جنا : تتجوزنى
خالد بدهشه ؛ تنددانتى بتقولى اى
جنا: اللى سمعته
خالد: مدام جنا اكيد موت اخوكى مأثر عليكى
جنا بغضب: موافق تتجوزنى
خالد بغضب: انتى متجوزة
جنا : عالورق وهطلق
خالد قصدك اى
جنا : كنت مفكرة نفسى بحبه وكنت مفكرة هخليه يحبنى بس ولا طلعت بحبه ولا قدرت اخليه يحبنى
خالد بفرحه داخليه : بس
جنا: ساعدنى خليك جنبى
خالد ببسمه : هفضل جنبك وسابها ومشى
جنا : النقط لازم تتحط عالحروف
#################
صباح يوم جديد
حامد : احنا هنمشى عشان نشوف اشغالنا وانت خليك مع مراتك يا معاذ وابقى ارجعوا براحتكوا
رحيل كسرتها كلمه مراتك اتكلمت بوجع: انا كمان همشى معاكوا
مروان : تمام يلا عشان نلحق نرجع
وبالفعل خرجوا ومشوا
جنا : ممكن نتكلم شوى
معاذ : اه طبعا اتفضلى
جنا : نادى ريناد يا داده
ريناد: انا هنا يا جنا
جنا: بصى يا معاذ اعتقد انك اتجوزتى عشان صاحبك طلب منك مش كدا
معاذ بصدمه : بتقولى اى
جنا : انا عارفه انك مش بتحبنى بس كنت بكدب نفسى لانى كنت مفكرة انى بحبك
ريناد: مش وقته الكلام دة يا جنا
جنا: لا وقته يا مرات اخوى كل واحد لازم يعرف دنيته وكفايه اللى حصل لكدا
معاذ: عايزة اى با جنا
جنا: زى ما دخلنا بمعروف نخرج بمعروف
ريناد : لا يا جنا فالوقت دة مستحيل يحصل
جنا بغضب: لى مستحيل
ريناد بغضب: لان عمك مستنى مستنى ياخد ورتتك مستنى ياخدك مستنى معاذ بشار اختارة لانه هيكون حماكى قصاد عمك وابن عمك
جنا: وانا مش عايزة الحمايه دى
معاذ : بصى يا جنا تاخدى حقك وان هطلقك بس اكون وفيت بوعدى لبشار
جنا: لا مش عايزة حد معايا انا اخترت اللى هيقف معايا
معاذ : مين
خالد: انا انا يا معاذ بيه
معاذ بصدمه: انت
جنا : هنبنى حياتنا سوا ولو حكمت ادخلى عن مالى اللى انا مش عايزاه
ريناد بصت لخالد ولجنا ولمعاذ: انا موافقه يا جنا لو انتى اللى عايزة كدا وشايفه ان كدا اصلحلك
جنا : ايوة
معاذ: بس
ريناد: من غير بس يا معاذ انت كتر خيرك على كدا كفايه اللى حصل بينك وبين رحيل والالم اللى سببه ليكوا بشار من غير يا يقصد روح صلح احوالك ورجع مراتك كفايه وقفتك لحد كدا
معاذ: لازم يتجوزوا عشان يقدر يواجهوا الكل
والد ريناد: انا هجوزهم يا ولدى متقلقش عليهم
جنا: كلم المأذون يا عمى عشان نتطلق
###################
فالقصر
زهرة: رايحين فين
روان : هنشوف الدكتور يا تيتا
زهرة : ربنا يصلح احوالك يا بنتى
لميس: لو ان هو لسه بدرى بس عشان تتطمنوا ربنا يفرح قلوبكوا
عمران : حامد مجاش لى
حامد: جينا يا بابا
رحمه ببسمه: حمدالله عالسلامه
حامد ببسمه: الله يسلمك
رحيل بتعب: عن اذنكوا
رحمه : مالك يا رحيل
رحيل : تعبانه شوى هرتاح
عمران باصص على اللى رحمه بتعمله وقد اى بدأت تهتم بالكل
مروان: هموت من الجوع
رحمه : غيروا هدومكوا وثوانى والاكل هيكون جاهز
نورهان بغيظ: طبعا مهى دى شغلتك
رحمه بحزن: قصدك اى
نورهان : قصدى دى شغلتك هنا خداااااامه
مروان لسه هيتكلم وقفته رحمه
رحمه: لو اهتمامى للناس اللى بحبهم بالنسبالك خدمه او للناس فانا يشرفنى ان يتقلى يا خدامه
عمران ببسمه: لا يا بنتى انتى واحدة مننا وكلمه زيادة يا نورهان صدقينى هعمل معاكى اللى عمرك ما هتتخيليه فااااهمه
زهرة: اهدى يا حاج اهدى
بالليل
الكل متجمع عالعشا
لميس: عملتو اى يا روان اخرتو جدا
روان : الدكتور طلب مننا شويه تحاليل عملناها والنتيجه هتظهر بكرة
لميس: خير باذن الله
روان : يارب
بدأ الاكل معاذ دخل
مروان : اى دة انت مش كنت هتقعد يومين
