قعدة تعبانة ومرهقة مستسلمة لكل حاجة حتي مستسلمة للسم اللي بيدخل جسمي تلات مرات في الشهر بس بيكونو صعبين اوووي
وكل مرة بتعب اكتر وبفضل تعبانة لحد الجالسة الجاية تعبت ومش قادرة استحمل شكلي و جسمي اللي بقا شبه المومياء
شعري اللي وقع و رموشي اللي خلاص اختفت
اللي يشوفني يقول عندها 100سنة مش انسة عندها 25سنة اكتشفت انها عندها كانسر في الدم و بتتعالج منه بقالها سنين وقعت في كل حاجة في شغلها في صحابها اللي اختفو ورا بعض و سبوها تواجه ده كله لوحدها وهما عارفين انها مكنش ليها غيرهم بعد اهلها ما ماتو فمبقدش قادرة تكمل حياتها استسلمت للعالم وللتعب
بترفع عينيها ببطئ و تبص علي السم اللي كل نقطة منه بتهري جسمها بس الحمد لله قرب يخلص فاضل فيه حاجات بسيطة وتنتهي جالسة العذاب النفسي والجسماني بسلام
فغمضت عيني في هدووء لحد ما سمعت صوت اول مرة اسمعه
. مساء الخير
فتحت عيني لقيت شاب وسيم واقف قدامي و في ايده ورق و ولبس البالطو الابيض و بيبتسم
، مساء النور هو في حاجة
ابتسم ابتسامة خفيفة و رد عليا وقالي
. لا ابدا انا دكتور احمد اللي هتابع حالتك من النهاردة
استغربت وسالته
اومال دكتور محمود فين
فرد عليا بهدوء
دكتور محمود مسافر عنده مؤتمر برة وها بقا انتي اخبارك ايه يا اميرة
رديت بتنهيدة
بخير الحمد لله
فابتسم وقالي
انا عارف التنهيدة دي كويس قابلت منها كتير علي مدار سنين شغلي
فابتسمت و قولتله
ليه ده انت حتي سنك صغير يعني مش معدي ال100سنة
ضحك وقالي
ما انتي بتهزري اهو وعلي العموم يا ستي انا عندي 28سنة مش 100 واه في مجالنا ده بنقابل ناس كتير
بنقابل اللي بيصبر و اللي بيزهق واللي بيحمد ربنا ديما و اللي نكر فضله واللي واللي ناس كتير
اتنهدت و قولتله
وانت من واقع خبرتك شايفني ايه
قالي
شايف انك بداتي تزهقي يا اميرة
ضحكت و قولتله
شكلك لسه محتاج شوية خبره انا زهقت فعلا
ضحك وقالي
لا لسة والدليل انك مستنيا الجالسة تخلص للاخر واللي زهق بيمشي
قولتله عشان
ببساطة دي اخر جالسة بالنسبه ليا
قالي
بس بالنسبه ليه لا يا اميرة
قولتله
عادي يا دكتور احمد هنعيش انا وهو لحد ما حد فينا يموت
قالي
حرب يعني بس كدة الحرب مش متكافئة
