"التكامل"...
إيه هو مفهومنا عن التكامل!! الأكيد أن أي أنسان في الدنيا نفسه يوصل لمرحلة التكامل ،، وأنه يبقي معاه كل حاجة وأي حاجة ،، طب هل فعلاً فيه أنسان قدر يوصل لمرحلة التكامل دي!!! ،، أو حتي قرب منها ،، نسبة كبيرة أوي من اللي بيقرءوا الكلام ده دلوقتي هيقولوا لا طبعاً ده التكامل لله وحده ،، طب يا تري إيه حكمة ربنا أنه يخلقنا مش مكتملين وأننا دائمأ نحس بأن فيه حاجة نقصانا!!!
مفيش حد مش بيتمني أنه يبقي مش متكامل ،، فيه مننا اللي بيفضل عمره كله يعافر كتير أوي علشان يوصل للمرحلة دي ،، وفيه اللي بيستسلم وبيقول كده كده عمري ما هوصل للمرحلة دي ،، برغم أختلاف الشخصيات والاراء بس الأكيد والمشترك بينهم أن أي أنسان يقدر أنه يوصل لمرحل التكامل دي ،، لو عايزين تعرفوا أزاي تقدروا توصلوا للمرحلة دي يبقي اقرءوا الحكاية من أولها....
قبل ما أحكي حكايتي عايزة أقول حاجة مهمة أوي ،، هل التكامل مبرر قوي للطمع!! ؟
يعني هل علشان أنا عايزة أبقى متكاملة من كل حاجة فده يديني الحق أني أبقى طماعة في الوصول لكل حاجة حتي لو الحاجات دي مش ليا!!! ،، العلماء أكدوا أن الإنسان بالفطرة فيه نسبة طمع ومش بيحس بقيمة الحاجة اللي في أيده ،، وأن لو الحاجة دي ضاعت منه فبتبقي هي دي الحالة الوحيدة اللي ممكن يحس بحجم الحاجة اللي كانت معاه ،،،
ناس هتقول أنا مش طماعة وناس هتقول أه فعلاً أنا فيا حتة طمع ،، هنلاقي أختلاف شاسع في الآراء بس النتيجة النهائية اللي هنوصلها وكلنا هنشترك فيها ،، أن الشخص الوحيد اللي يقدر يتحكم في نسبة طمعك ويخليك فعلاً طماع أو لا ،، هو أنت ،، أنت وبس....
لو عايزين تعرفوا ايه هي الاجابه علي كل ده وايه هو سر الحكايه!!؟ وياتري الروايه الجديده مخبيه ايه!!؟ يبقي لازم تعرفوها من اولها...
انتظروا البارت الثاااااني 🔥🔥🔥🔥
.....................................................................
أنت تقرأ
چِـــهـــار
Romanceالحياة كالبيانو، هناك أصابع بيضاء وهي السّعادة، وهناك أصابع سوداء وهي الحزن، ولكن تأكد أنّك ستعزف بالاثنين لكي تعطى الحياة لحناً لذلك يجب عليك اولا تعلم العزف علي اوتار الحياه المتقلبة ♥
