_انا اتجوزت
سيبت المعلقة من أيدي و بصيت في عيونه مش بصة واحد بيكدب او بيهزر مش هي دي بصة اياد اللي أعرفها بس ضحكت برقة
_يا يويو انت عارف اني مش بحب الهزار البايخ ده
و بدأت اشيل السفرة بس ايده منعتني بصتله وانا خلاص كدبة كمان و هتخانق معاه بس دموعه خلتني سكت عشان يتكلم
_انا مش بهزر يا فيروز
سحبت أيدي من ايده و انا بتكلم
_اياد بطل بقا يا اياد يعني ايه اتجوزت و أمتا و ازي و انا روحت فين و فيروز الصغيرة راحت فين من تفكيرك حبك ليا من عشر سنين راح فين يا اياد اتكلم بلاش تقعد ساكت كدة اتكلم بقا
دموعه نزلت و دي كانت اول مرة اشوفه بيعيط
_يعني ايه دموعك دي معناها ايه انت بجد اتجوزت عليا ؟!
بصلي و بدأت شفايفة ترتعش كأنه طفل عمل حاجة و خايف مامته تعاقبه
_اه اتجوزت و من شهرين وهي حامل عشان كدة قررت أقولك
من غير تفكير في كل كلامه كان كل همي أعرف هي مين دي اللي قدرت تاخد مني اياد حب عمري
_هي مين؟
بصلي بأستغراب كأنه كان مستني ازعق اكسر اتعصب اعمل اي حاجة
_كل همك تعرفي هي مين
قومت أكمل تنضيف السفرة وانا بتكلم
_عاوزة اشوف هي احلي مني في ايه ولا بتعمل ايه انا معملتوش يمكن أكون بقدر أعمله وانت متعرفش
دخل ورايا المطبخ وهو بيتكلم
_انتِ ليه هادية كدة كأني قولتلك انا جبت ليكي ورد و شكولاتة
ابتسمت إبتسامة مهزوزة بس مخلتهوش يلاحظ كسرتي
_المفروض أعمل أيه انت بتقولي اتجوزت و هتكون أب يعني مفيش في أيدي حاجة أعملها انت اختارت و نفذت و جي تعرفني مش أكتر يعني انفعالي مش هيعمل حاجة ولا زعلي هيفرق معاك في حاجة عشان كدة استسلمت بس قبل اي حاجة عاوزة أشوفها؟
خرج من المطبخ و هو بيتكلم
_هتشوفيها يا فيروز هتشوفيها
سيبت اللي في ايدي و بدأت أمسح دموعي اللي نزلت بعد ما خرج انا مستحيل أضعف قدامه مستحيل يعرف أني بموت دلوقتي وإني هموت لو فعلا كلامه بجد خلصت كل حاجة و دخلت اوضة بنتي فيروز الصغيرة ثمرة حب عشر سنين من ضمنهم خمس سنين جواز قربت منها و نمت جنبها مش عاوزة اشوفه او اشوف نظراته ليا عشان مضعفش و اتقبل الوضع المفروض عليا خدت بنتي في حضني وانا بفكر هعمل ايه بعد كدة لما نتقابل قراري هيكون أيه
حسيت بيه و هو بيفتح باب الاوضة غمضت عيني بسرعة لحد ما قرب علينا و باس راسي و راس بنتي و خرج و بعد خروجه دموعي نزلت من عيني اول مرة هنام بعيد عن حضنه ده حتي وانا والدة فيروز كان بياخدنا أحنا الاتنين في حضنه بقالي خمس سنين بنام معاه في نفس الاوضة خمس سنين و قبلها خمس سنين حب و خطوبة و تحضرات للجواز ازي قدر ينسي ده كله ازي قدر يخدعني الشهرين دول مع أنه ولا مرة نام برة ولا مرة أتأخر عن معاده بعد تفكير كتير نمت معرفش أمتا و ازي قومت الصبح حضرت كل حاجته و جهزت بنتي للحضانة و نزلتها و العربية خدتها مني و رجعت تاني ليه لقيته هيروح الشغل وقفت قدامه وانا بتكلم ببرود
_خمس دقايق و هكون عندك
بصلي بأستغراب
_هنروح فين
بصتله بعمق
_هنروح لمراتك التانية ولا تحب اقولها يا ضرتي
حسيته ابتسم شوية لان نبرتي كان فيها شئ من الغيرة
بس أتكلم
_ياريت بسرعة عقبال ما اتصل و اخد إذن من الشغل لمدة ساعتين
سبته و مشيت و جهزت فعلا في خمس دقايق