معاذ: مفيش
نورهان : مراتك فين
معاذ: تعبان عايز انام
عمران : روح ارتاح وبكرة نتكلم
وبالفعل معاذ طلع اوضته والكل نفس الوضع ماعدا رحيل اللى واقفه فالجنينه بتفكرفى معاذ
رحمه : على فكرة هو محتاجك
رحيل باستغراب: مين دة
شمس: اللى بتفكرى فيه
رحيل : اه انتو كونتو حزب بقه
رحمه : اها
شمس: بصى يا رحيل مفيش راجل مش بيغلط
رحيل بسخريه :يغلط
رحمه : ايوة
رحيل : انتو مش حاسين بيا دا دبحنى بسكينه باردة
رحمه : هو غلط واحنا مش عارفين اى ورا الغلطه دى بس هو بيحبك
رحيل : حب اى
شمس: لو مش بيحبك كان طلقك فكرى
رحمه : شفتيه مع واحدة غيرك حسيتى ان هوهو وهو معاكى طب سيبك حسيتى ان هو فرحان
شمس: هو دايما مهموم
رحيل بنفاذ صبر: يووووة عايزين اى منى
شمس: انا مامتك ومتمناش الوجع ليكى بس انا متأكدة ان معاذ فى حاجه حاولت معاكى بس انتى كنتى بترفضى تتكلمى مع حد
رحيل: مبقاش يفرق كل دة ميدلوش الحق ان يجرحنى الجرح دة
رحمه: طب تمام ننسا اللى حاصل وروحى سانديه
رحيل : نعم
رحمه بحزن: هو محتاج حد يطبطب عليه محتاج حد يريحه بكلمه ومش هيرتاح غير معاكى صاحب عمرة مات هو موجوع
رحيل : طب ما انا موجوعه بس مش هقبل اكون شمعه تحترق لاجل الاخرين عن اءنكوا
شمس : ربنا يهون عليكى يا حبيبتى
رحمه : هتروحله
شمس: لا دى عنيدة كتير
رحمه : تعالى وهنشوف
وبالفعل راقبوا راحيل اللى واقفه قدام اوضه معاذ وبتحارب تتدخل او لا
رحيل : لا مش لازم اضعف طب ماهو محتاجنى مقدرش اى دة انا هضعف لا لا دا جارحنى دا قتلنى لا لا ولسه هتمشى رجعت قلبى الطيب دة عايز قتله اووف اوف وفتحت الباب معاذ كان نايم عالسرير ودموعه بتنزل رحيل اول مرة تشوف دموع
النور مطفى مفيش غير نور الاباجورة
معاذ بيمسح دموعه: مين
رحيل بهدوء: دى انا يا معاذ
معاذ: فى حاجه يا رحيل انتى كويسه
رحيل راحت لعندة : انت كويس
معاذ: محتاجك يا رحيل
رحيل : لسه هتتكلم رمى نفسه فى حضنها انسى اللى بينا النهاردة انسى المشاكل وخليكى معايا يا رحيل ارجوكى
رحيل قلبها هيقف من قربه ومن كلامه والدموع اتجمعت فعنيها عايزة تبعد بس مش قادرة حضنته هى كمان وكان كل واحد بيستمد من التانى الطاقه
معاذ بدموع: خلاص يعنى مش هشوفه تانى مش هكلمه مكنش بيعدى يوم من غير ما نتكلم صاحبى من وانا فثانوى وفضلنا مع بعض كنا نلعب مع بعض نضحك مع بعض ناكل مع بعض انتى عارفه ان بسببه هو انا عايش عارفه يعنى اى حد غريب لا اخوكى ولا ابوكى مجرد صديق يتبرعلك بكليته
رحيل بصدمه: بتقول اى
معاذ: هو اتبرعلى بكليته ولولاه كنت مت بس انا مت دلوقتى مش متخيل خلاص معقول راح كدا
معاذ فرد ضهرة عالسرير والدموع بتنزل من عنيه
رحيل بتمسحها ودموعها بتنزل : طب ممكن تبطل عياط هو اكيد فمكان احسن وعياطك دة هيزعله
معاذ : مش قادر يا رحيل مش قادر
رحيل نامت جنبيه واخدته فحضنها وفضلت تمشى ايدها على شعرة لحد ما نام وقفت وبصت عليه
رحيل : ربنا يرحمك يا بشار
#####
صباح اليوم التالى كان اليوم ماشى تمام لحد مارجعت روان ويحيى
لميس: طمونى يا اولاد التحاليل اى
روان بانهيار: انا يا عمتو انا مش بخلف ومش هخلف
لميس: بصدمه: بتقولى اى يا بنتى
نورهان: اى الكلام دة انتى تسافرى لاكبر الدكاترة دول ميفهموش حاجه
يحيى : عن اذنكوا انا طالع فوق
سندس: حبيبتى كل حاجه خير والعلم بيتقدم انتى دكتورة وعارفه
روان: انا مش عارفه حاجه غير انى مش هيكون عندى طفل
لميس: متقليش كدا اطلعى ارتاحى ومحدش عالم ربنا كاتب اى
