقي اللي زيك كان بيختار الطريق السهل لكن انتِ اختارتِ الصعب عشان انتِ نضيفه
بتحاول تتماسك بس خلاص دي لحظة الانهيار
_تعبت يا ملك اول يوم شوفته و اتعرفنا علي بعض قولت خلاص ربنا هيعوض تعبي كل السنين اللي فاتت و هو هيكون عوضي كلامه ليا وقتها كان صادق فيه كنت شايفة الحب و الصدق في عيونه و هو بيتكلم لكن كل ده طلع خيال مرض طب ازي ازي يعمل كدة و هو عارف انا مريت بأية مصعبتش عليه
انا عارفة انها مكسورة وأحساسها صعب خصوصا أنه كان هيعوضها عن حاجات كتير
_ تقي استهدي بالله يا تقي و ربنا هيعوضك بحد أحسن منه
ابتسمت بسخرية
_مش عاوزة حد انا هكمل حياتي لوحدي كفاية وجع لحد كدة كفاية
اتنهدت عارفة انها دماغها ناشفة بس هي شافت كتير
_ماشي يا تقي هطلع دلوقتي و هجيلك شوية كدة
ابتسمت ابتسامة خفيفة
_طلعت وانا عارفة انها هتفتكر كل حاجة مرت بيها
بس هي لازم تعيد كل حاجة يمكن تقوى شوية
..........
_ملك يا ملك
بصت ليا ببرود
_نعم عاوزة ايه مش عارفة اشرب القهوة بسببك
شاورت علي مكانه
_جه يا ملك جه
رددت ملك من غير ما تلف
_ماشي يا ستي اقعدي زي كل يوم تحبي في الاستاذ و تسيبي الشغل
ابتسمت بسخرية
_انا برضوا اللي سايبة الشغل و بشرب قهوة
_لا دي انا
_ملك اطلعي يا ملك
_ماشي يلا اطلعي شوفي هيشرب ايه النهاردة
ابتسمت ابتسامة خفيفة بصيت لنفسي قبل ما اطلع ليه
_اهلا و سهلا بحضرتك تحب تشرب ايه
بص ليا بابتسامة هادية كالعادة
_بقالي سنة بشرب قهوة سادة تفتكري النهاردة هتتغير
بصيت بحرج سؤال غبي فعلا
_يمكن تحب تغيرها و تخليها مظبوط
ابتسم بهدؤ
_لا هشربها سادة كالعادة
ابتسمت
_تحت أمرك
سمعت صوته
_لحظة يا انسة تقي
مجرد ما نطق اسمي حسيت بنبض قلبي بيزيد مش عارفة ليه
_افندم تحت أمرك
بص في ساعته
_قدامك ساعة و تخلصي شغل
بصتله بأستغراب
_ايوا فعلا بس ليه
رد بسهولة
_ عاوز أتكلم معاكي
محستش بنفسي غير و هو بيمسك ايدي قبل ما اقع
_مالك أنتِ كويسة
انا تايهة في لون عيونه
_ها اه انا كويسة اه عن أذنك
بصلي
_هستناكي متتأخريش
دخلت جوه و انا قلبي هيقف مش عارفة أعمل ايه قعدت علي اقرب كرسي مش قادرة اقف
_يا تري عاوزني ليه لحسن يكون عرف أني. بحيه
دخلت ملك وهي مستغربة أنه مشي و مستناش القهوة
_هو في ايه بت يا تقي مالك
بصتلها بزهق خرجتني من التفكير
_عاوزة ايه
_هو الحلو مشي ليه
لقيت نفسي برد عليها بعصبي
_اسمه أمجد بيه
ضحكت
_هو الجميل بيغير
زقتها و دخلت اغير لبس الشغل و ظبط نفسي عشان لازم اشوف عاوز ايه
_انا ماشية
بصتلي باستغراب
_علي فين لسة بدري
رديت بثقة
_هروحله
ردت بغباء
_نعم هو مين ده
سبتها و مشيت
_هقولك بعدين
........
خرجت برة فعلا كان واقف مستني اول ما قربت منه بص في الساعة
_قبل معادك بعشر دقايق
أبتسمت ليه
_عاوز ايه يا امجد بيه
ابتسم
_تسمحي تشلي الألقاب يا تقي
بصتله
_انا مش فاهمة حاجة
ضحك
_اركبي و انتي تفهمي كل حاجة
مش عارفة ازي كنت مطيعة و بسمع الكلام
ركبت فعلا و هو فضل ماشي بينا لحد ما وصل لمكان هادي علي البحر و نزل و نزلني
_احب اعرف علي مكاني السري اللي بهرب في في كل اوقاتي السعيدة مش الحزينة
ابتسمت
_يعني انت دلوقتي سعيد
رد بثقة
_جدا
استغربت
_ايه علاقتي أنا ليه جبتني هنا
رد عليا بابتسامة
_عشان انتِ سبب فرحتي يا تقي
انا لسة مش مستوعبة
_نعم ازي
رد عليا
_عارف أنها صعبة بس انا بحبك زي ما انتي بتحبيني و مستعد أعمل أي حاجة عشان توافقي تتجوزيني
فأجئة لقيته ركع علي رجل واحدة و طلع خاتم من جيبه و ابتسامته الهادية
_تقبلي تكوني مراتي يا تقي
رديت
_لازم الاول تعرف كل حاجة عني
ابتسم
_عارفها و عارف كل حاجة و صدقيني هكون عوض ربنا ليكي يا تقايا
استغربت
_عارف ازي
ابتسم
_عرفت كل حاجة من ملك ها موافقة
هزيت راسي و انا بقولك
_أوعدني تفضل جنبي أوعدني تكون سند ليا أوعدني أنك هتكون العوض الحقيق و أنك عمرك ما تفكر تكسرني لأني مش همل وجع تاني
قام و مسك أيدي
_اوعدك أني هكون كل حاجة في حياتك أوعدك أنك هتكوني أمي و حبيبتي و بنتي أوعدك أنك هتكوني ملكة حياتي يا تقي
..........
منفذتش وعودك يا امجد كل كلمة قولتها كانت كدب عشت فيها سنة بحالها سبتني و انا مكسورة مش عارفة أعمل إيه كنت انت كل حاجة في حياتي كنت عوض بس عوض كداب
_بس انا لسة عند وعودي ليكي
اخرج من حياتي خلاص حتي صوتك مش عاوزة اسمعه خلاص سيبني و بطل تيجي في خيالي
_بس انا مش خيال انا هنا يا تقي قدامك
بصيت ده حقيقي مش خيال في لحظة كنت هقوم أحضنه وأنسي كل حاجة
_جي ليه يا أمجد بيه
بص بحزن
_جي أنفذ وعودي جاي ارجع بنتي و حبيبتي لحضني جاي اعالج جروحها
رديت بسخرية
_ولا هتعمل جروح جديدة و تسيبها و تمشي
بص ليا عيونه كلها حزن و ندم
_كان غصب عني يا تقي شغلي اجبرني أني اسافر مهمة و مكنش ينفع حد يعرف عنها حاجة حتي انتي و صدقيني انا مكنتش عارف هرجع تاني ولا لا
كل ذرة تماسك جوايا اتبخرت عند فكرة أنه ممكن يحصله حاجة لقيت نفسي بين أيديه نسيت كل حاجة نسيت الوجع اللي عيشته نسيت كل الايام اللي كنت بموت فيها نسيت نفسي بين ايديه
_بحبك يا تقي
_بحبك يا امجد
#مها محمود
#حكايات تقي
#الحكاية الأولي