و نزلت معاه و روحت ناحية العربية بس لقيته بيشاور بأيده أننا هنتمشي متكلمتش و مشيت معاه لحد ما وصلنا للعمارة بصيتله وعيوني مليانة دموع لأن دي عمارتنا القديمة اللي اتجوزنا فيها و بدأت اتحرك لجوه من غير إرشاد منه كأني منومة مغناطيسي طلعت دور ورا دور وكاني نسيت أن في اسانسير أصلا وصلت للدور السابع وانا مش حاسة بتعب بصيت ورايا لقيته مش قادر ياخد نفسه لأنه لحقني علي السلم قربت من الباب و خبطت وانا قلبي بيموت و بيصرخ جوايا من الوجع غمضت عيني خايفة الباب يتفتح و اشوفها وهي واقفة قدامي خايفة
و سمعت صوتها وهي بتقول أسمي الصوت ده انا عارفاه كويس اووي
فتحت عيني و اتكلمت بسرعة
_انتِ
بدأ هو يتكلم و يدخلنا جوه
_الكلام هنا مش هينفع ادخلي يا فيروز انتِ و نرمين
دخلت وانا مش مصدقة أنها طلعت نرمين بنت خالته البنت اللي كان بيعتبرها زي هاجر اخته الصغيرة ازي ده حصل ازي يتجوز بنت أصغر منه ب 14سنة ازي مش هي دي أفكاره
بصيت ليها و لقتها اختفت وراه خايفة مني
_ازي ازي نرمين يا اياد ازي دي دي طفلة و بتعتبرها زي أختك
بصلي بحدة كأني جرحتها بكلامي
_فيروز نرمين دلوقتي مراتي و زيها زيك و مسمهاش طفلة إسمها مدام نرمين حرم البشمهندس اياد يا فيروز فاهمة
صرخت فيه و كأني بدأت اطلع كل اللي جوايا
_لا مش فاهمة واللي عاوزة اعرفه امتا و ازي و فين وامك و اختك و اهلها يعرفوه ولا ده جواز عرفي يا بشمهندس
قرب مني و مسكني من ايدي وهو بيتكلم
_كلهم عارفين بس محدش قالك يا فيروز ولا حد كان هيقولك بس انا مقدرش أخبي مراتي و أبني عن الناس يا فيروز
ضحكت بصوت عالي
_ قولتلي إبنك ولي العهد اللي انت عارف اني بعد ولادة فيروز وانا مش هقدر اخلف تاني عشان كدة قررت تتجوز و تجيب ولي العهد يا هندسة مش كدة
بص بعيد
_مظبوط كلامك يا فيروز انا عاوز ولي العهد وانتي صعب تخلفي تاني لانه خطر عليكي
بصتله بكسرة
_طلقني يا اياد و اه الخطر ده أنا عملته عشانك بس دلوقتي بندم اني هضيع حياتي عشانك وإني هخلي بنتي تخسرني و تعيش معاك انت ودي لوحدها
بصلي بصدمة مش قادر يتكلم رجع مسك ايدي و بدأ يهز فيها
_يعني ايه يعني ايه يعني انتِ حامل انتِ مجنونة انتِ عاوزة تموتي طب وانا و بنتك اللي في بطنك ده لازم ينزل
بصتله برعب وانا ايدي علي بطني
_مبقاش ينفع اللي في بطني ده بقا اربع شهور و مبقاش ينفع ينزل وانا مش هخليه ينزل لانه هيكون اخ لفيروز هجيب لفيروز مازن
بدأ يهز فيا جامد وهو بيزعق
_انتِ ازي تعملي كدة ازي ازي يا فيروز بدأت دموعه تنزل منه لحد ما قربت نرمين منه بتحاول تخليه يبطل هز فيها و يبطل زعيق بس زقها هي و وقعت علي الأرض و بدات تصرخ لحد ما سبني و شالها و نزل يجري بيها نزلت معاه من غير كلام كل همي نلحقها
هي ملهاش ذنب في اي حاجة بينا وصلنا المستشفي و خدوها مننا و خرج الدكتور بعد ساعة وهو بيتكلم
_للاسف مقدرناش نلحق الطفل و أظن حضرتك انا بلغتك المرة اللي فاتت أن حملها ضعيف جدا و كنا بنعمل اللي نقدر عليه يمكن يكمل و قولتلك بلاش مجهود ليه تخليه تنضف الشقة و تقع كدة علي العموم رينا يعوض عليك بالذرية الصالحة
خلص كلام مع الدكتور و بصلي بصة عمري ما انساها بس انا مليش ذنب ده انا الطرف المظلوم في الحكاية
دخل الاوضة و دخلت وراه مش قادرة ابص في عيونها هي برضو خسرت أبنها وهو ملوش ذنب باللي حصل لقيتها بتتكلم
_فيروز قربي