بعد مرور عدة ايام معاذ بدأ يستعيد نفسه ورحيل بتساعدة وبتطمن عليه من بعيد
رحيل : هنروح امته للدكتور يا رنيم
رنيم : انا حكيت لسامر وهو هيجى معايا يا رحيل
رحيل : احسن فعل عملتيه فعلا
عمران : مروان قول للكل يبقى موجود حالا
رحيل: خير يا جدى
عمران: خير يا رحيل بس معاذ هيوضح شويه امور
وبالفعل الكل اتجمع ومعاذ كمان
نورهان : صحيح يا معاذ مراتك فين يعنى مرجعتش
معاذ بهدوء: مش هترجع
نورهان بصدمه: نعم يعنى اى
رحيل بدأت تركز فالكلام والكل
معاذ: انا وجنا اتطلقنا
نورهان بصراخ : نعممممم انت اتجننت ومن غير ما تاخد رأى حد
مروان بسخريه: دا على اساس ان هو خد رأيك فجوازة منها
عمران: مروان اسكت خلى اخوك يكمل
كل دة بيحصل ورحيل ساكته ومش بتتكلم
معاذ: انا اتجوزت جنا مش زى ما انتو مفكرين انا اتجوزتها لان بشار طلب منى كدا وقص ليهم القصه كلها
رحيل بسخريه : وطلقتها لى يا شهيد الحب
معاذ بصلها وسكت
عمران: عشان هى عرفت ان جوازها من معاذ كان حمايه ليها وان هو عمرة ما هيكون اكتر من كدا
حامد : ولى عملت كدا من الاول تدمر حياتك عشان صاحبك
معاذ: متنساش ان هو ضحى بحياته عشانى
سامر: ماشى يا معاذ بس كنت لازم تعرفنا
عمران: انا كنت عارف واعتقد دا كفايه
لميس: ووافقته يا بابا
عمران: اه
رحيل بسخريه: ومين كمان يعرف الموضوع دة
سامر : انا
رحيل بصدمه: انت
سامر : اه
فلاش باك
سامر كان واقف فالجنينه ورا المكتب بتاع جدة وسمع جدة ومعاذ بيتكلموا قرر يواجهم
سامر بغضب: معاذ كفايه لحد كدا ارجوك انت بتموت اختى بالبطئ
عمران بغضب: انت كنت بتجسس
سامر: اسف يا جدى بس انا كنت واقف وسمعتكوا بالصدفه
معاذ: سامر انا مش بحب رحيل انا بعشقها روحى فيها واذا كانت هى هتتألم فانا هكون اكتر منها بس انا مضطر لكدا لازم اعمل كدا
سامر: يبقى تطلقها
عمران بهدوء: انت فكرك لو معاذ طلقها هترتاح دى هتموت ميه مرة يمكن الوجع اللى هتعيشه مش هيبقى ابشع من وجع انها خلاص مبقتش على زمته سيب الامور تمشى يا سامر وانا ادرى بمصلحه الكل
سامر: بس رحيل
عمران : رحيل قويه وهتتفهم الموضوع وفترة وهتعدى
سامر: انتو بتجنوا على اختى
معاذ بغضب: اى اللى بتقوله دة انا مضطر لكدا وانا برد واجب عليا بس رحيل انا هقدر ارجعها واعوضها
سامر : تعوضها فعلا هتقتلها وبعدين تعوضها انا طول عمرى سايب رحيل تعمل اللى يريحها لانها فاههمه هى بتعمل اى ولان بابا عودنى على كدا مدخلش فى حيات اخواتى الا لو طلبوا فصدقنى يا معاذ رحيل لو لجأت ليا صدقنى هنهى كل حاجه
###############
باك
رحيل بسخريه : اه تمام اخويا ومين تانى اكيد انت يا يحيى مهو مبيخبيش حاجه عنك
يحيى: انا اسف يا رحيل
سامر الكبير: لى خبيتوا كان ممكن نشوف حل غير كدا نريح الكل احنا سكتنا لان لقينا جدك موافق وطبعا مكناش متوقعين كدا يمكن كنا بنصدق انك اتجوزتها عشان بتحبها
نورهان بغضب: انتو جايين عليه كدا لى هو عمل اى
رحيل بغضب ودموع: عمل اى انتى بتسألى هو عمل اى راحت لعندة واول ما وصلت معاذ وقف
رحيل بغضب: بتسأل انت عملت اى تخيل الجهود والقسوة اللى فقلبها
معاذ بيحاول يهديها : رحيل اسمعينى
رحيل: انا فكرت انك صدقت التسجيل المفبرك اللى الست الوالد فبركته لحضرتك وقلت ان كل شئ انتهى بس انا قلت معاذ مستحيل يسبنا مستحيل يبعدنى عنه وهو عارف انا بيه اى بس صدقنى مكنتش متوقعه ان العقاب كدا وراحت لنورهان عايزة تعرفى ابنك عمل اى انا هقلك ابنك عمل اى
رحيل : هو يدوب ......
