_تاني يا مراد تاني انت ايه يا أخي أيه
بصتلها بندم زي كل مرة
_انا آسف اسف يا مرام صدقيني اخر مرة اخر مرة
_كل مرة بتكون اخر مرة يا مراد
عيونها مكسورة بس المرة دي غير كل مرة عيونها وسط كسرتها فيها شئ من القوة حاولت أقرب منها يمكن تحن و نرجع تاني بس بعدت عني ودي كانت المرة الأولى انها تهرب مني
_مرام انا بحبك وانتي عارفة يا مرام
بدأت تتكلم بس بقوة شوية مش هي دي مرام الضعيفة قدامي أبدا
_خلاص يا مراد كل حاجة انتهت رصيدك عندي أنتهي زي ما رصيد سترك عند ربنا أنتهي كل مرة كنت تخوني و تيجي تجري عليا زي الطفل الصغير و تترمي في حضني و تعيط بالساعات لحد ما أسامح و أنسي و اقول ندمان و أكيد دي آخر مرة و عمري ما كنت أتوقع أنك توصل بيك البجاحة أنك تخوني في بيتي و علي سريري يا مراد ازي قدرت ازي يا مراد
حاولت ابرر موقفي بأي كلام ما انا مش هسيب حب عمري يضيع من أيدي مش بعد ما تعبت ده كله عشانها هتسبني بس أعمل ايه انا اللي غبي بحبها و عاوزها و عاوز غيرها ازي بس انا اتعودت علي كدة اني أحتفظ بحاجتي و ادوق حاجة الناس بس المرة دي غير كل مرة
_افهمي يا مرام هي اللي كانت بتحاول معايا و انا كنت برفض و كنت بقولها هقول لمرام بس للاسف ضعفت انا إنسان برضو
ضحكت و كأنها كانت متوقعة كل كلمة قولتها
_كدبة جديدة و المفروض مرام الهبلة تصدقها و تكمل فيها ندي صحبتي يا استاذ اللي خدت رقمها من عندي و بعتلها أكتر من مرة و هي رفضت لحد ما هددتها أنك تقول لجوزها و تفضحها متقفش ساكت رد عليا
مبقتش عارف اقولها ايه او اتكلم اقول ايه بس هحاول أنقذ الموقف
_كدابة لو هي اللي قالتلك كدة كدابة يا مرام اوعي تصدقيها
ضحكت بس المرة دي ضحكة بصوت أعلي و كانها بتسخر من كلامي
_يا أخي كفاية كدب بقا اعترف لمرة واحدة في حياتك بالحقيقة خليني مرة واحدة أحس إنك تستاهل أني اصدقك بس للاسف كل مرة بتخيب ظني فيك و كأنك قاصد تكسر اخر ذرة حب ليك في قلبي انا شوفت كل حاجة بعيني يا مراد شوفت كل حاجة من تلفونك شوفتك وانت بتقولها أني مسافرة و انها وحشتك وأنك عاوز تشوفها هنا في بيتي ده انا حتي مكنتش هكمل ساعة سايبة البيت حبيت اكشفك عشان أكون واخدة قراري و انا مقتنعة بيه يا مراد و مجيش في يوم واندم اني خدته من غير ما أتأكد حتي لو شايفة كلامك بعيني
بصتلها و مش قادر انطق ازي مرام البنت اللطيفة الكيوت الهادية المطيعة اللي عمرها مزعلتني بالعكس كانت بتسامح و تغفر كأن شئ لم يكن
كملت كلامها
_انا خرجت من الشقة بس كنت عند ياسمين فوق و استنيت الهانم تيجي و حبيت اعملك مفاجأه يمكن اكون غلطانة يمكن فهمت الرسايل غلط و يمكن انت بتحبني وعاوز تعملي مفاجأه كنت بحاول اكدب نفسي بأي طريقة كأني بدور ليك علي مُبرر يخليني اسامحك زي كل مرة طب تعرف يا مراد لو خنتني معاها في مكان غير ده كنت هسامحك علي الاقل ذكرياتنا الحلوة في البيت مكنتش اتهانت منك كدة
حاولت اقرب منها ابوس ايدها و رأسها انها تسامح و تغفر زي كل مرة بس ده منفعش
_انا آسف سمحيني انا مقدرش اعيش من غيرك هننقل في مكان تاني و نعمل ذكريات جديدة صدقيني آخر مرة
_طلقني يا مراد
وقفت مشلول مش مستوعب معني الكلمة مستني تفسير ليها
اخيرا لساني
