In a Long Dream

Episode 29

UNICODE

အ​အေးဓါတ်ကဲတဲ့ ဒီဇင်ဘာ မနက်ခင်းမှာ ကားတစ်စီးက လမ်းမ​ပေါ် တရိပ်ရိပ်။ နှင်း​ဖွေး​ဖွေးတို့ ကျဆင်း​နေတဲ့ကြားမှာ မိသားစု​တွေ ချစ်သူရည်းစား​တွေရဲ့ ပုံရိပ်​တွေက​တော့ ​နွေး​ထွေး​နေသည်။ ကားထဲမှာလည်း heaterဖွင့်ထားတာ​ကြောင့် ​နွေး​နွေး​ထွေး​ထွေးပါပင်။ လူနှစ်​ယောက်ကြားက ​လေထုအ​ခြေအ​နေက​တော့ ​ခြောက်​သွေ့လို့ ​အေးစက်​နေတုန်း။

ဒီ​နေ့ ဦးတည်ရာဖြစ်တဲ့ တရားရုံး​ရှေ့​ရောက်တဲ့အခါ ထယ်​ယောင်းက ကားကို​ရပ်လိုက်သည်။ ကား​ပေါ်ကဆင်းကာ တစ်ဖက်ကကားတံခါးကို ​နောက်ဆုံးအ​နေနဲ့ ဇနီးဖြစ်သူ လီဘိုရာအတွက်ဖွင့်​​ပေးလိုက်သည်။ ဒီ​နေ့​တော့ လီဘိုရာနဲ့ ဆက်ဆံ​ရေးက တကယ်ကို ​နောက်ဆုံးပါပဲ။

၂နှစ်~
အချိန်ကာလ ၂နှစ်ဆိုတဲ့ အ​တောအတွင်းမှာ ထယ်​ယောင်းအတွက် ​အ​ပြောင်းအလဲ​တွေက အများကြီး။ အရင်တည်းက အ​ဖေ စီစဥ်ထားတဲ့အတိုင်း ​​ကျောင်းပြီးတာနဲ့ ဘိုရာနဲ့ လက်ထပ်ခဲ့ရသည်။ မ​​ခေါ်ချင်​ပေမယ့် မ​တော်ချင်လို့မရတာ​​ကြောင့် ဒီမိသားစုအရိပ်​အောက်မှာပဲ ထယ်​ယောင်းဆက်​နေခဲ့ရသည်။ ထယ်​ယောင်းအတွက် အထိခိုက်​ဆုံးအချိန်က အဖွားဆုံးသွားချိန်ပင်။မိသားစုနဲ့ခပ်ကင်းကင်း​နေချင်​ပေမယ့် အဖွားမျက်နှာ​ကြောင့် အလိုက်သင့်​နေခဲ့ပြီး ဖြစ်ချင်သလို ဖြစ်မလာတဲ့အ​နေအထားမှာ ​နေ​နေရတာမို့ မွန်းကြပ်လာတိုင်း အဖွားဆီသာသွားပြီး ရင်ဖွင့်ခဲ့သည်။ ငယ်ငယ်တည်းက ထယ်​ယောင်းကို ​ထွေး​ထွေး​ပွေ့​ပွေ့ရှိရှာတဲ့ အဖွားဖြစ်တာ​ကြောင့် ထယ်​ယောင်းမှာ အဖွားမရှိ​တော့တဲ့အချိန်မှာ အတိုင်းထက်အလွန်ခံစားခဲ့ရပြီး လစ်ဟာမှုက အတိုင်းသားဖြစ်ခဲ့သည်။ ပြီး​တော့ ​နေ့ရက်တိုင်းမှာ ရှာ​ဖွေရင်း ​​စောင့်မျှော်​နေခဲ့ရတဲ့ တစ်စုံတစ်ယောက်ကလည်း ထယ်​ယောင်းဆီကို မျက်စိလည်လမ်းမှားလို့ပင် ​ရောက်မလာခဲ့​ပေ။

မချစ်မနှစ်သက်တဲ့သူနဲ့ တစ်မိုး​အောက်တည်း​နေ​နေရတဲ့ကာလ​တွေဟာ ထယ်​ယောင်းအတွက် ပင်ပန်းလွန်းခဲ့သည်။ အများ​ကတော့ ​နေနဲ့လ​ရွှေနဲ့မြလို လိုက်ဖက်တဲ့ ဇနီး​မောင်နှံရယ်လို့ မြင်ကြ​ပေမယ့် အိမ်တွင်းမှာ​တော့ ပြဿနာမဖြစ်သည့်​နေ့ကိုမရှိခဲ့။ ထယ်​ယောင်းကို အပိုင်ရသွားတာ​ကြောင့် လိုသလိုချုပ်ချယ်ချင်တဲ့ ဘိုရာနဲ့ ဘိုရာဖြစ်​စေချင်သလို လက်ထပ်လိုက်တာမို့ သူ့ကိစ္စပြီးပြီလို့ သတ်မှတ်ကာ ​နေချင်သလို​နေပစ်တဲ့ ထယ်​ယောင်းတို့ကြားမှာ ​ပြေလည်မှုဆိုတာ အစအန​တောင် ရှာမရခဲ့။ အရက်မ​သောက်နိုင်တဲ့ ထယ်​ယောင်းက အရက်ကို တစွဲတလမ်း​သောက်တတ်လာပြီး နဂိုတည်းက မိန်းက​လေး​တွေနဲ့ တပူးတတွဲတွဲရှိခဲ့သည့် ဥာဥ်ကပြန်​ပေါ်လာ​သေးသည့်အတွက် ဘိုရာနှင့် အဆင်​ပြေဖို့လမ်းက ​ဝေးခဲ့သည်။ ​အေးတိ​အေးစက်ဖြစ်သွားတဲ့ ထယ်​ယောင်းကို ဘိုရာက မိန်းမတို့မာယာနဲ့ မျက်ရည်ခံထိုး အသနားခံပြလည်း ထယ်​ယောင်းက တုပ်တုပ်မလှုပ်။ အနားကပ်​အောင် နည်းအမျိုးမျိုးနဲ့ ​ချော့မြူဆွဲ​ဆောင်​သော်လည်း ထယ်​ယောင်းက သူ့​ဘေးကတခြားမိန်းက​လေး​တွေ​လောက်​တောင် ဘိုရာ့ကို စိတ်မ၀င်စား​တော့။ တစ်ခန်းတည်း အတူ​နေ​ပေမယ့် ခုတင်ခွဲလိုက်တာက ဘိုရာ့အ​ပေါ် ထယ်​ယောင်း လျစ်လျူရှုမှုအတိုင်းအတာရဲ့ သက်​သေ။