_يخربيت جمال امك هو فى كدة
=جراة ايه يا جدع احنا هنقبح ولا ايه لا مش عشان وافقت انك تقعد معايا على نفس التربيزة وقولت يلا عشان خاطر ربنا وشكله محترم وهيقعد باحترامه
_انتى عبيطة يا بنتى انا اصلا بتكلم على صورة على الانستا انا مالي ومالك
_احم بجد انا اسفة
=عادى ولا يهمك بس ده ميمنعش انك فعلا قمر
_انت عبيط يلا
=ياساتر انتى مالك بتتحولي بسرعة كدة ده انتى كونتي مكسوفة من شوية
_استغفر الله العظيم انا ماشية يا فندى وبعد كدةة ابقا شوف حتة تانية تقعد فيها
=مجنونة ولسانك طويل بس حلوة ومش عارف اعمل فيكي ايه
&انت بتكلم نفسك يا استاذ سامح
سامح/اكلم نفسي انا تخطيت المرحلة دي من زمان يا سيد
سيد/هى لسة معرفتش انك بقالك سنة بتراقبها كل يوم
سامح/للاسف لسة هى اصلا هتاخد بالها ازى من الكتب اللى بتقراء فيها طول الوقت دي حتي اليوم اللى الكافيه بتاعكو طلع زحمة وقولت اقعد معاها لحد ما تربيزا تفضي اهى هزقتني ومشيت مش عارف اعمل ايه
سيد/متقلقش كل حاجة هتتحل بس انت سيبها على الله
سامح/ونعم بالله همشي انا وبكرة فى نفس المعاد
....
_يا بنتى انا مشيت ومش هرجع دلوقتي
_يا نور ارحمي امي انا هدخل الكافيه اهو يلا ارجعي
نور/لا يعنى لا اكيد لو رجعت هلاقي الانسان ده هناك وانا مش عاوزة اشوفه تاني يا مريم
مريم/هو لسة بيراقب فيكى
نور/اه ياستي وانا خلاص على اخري وحاولت اهزق فيه النهاردة يمكن يبعد عنى بقا
مريم/يا نور الحياة مش كدة الحياة مش بتقف على حد ايه يعنى واحد اتعرفتو على بعض وحبيتيه و محصلش نصيب ادي نفسك فرصة يا نور
نور/مريم مش عاوزة وجع تانى
مريم/انشاء الله مفيش وجع
نور/بصي سيبيها على الله سلام بكرة بقا نتقابل عشان تعبانة وعاوزة اروح
مريم/ماشي سلام
.....
سامح/يا عم هشتري منك كام كتاب كدة بس عاوزهم اللى هو الناس بدوخ على متلاقي نسخة
-عندى يا باشا بس تمنهم غالى
سامح/هات يا عم ولا يهمك مفيش حاجة تغلي عليها
-شكلك بتحبها اووى
سامح/الحب ده حاجة قوليلي ياا عم
-محسن يا بني وربنا يسعدك ويهنيك بعروستك
سامح بابتسامة/عروستي
.....
