الاختيار حياة
انا بفرح اووي لما اسمع صوت المسدج في موبيلي بكون واثقة انها منك وبسيب كل حاجة في ايدي و بجري عليه عشان اشوفك باعت ايه
احساسي بيكون فوق الخيال لما بشوف رسايلك اللي بتلمس قلبي من جوه من كتر ما حبك باين علي كلامك
ببقا هطير من الفرحة وانت بتكتب
ما انا اصلا فاتحة الشات اليوم كله وبستنا اللحظة دي طول اليوم
ولما بتقفل
برجع ادور في الشات علي اول يوم كلمتني فيه وقولتلي بحبك
و وعدتني ان تيجي تخطبني وانك بس بتكلمني عشان تعرف مشاعري اتجاهك
وانا قولتلك مشاعري من نحياتك عاملة ازي
اصلي كنت برقبك وانت بترقبني وتقريبا كدة حبيتك
قولتلي انا كدة اطمنت بس عاوز منك وعد انك مش هترتبطي بغيري لانك هتبعد شوية ومش هتكلمني تاني غير لما تكون قد كلامك
و فعلا نفذت وعدك واختفيت فترة كنت فيها بموت مكنتش بشوفك ماشي ورايا في الشارع كنت ببقا مطمنة انك معايا في نفس المكان
بس الفترة دي كنت بمشي خايفة وعارفة انك مش معايا بس استحملت لانك اكيد كنت تعبان في البعد زي ويمكن اكتر عشان خوفك لروح لغيرك
بس انا كنت قد كلامي واستنيتك لحد ما رجعت وجيت
بيتنا وفي اليوم ده كلمتني وانت قاعد مع والدي وقولتلي انا برة يا ست البنات ياتاج علي راسي
هو صحيح بابا مكنش موافق في الاول بس احنا برضو مش سهلين
انا مش عارفة لو بابا مكنش وافق كنت هعمل ايه من غيرك ومن غير كلامك وافعالك اللي بيهم بتثبتلي كل يوم اني مغلطش اني استنيتك سنين من عمري
واني عرفت اختار صح
واني فعلا فكرت في الانسان المناسب ده انا حتي كل يوم بصلي ركعتين شكر لربنا انه خلاني استناك
........
الاختيار لازم يكون صح
خليك عارف ان اختيار الحاضر هيتبني عليه مستقبل
و لو كان اختيارك غلط في الحاضر
فمستقبلك هيكون غلط
وممكن يكون الاختيار الصح في وقته تقول عليه غلط عشان كدة
اصبر علي اختيارك اللي ممكن تشوفه في ساعتها غلط يمكن يطلع في مصلحتك
#مها محمود
#الاختيار حياة
