_لسة بتيجي هنا كل ما الدنيا تمطر
=هفضل أجي طول العمر وأنت عارف
_وعشان كدة جبت معايا أيس كريم عارف انك بتحبي تاكليه تحت المطر
=إحساسه بيكون حلو أوووي شبه ذكريات كتيرة أوووي
_لسة بتفتكري اللي راح
=وانا من أمتا نسيته
_كنتِ بتيجي انتِ وهو هنا
=أول ما الدنيا تمطر بنكون هنا بالتحديد علي الصخرة دي
_كان بيجبلك ايس كريم
=مكنش يعرف أني بحبه أصلا؟
_يبقا عمره محبك
=وانت عرفت ازي
_اللي بيحب حد يا ملك بيحب الحاجة اللي بيحبها و بيحب يعملها ليه بكل سعادة
_مفتكرش أنه في يوم حبني يا محمد
=وانتِ
_حبيته وعلي قد حبي ليه علي قد ما كسرني
=مش هتقوليلي ايه اللي حصل بينكم
_تفتكر وقته!
=بما أن أحنا في جوه زي ده قدام البحر و بناكل ايس كريم ليه لا
_معاك حق بس ساعات الاختلاف بيكون حلو!
=أحكيلي
_اتقبلنا هنا تحت المطر! كان قاعد في مكاني المفضل وطبعا روحت اقوله يمشي رفض اتخانقت معاه و مشيت زعلانه أوووي في اليوم ده روحت بيتي! و جيت تاني يوم أقعد في المكان وهو جه بعدي علطول و قعد جنبي و أعتذر و اتعرفنا و بقينا ننزل كل يوم نقعد هنا فضلنا سنة؟ حبيته فيها لحد ما في يوم قالي بحبك حسيت وقتها أني طايرة في السما و مش هنزل علي الأرض تاني بس الحلم ما خلص و نزلت الأرض تاني و جيت هنا في نفس المكان و لقيته! بس كان معاها بيقولها بحبك يومها حسيت إني بموت ومش قادرة اتنفس و مشيت متستغربش محبتش اخليه يكون وحش قدامها حتي لو علي حساب قلبي! عارفة أني ساذجة بس مقدرتش أواجه هربت و من يومها وانا وهو بعيد عن بعض بس لسة باجي هنا و افضل مستنيا يكمن يرجع
=تفتكري هيرجع
_اديني مستنيا
=يبقا هتستني كتير لأنه لو كان عاوز يرجع كان رجع
_انا همشي المطرة وقفت
=هتيجي تاني أمتا
_لما الدنيا تمطر
=بس الصيف جاي هعرف أنك هنا ازي
_لما يجي الصيف هتعرف متستعجلش
=هستناكي
_يبقا هتستنا كتير اووي
=مش مهم المهم أني أشوفك
_ياريتك كنت هو! مع السلامة
=غبية! أمتا هتفهمي امتا هتصدقي أنه مش هيرجع وأن اللي بيحبك بجد قدامك أتمني تفهمي قبل ما الوقت يسرقنا
.......
_يمكن قلبي حبك بس لسة عايش علي ذكري غيرك مقدرش اتعلق بيك و انا جوايا غيرك الحياة ديما كدة انا حبيته وانت حبتني بس قلوبنا مش بايدينا وإلا كنت هتكون أول واحد أسلم قلبي ليه بس قلبي هو الوحيد اللي دخله و مش هقدر ادخل حد تاني يمكن غلط و يمكن صح بس بالنهاية الحب قلوب و أرواح بتتقابل. اتمني انت اللي تفهم كلامي ليك و تلحق قلبك قبل ما تخسره للأبد . و هتصدق لما قولتلك هتستنا كتير لأني مش هرجع هنا تاني. عشان تقدر تنسي و تكمل حياتك !
......
يمكن قلوبنا بتختار غلط ؟
يمكن بنجمل صورة اللي بنحبه بطريقة مبالغ فيها؟
بس بالنهاية الحب قلوب و أرواح بتتقابل؟!❤️
#مها محمود
_
