كان بينا كل حاجة حلوة كان بينا ذكريات وحكاوية كتيرة طب تحبي احكيلك زي ايه مثلا
احكى يا ستي
اليوم اللي اتقابلنا فيه كنا في الشتا والدنيا مطرة وكنت ماشية تحت المطرة مستمتعة وفلجاءة لقيت المطرة وقفت عندي انا بس طب ازي ده ببص فوق لقيت شمسية كبيرة وايد ماسكاها بلف لقيته هو بيبتسم ليا وبيقولي كدة تتعبي وتاخدي برد
وانت مالك انت انت ازي تيجي هنا وتسمح لنفسك تعمل كدة قدام الناس
قالي انتي زي اختي وانا شوفتك ماشية تحت المطر خفت عليكي ومن اخلاقي اني اساعدك لكن لو اعرف ان ده هيضيقك مكنتش عملته
احرجني بصراحة.طب بص شكرا ليك ولمساعدتك بس انا بحب المطر وبحب امشي تحتيه
وانا كمان. وده كان رده ليا وبعد كدة رمي الشمسية في الارض ومسك ايدي وطلع يجري مش عارفة ليه انا كنت فرحانه ساعتها وحاسة بمشاعر كتير
المهم وقف جري وطلب انو يوصلني وانا وافقت واستغربت جداا انا ازي سمحت ليه يعمل فيا ده كله بس اقول ايه مجنونة بقا
وصلني لحد البيت وطلب رقمي وانا ادتهلوه بكل سهولة مع اني مش بدي رقمي لحد و بعد كدة مشي وانا طلعت ودخلت اوضتي مش عارفة افكر غير فيه وليه وافقت وليه هو عمل كدة
المهم عدي كام يوم وهو ما اتصلش وانا زي الهبلة بروح المكان اللي اتقابلنا فيه واقعد اضحك لدرجة ان الناس افتكروني مجنونة
وفي مرة وانا اوضتي لقيت رقم بعتلي مسدج محتواها
معرفتش اكلمك اصلي كان عندي دور برد شديد ما هي اول مرة امشي تحت المطر من غير شمسية
مجنون ولما هو مش متعود يمشي تحت المطر عملها ليه المهم مردتش عليه ومعرفش ليه مع اني كنت هطير من الفرح انه اتكلم واطمنت عليه
بعدها بيومين لقيته بعد رسالة وبرضو لسة رقم ما انا معرفش اسمه بيقولي ايه انا في صالة بيتكو
طلعت اجري زي المجنونة عاوزة اعرف ده بيعمل ايه عندنا لقيته قاعد مع والدي وبيبتسم ليا اول ما شفني
بس لقيت بابا ثاتية كمان وهيطلع نار من ودنه وده عشان لبسي ومنظري فجريت علي اوضتي
وبعد شوية لقيت بابا داخل عليا بيقولي الاستاذ اللي برا ده طلب ايدك ايه رئيك يا مكة
اسكت انا واعمل مكسوفة لا يمكن لازم ارد بهبل
والله يا بابا سبني افكر
خلاص هطلع اقوله مش موفقين
يلهوي مين دي اللي مش موافقة
استني يا حج رايح فين خلي خلقك واسع شوية
بس من الاخر اللي انت تشوفه
ماشي هروح اقعد معاه
يختي عليا اهو بابا خرج وانا لسه معرفش اسمه وشكله هيفضل المجهول شوية كمان
وبعدها بابا دخل عليا وقالي مشي وانا قولت ليه يومين هنفكر ونرد
يومين يومين عادي بقا شكلها هتبوظ اصلا ماشي يا بابا اللي تشوفه
المهم بعدها بشوية لقيت رسالة جاية منه بيقولي ايه رئيك في المفاجئة
رديت عليه مش عارفة
قالي طب ممكن اعرف رئيك
قولت مش عارفة انا برضو معرفش عنك حاجة
طب ممكن نتقابل بكرة في نفس الشارع
ماشي هشوف
مش عارفة كنت فرحانه اني هشوفه وتاني يوم جه ورحت فعلا نفس المكان بس الغريب ان مفيش حد في الشارع وانا فضلت ماشية يمكن اقابله وانا في نص الشارع لقيت ورود كتير اوووي بتمزل عليا من الشبابيك وانوار في كل حتة و هو طلع من عربية من العربيات اللي في الشارع وجي نحيتي وكل الناس بتتفرج علينا وفاجئة لقيته قعد علي ركبته في الارض وطلع علبة قطيفة جواها خاتم وقالي تقبلي تتجوزيني وانا في عز صدمتي ببص لقيت بابا وماما بيضحكو لياا وانا رجعت ابصله واضحك ولسه ههز راسي لقيت المطرة نزلت علينا احنا الاتنين فضحك هو وقالي
مفيش اقوي من كدة دليل ان احنا اتخالقنا لبعض
رديت عليه و قولت بس انا حتي و معرفش اسمك
قالي اسمي وليد
وايه اللي خلاكو تسيبه بعض
مش عارفة ايه السبب بس اهمهم النصيب وانا من ساعتها مش عارفة اعيش ما عشرة سنة ونص متتنسيش
وكانوا احلي سنة ونص عرفت فيهم انا مقدرش اعيش من غيره واديني اهو باجي كل يوم هنا واقعد اعيط من ساعة ما سبنا بعض بقالنا شهرين
تفتكري لو في فرصة ترجعي هترجعي
ياريت يكون في امل وانا هرجع بدون تردد وعمري ما اسيبه تاني لاني عرفت اني من غيره ولا حاجة بس ممكن هو يكون شاف حياته
تفتكري انتي ممكن اشوف حياتي بعيد عنك ازي وانا اصلا حياتي متعلقه بيكي انتي وبس وزي ما انتي بتيجي هنا كل يوم انا كمان باجي واقعد اشوفك من بعيد وكل يوم بلعن نفسي اني خليت عيونك دي تبكي في يوم تقدري تسمحيني يا مكتي
انا اصلا مش زعلانة منك يا وليدي
#مها محمود
