انتِ كالوردة
....
بشوف البنت كأنها وردة مشرقة وسط حديقة من الزهور و من شدة جمالها الكل عاوز ياخدها و يمشي أو أنه ياخد منها ورقة وهي عشان محتفظة بالشوك من الداخل بس بيكون سهل ان اي حد ياخد منها اللي عاوزه و بيفضل كل يوم يجي واحد ياخد ورقة منها و يمشي لحد ما الوردة مبقاش فيها ورق وكل اللي ظاهر منها هو الشوك و بس و الكل بقا يخاف يقرب منها حتي هي بقت تجرح اي حد يفكر انه يقرب لحد ما واحد بس قرب و كان عاوز يرجع للوردة دي روحها و بدأ يهتم بيها و الوردة بدأت تفتح من جديد بسبب شوية إهتمام و حب و رعاية لحد ما بقت احسن من الأول و رجعت ثقتها بنفسها و رجعت تحتفظ بالشوك بتاعها جواها بس مع الشخص ده وبس واي حد غيره بيقرب شوكها هو اللي بيجرح و بقت تشوف نفسها بعينه قد ايه هي جميلة وعرفت قد ايه هي كانت غلط وانخا لو كانت احتفظت بنفسها للشخص الصح من الأول مكنش هياخد الوقت ده كله في انه يقرب منها .و انها لو بس استنت اللي يجي يهتم بيها في النور قدام كل العالم و مسلمتش للي جه في الضلمة عشان ياخد منها من غير ما حد يشوفه كانت هتكون أحسن
.....
الخلاصة.
أن اي بنت في علاقة مع اي ولد تحت اي مسمي سواء بقا حب. ارتباط .صحاب اي شئ لازم تكون عارفة ان العلاقة دي هتاخد من روحها من حبها و مشاعرها كل حاجة فيها هتكون بهتت إحساس أول مرة في كل حاجة هيكون بهت كلمة بحبك لما تيجي تسمعيها من الشخص الصح هيكون ملهاش لازمة انتِ نفسك هيكون ملكيش لازمة هتكوني عبارة عن بواقي . بواقي مشاعر بواقي احاسيس بواقي كل حاجة حلوة . هتخسري الشخص الصح .هتخسري ربنا.
#انتِ_كالوردة
#احتفظي_بجمالك_للشخص_المناسب
#بلاش_العلاقات_تحت_اي_مسمي
#بلاش_الضلمة
#انتِ_تستهلي_تكوني_في_النور
#النور_اتخلق_عشانك
#الحلال_اتخلق_عشانك
#مها_محمود
