انسة يا انسة
_افندم عاوز ايه أومر
_هو لون عنيكي ده حقيقي و تركيب
_افندم يعني انت موقفني في الشارع عشان تعرف لون عيوني بجد ولا خادع
_هتصدقيني لو قولتك اه
_لا ده انت مجنون خالص
سبته و مشيت بس مش عارفة ايه الأحساس ده يمكن عشان اول واحد يوقفني في الشارع و يقولي كدة أحساس غريب او فريد من نوعه اتمني اقابله تاني
.......
مشيت ليه هو انا قولت حاجة غلط انا بس لون عيونها عجبني حبيت اعرف خادع زي ما كل البنات بتعمل ولا حقيقي بس شعور غريب اووي حسيته لما عيني جت في عينها حالة من التملك كان جوايا أحساس بيقولي انها ملكي انا وبس
.....
_ازيك يا رحمة عاملة ايه
_اهلا يا تقي بخير اخيرا الكتب اللي معاكي خلصت عشان نشوفك
_اه يا ستي اخيرا خلصتها و جاية اخد غيرها بس يارتني ما نزلت
_غريبة اول مرة تقولي كد
_اصلي قابلت واحد رخم كدة
_رحيم
_لا طبعا مش رحيم خالص ده عنده فضول فظيع
_احم احم انا رحيم
بصيت وريا اول مرة اعرف ان الامنيات تتحقق بسرعة كدة
_,الفضولي
_فضولي ايه يا تقي استاذ رحيم زبون المكتبة زيك بالظبط
_ما هو ده
_اوووه هو هو
هزيت راسي بحرج
_اه هو هو
_انا اسف
معرفش قولتها ليه وانا اصلا م غلطان بس حبيت الطف الجو شوية
_ها ولا يهمك
_بس انا برضو معرفتش عيونك دي بجد ولا لا
_هجاوبك عيوني دي بجد
_ها اظن الخلاف انتهي
هزيت راسي
_اه انتهي و انا جاوبته علي سؤاله
_طب هتاخدو ايه النهاردة
_رواية رومانسية طبعا
بصتلها و ابتسمت
_ههه انتو الاتنين طب ممكن تروحو قسم الادب الرومانسي اكيد عارفين مكانه
_طبعا طبعا
دخلت وراه القسم و تقريبا اول رواية عجبتنا احنا الاتنين
فابتسمت
_اتفضل خدها انت
_لا دي اخر نسخة منها انتي خديها
_بس
_مفيش بس هو انا اه هموت و اقراها بس عادي
_انا ممكن اديها ليك لما اخلصها
_طبعا بس هنتقابل تاني ازي
_اممم مشكلة
هاتي رقمك
كلمة طلعت تلقائي مني مش عارف جبت الجرأة دي منين
_حضرتك ممكن تكتب رقمك علي الرواية وانا اول ما اخلصها هكلم حضرتك
_اه طبعا مفيش مانع
كتبت الرقم و مشيت معرفش انا تسرعت شوية ممكن في كلامي
بس مش عارف ليه الاحساس ده و انا بكلمها و شايف عينيها قدامي
.......
روحت البيت و بدأت فعلا اقراء في الرواية عاوزة اخلصها في اقرب وقت عشان اشوفه اقصد اديها ليه
_اخيرا خلصتها أما اتصل اقوله بقا
ايه الغباء ده اول ما يرد عليا اقفل التلفون في وشه غبية
......
مش عارف ليه حاسس انها هي اللي بتتصل هحاول انا
_الوو
ايه الصوت ده
_الو
_مين معايا
انا طبعا من صوتها اتأكدت انها هي
_انا تقي
ابتسمت
_و انا رحيم
_انا قولت اقولك يعني اني خلصت الرواية لو حابب تاخدها
_بجد خلصتيها طب هي بتتكلم عن ايه
_استنا احكيلك
المكالمة استمرت اكتر من ساعة بحكي فيها عن الرواية و هو بيسمعني بشغف و بيتفاعل معايا مع كل موقف بحكيه كأني بقوله انجاز عظيم في حياتي مش رواية زي ما كله بيقول
المكالمة بقت اتنين و تلاتة اليوم بقا شهر و سنة كمان بقا شبه دائم في حياتي اغلب مكالمتنا عن الروايات كأن كل واحد فينا ما صدق انه لقي حد بيحب نفس الحاجة اللي بيحيها فقرر أنه يمسك فيه لانك صعب تلاقي حد يشبهك للدرجة دي هو اه معرفتي بيه كانت صدفة بس صدفة لذيذة و مريحة
النهاردة هنتقابل لانه قرر اخيرا ياخد الرواية
......
النهاردة قررت اقابله بس مش عشان اخد الرواية و بس لا عشان اخليها تكمل حياتها معايا ما انا مش هقابل كل يوم واحدة شبهي في كل حاجة و علاقتي بيها مريحة كدة و كمان انا بحبها عشان كدة هعترف بمشاعري النهاردة و مش هتراجع عن القرار
........
البس ايه الفستان النبيتي ولا الكحلي
هو انا مالي مهتمة كدة بلبسي انا هروح اديله الرواية و امشي
هو انا بحبه يعني ولا يكون بحبه
انا عارفة بقااا
يوووه
........
_اتأخرتي ليه
_لا ابدا الدنيا زحمة
_بس حلو الفستان البينك ده
ابتسمت
_بس ده كشمير
ضحك ضحكة بسيطة
_بجد ده كشمير
_اه بجد
_انا معرفش غير البينك بدرجاته
ضحكت و طلعت الرواية من شنطتي
_اتفضل دي الرواية
ضحكت و خدتها منها
_زي ما هي من سنة
_اكيد شيلتها بعد ما قراتها
_طب ممكن تقعدي شوية عاوز اقولك حاجة
ابتسمت و انا بقعد
_اه طبعا اتفضل
....
مش عارف اقولها ايه كل الكلام اتبخر اول ما شوفت عنيها مبقاش عندي كلام اقوله
_انتي اخبارك ايه
ابتسمت
_ بخير
هو مقعدني عشان يقولي اخبارك ايه ما كان قالها في التلفون
_وانت اخبارك ايه
ايه الهبل اللي بقوله ده
...
شكلها هتفضل طول القعدة كدة
_انا الحمد لله تمام هبداء اقراء الرواية
_حلوة اووي هتعجبك
_طب ممكن تفكريني بيها كدة
_حاضر
فعلا بدأت احكي تفاصيل الرواية كأني لسة مخلصها بس المرة دي قدرت اشوف تعبير وشه و هو بيتفاعل مع كل كلمة بقولها بس خلاص انا مش قادرة اكمل و هو بيبصلي كدة
_انت بتبصيلي كدة ليه
لقيت نفسي تلقائي بقولها
_انتي قولتيلي لون عنيكي ده حقيقي ولا كدب
_افندم
_بحبك
ابتسمت بخجل
_تحب أكمل الحكاية
_احب تكملي حكاياتنا
...............
#حكايات تقي
#مها محمود بكر