تاني يوم
سيد/صباح الخير يا استاذة نور
نور/صباح الخير يا سيد
سيد/القهوة اهى يا استاذة
نور/شكرا بس ياريت محدش يقعد معايا على التربيزا تانى كفاية البني ادم بتاع امبارح
سيد/استاذ سامح ده طيب وغلبان
نور/هو كمان اسمه سامح
=انا سامع حد بيجيب فى سيرتي
نور/استغفر الله العظيم
سامح/سيد القهوة بتاعتي وحساب الاستاذة عليا وقبل ما تقولي اي حاجة ده اعتزار مني ليكى على اللى حصل امبارح
نور/اعتذارك مقبول لكن حسابي انا اللى هدفعه
سامح/ماشي بس ياريت تقبلي الهدية دي
نور/شكرا بس بصفتك ايه اقبل منك هدية
سامح/خلاص هاتي تمنهم اصلي مش هعمل بيهم حاجة دي روايات ودي حاجة انتى بتحبيها
نور/ومالك متاكد كدة وعندك ثقة انى بحبهم
سامح/اقولك انا عارف ازي ياا من كتير انا بقالي سنة براقب فيكي وانتى ولا هنا حافظ كل تعبيرك تحبي اسمعهم وانتى بتشوفي رواية بتعيشي جواها اوووى لدرجة ان تعبيرك بتخليني اعرف تفصيلها امتا البطل زعل البطلة امتا اتصالحو وامتا و امتا حاجات كتير امتا بتيجي ومزاجك رايق وامتا بتكونى متعصبة يعنى عرفت عنك حاجات كتير
نور/اممم ممكن اعرف كل ده ليه
سامح/عشان حبيتك
نور/اسفة وانا معنديش الطاقة حاليا انى اعيش معاك نفس الشعور
سامح/انا عارف كل حاجة يا نور
نور/وايه اللى انت عارفة
سامح/مش هكدب بعد ما انتى مشيتي صحبتك جت وسيد قالي قعدت معاها واتكلمنا وعرفت انتى ليه بتهربي منى ومن نظراتي وليه حاولتي تكوني قوية معايا وصدقيني انا مش زيه انا يستحيل اضيع القمر من ايدي
نور/عن اذنك انا همشي
سامح/نور
نور/نعم
سامح/ممكن نبقا صحاب
نور/سيبها بظروفها
...........
سامح/مش عارف اعمل ايه هتجنن من يومها وهى مش بتيجي بقالها شهر مجتش حتي صحبتها مش بترد علياا خلاص هتجنن
سيد/اهدى بس يا سامح باشا والغايب حجته معاه
سامح/يارب بس تكون بخير
سيد/اهى جت اهى وبخير
سامح/نور يا نور انتى كويسة كنتى تعبانة فيكي حاجة حصلك حاجة مجتيش ليه بقالك شهر
نور/اهدى اهدى انا بخير اهو قدامك مفيش حاجة فيا بس كنت بصفي حسابات قديمة عشان الجديد يكون نضيف
سامح/انا مش فاهم حاجة بس المهم انك بخير
نور/انا موافقة ان احنا نكون صحاب
سامح/بجد
نور /اه بجد
سامح/يا سيد
سيد/اومر
سامح/كل طلبات الأستاذة بعد كدة على حسابي
نور/بس
سامح /مفيش بس يلا يا سيد القهوة انت طبعا عارفها
.....
نور/مش عارفة يا مريم
مريم/يا نور هتجنيني مش عارفة ايه بقالك سنة بتقابليه ومش عارفة بتحبيه ولا لا
نور/حاسة انى تايها بس لما بقابله بكون مبسوطة وده اقل شعور بحسه معاه
مريم/نور انتى بتحبي سامح بس خايفة تخسريه
نور/اه بحبه واه خايفة اخسره ارتاحتي كدة
مريم/مش انا اللى ارتحت ده انتى يا نور ويلا بقا سلام عشان عندى شغل
نور/سلام
سامح/كنتى بتكلمي مين
نور/سامح خوفتني
سامح/اه كنتى سرحانه وبتتكلمي فى التلفون يلا بسرعة قولي كنتي بتكلمي مين
نور/هو فى غيرها مريم الزفت
سامح/كنتي بتقوليلها ايه
نور/كنت بقولها انى بحبك اقصد يعنى
سامح بابتسامة/عارف وانا كمان بحبك
نور/بجد يا سامح
سامح/بجد يا عيون سامح
نور/اوعدنى انك هتفضل جنبي ومعايا سند ليا فى شبابي عكازي لما اكبر واعجز وسناني تقع وشعري يقع وابقا قرعة هانم ويكون شكلي وحش توعدني
سامح/ههه اوعدك يا ست البنات اكون اقوي سند ليكي في شبابك واحسن عكاز ليكي لما تكبري وحتي لو شعرك وقع وسنانك كمان هتفضلي فى عيني ست البنات كلهم وهتفضلي فى عيني نور حبيبتي وقلبي وام عيالي فى المستقبل
نور/بحبك يا سامح
سامح/بحبك يا ست البنات
.....
#حكاية ست البنات والشاطر سامح
#مها محمود