بصتله لقيته باصص الناحية التانية
قربت منها و قعدت جنبها
_انتِ عاوزة تعرفي أمتا و ليه حصل ده كله
بصتلها بتركيز بس صوته وهو بيزعق خلاني بصيت ليه هو
_نرمين قولنا بلاش كلام في اللي فات
بصتله هي
_لازم نتكلم في اللي فات و اللي كان مخلينا مع بعض خلاص مش موجود بصي يا فيروز انا من 6شهور اتعرفت علي ولد و قدر انه ياخدني معاه حفلة و هناك خدرني و حصل اللي حصل و بعدها بشهر عرفت اني حامل جريت علي أبيه اياد لانه الوحيد اللي ممكن يفهمني و يفهم يعني ايه حبيته لانه كمان بيحبك قولتله علي كل حاجة بس للاسف التاني سافر برة و أبيه اياد قرر يتجوزني و اتجوزني فعلا و كله كان مستغرب اني موافقة بس هو اقنعهم انهم ميقولوش ليكي حاجة وانه اتجوزني عشان يخلف اطفال كتير و نجح فعلا انه يتجوزني في اسبوع واحد و بعدها بشهر قولنا اني حامل و ماما صممت أنك تعرفي عشان هي حاسة بتأنيب ضمير هو كان صعب عليه يكسرك بس مكنش عنده حلول تانية و دلوقتي انا بقولك الحل انا و إياد هنطلق و السبب انه اختارك انتِ و انا قررت ابعد عنكم عشان فيروز و اللي في بطنك
بصيت ليها وانا مش عارفة أعمل ايه افرح باللي عمله ولا أحزن علي البنت الصغيرة دي بس الأكيد ان حبي ليه بقا أكبر من الأول
_اتمني متزعليش من ابيه اياد ده بيحبك اووي و كان بيعيط يوم كتب الكتاب لانه كان نفسه تكوني انتِ مراته الوحيدة علي سُنة الله و رسوله بس اللي حصل
قومت من مكاني و قربت منه و قعدت قدامه في الارض و بدأت اعيط
_ليه تعمل كل ده من غير ما تقولي ليه مخلتنيش أشارك معاك مش انا فيروزتك و أم بنتك
مسح دموعي بأيده
_مكنش ينفع حد يعرف و نرمين تتكسر قدامه حتي لو انتِ يا فيروز
مسكت ايده
_و ده كبرك في نظري أكتر و أكتر
بعد ايده عني
_بس ده مش هيخليني انسي مشكلتي الأهم يا فيروز ليه تعملي كدة
حطيت أيدي علي بطني
_حبيت افرحك و متقولش مقولتيش ليه لأن انت كنت هترفض اني اكمل
_بس يا فيروز
مسكت ايده و حطتها علي بطني
_مفيش بس يا ابو مازن
خرجنا يومها من المستشفي و نرمين خرجت و راحت بيت أهلها و طلبت الطلاق و اياد طلقها و خدت كل حقوقها وهو عمل كدة عشان يأمن مستقبلها و بدأت الشهور تعدي و بدات اتعب لحد ما وصلت للشهر السابع و خلاص كنت هموت و روحنا المستشفي و اياد شيلني و عامل زي المجنون سيبته و دخلت اوضة العمليات و قعدت أكتر من خمس ساعات جوه
لحد ما الدكتور خرج و قاله أني ولدت في السابع و حصل نزيف و أضطر أنه يشيل الرحم و الولد دخل الحضانه لانه ضعيف شوية وانا في العناية تحت الملاحظة و فوقت تاني يوم لقيته قاعد في الارض جنب السرير نديت عليه بصوت ضعيف
_اياد
فتح عينه و قرب مني
_عيون اياد
ضحكت بتعب
_ابني فين يا يويو
باس راسي
_ابنك بخير متخفيش هو بس ضعيف شوية
_و فيروز فين
بصلي
_لسة فاكرة فيروز يا ستي عند مامتك جت هنا و خدتها عندها و زمانهم جايين
بصتله
_اياد هو انا قولتلك قبل كدة أني بحبك
عمل نفسه بيفكر
_اممم طب انا قولتلك قبل كدة أني بموت فيكي
_امممم تقريبا لا
_طب تحبي اثبتلك
_ولد عيب كدة انتوا في مستشفي
بصيت لماما وهي شايلة فيروز و ابتسمت ليه إبتسامة نصر
لحد ما قرب من ودني
_امك مش هتروح معانا البيت بعد كدة يعني بلاش الابتسامه دي يا فيروزتي
_بحبك يا يويو
.....
#مها_محمود
