عشقتك فدمرتني

البارت الثاني

رواية عشقتك فدمرتني.
بقلم🖋️: ام الملك فهد.
البارت (٢).
ذهب راضي ليحضر الاستاذ مروان ولكن كانت المفاجأة....
لم يتوقع راضي انه سيوضع في هذا الموقف فلم ينتبه الي ان وعد في نفس الكلية وخلال دقائق من انتظاره خرجت وعد ورغد.
رغد: الحقي يا وعد مش ده باباكي.
وعد: ايوا هو بس تفتكري هو هنا ليه.
رغد: ايوا ياعم جاي يحتفل باول يوم جامعه لبنته وجاي ياخدك مخصوص لا وايه راكب عربية مرسيدس احدث موديل واه لو لعبت ياظهر هههههه.
وعد: رغد بطلي هظار وتعالي نروح نشوف في ايه.
راضي مخدش باله ان وعد داخلة عليه اتفاجأ لاقا باب العربية بيتفتح.
وعد: بخخخ قفشتك بتعمل ايه.
راضي: اه حبيبتي ازيك خلصتي محضرات يومك كان عامل ازاي.
وعد: تمام الحمد لله عدا علي خير بس قولي انت كنت بتعمل ايه هنا.
راضي: ها انا انا اصل انا كنت جاي اه افتكرت ان...
قاطعته وعد
وعد: يبقا زي مارغد قالت انت احسن اب في الدنيا.
راضي : هي قالت ايه.
وعد: رغد قالتلي انك جاي تحتفل بيا اول يوم في الجامعه بس ليه كده يابا ليه التكاليف دي عربية مرسيدس عشان تيجي تاخدني من الجامعه دا اكيد اجارها غالي وبعدين....
قطع كلامها الشاب اللي فتح الباب
الشاب بهمجية: انت ازاي تسمح للاشكال الزبالة دي تركب عربيتي.
وعد: انت انسان مهزق ومتربيتش ويلا غور من هنا بلاش تلزييق.
راضي: بس يا بنتي عيب انتي مش فاهمه حاجه.
وعد: بس ايه يابابا مش سامعه بيتكلم ازاي.
الشاب: راضي هي الاشكال دي تبقالك ايه.
راضي: دي تبقا وعد بنتي ودي رغد صحبتها وانا اسف على كل اللي حصل.
وعد: انت ازاي بتتكلم كده وبتتأسفله كمان يا بابا.
راضي: معلش يا بنتي حقك عليا بس انزلي دلوقتي اركبي تاكس انتي ورغد ونتكلم في البيت.
رغد: خلاص يا وعد يلا بينا نمشي ولما عمو يروح البيت اتكلموا براختكم.
انطلقت العربة التي يستقلها راضي ومعه مازن.
اما عن وعد فكانت بحالة لا يرثي لها لانها لم تكن تفهم ما العلاقه التي تجمع بوالدها والشاب وانه سمح بان يتطاول عليها بالألقاب ولم ينطق ابوها ببنت شفا.
وصلت وعد للبيت وكانت مشغولة بذلك الشاب وتفكر ما العلاقة التي تجمع بوالدها والشاب فكيف سمح والدها باهانتها في وجوده وكيف تأسف له وهو شاب في سن اولاد له وكيف سمح له بان ينادي براضي فقط وكادت راسها تنفجر من التفكير.
هادية: في ايه يا بنتي من وقت ما رجعتي وانتي متكلمتيش وقاعدة في قوضتك راحة جاية زي النحلة مالك بس دا حتا انا متوعدة انك بترجعي من برا عاملة زي بغبغان بيردد اللي حصل.
وعد: والله ياماما مش عارفه اقولك ايه بس انا نفسي مش فاهمه حاجه.
هادية: طب احكيلي براحه كده في ايه.
وحكت وعد ما حدث بالكامل لوالدتها.
هادية تعرف من هاذا الشاب وتعرف حقيقته وما العلاقة التي تربطه براضي ولكنها تخشي من قول الحقيقة التي يخفياها علي وعد.
وعد: ها يا ماما انتي معايا هو انا غلطت في اللي حصل ووجوده مع بابا تفتكري هيعمله حاجه عشان انا لما ضربته بالقلم هو اتوعدلي.
هادية: لا يابنتي انتي مغلطيش واي حد يفكر يتطاول معاكي اديله باللي في رجلك.
وعد: ههههه اللي في رجلي ايه بس ياماما انتي ناسيه أن انا في كلية حقوق.
هادية: ماشي ياحبيبتي ربنا يسترها عليكي. يلا قومي صلي على ما اخلص باقي الاكل وبابا كمان علي وصول.
وعد:حاضر ياماما.
ذهبت كل منهم علي وجهتها وانهت هادية طعامها وانهت وعد صلاتها وسمعت وعد طرق الباب.
وعد: دا اكيد بابا انا هفتح انا.
هادية: ماشي ياحبيبتي عقبال ما اجهز الاكل في الاطباق وتيجي تاخديه حطيه علي الطربيزة.
فتحت وعد الباب.
وعد: بابا حبيبي وحشتني مستنياك علي نار.
راضي: هههههه اه منك انتي ياوعدي طب اصبري حتى لما ادخل ارتاح او اغير هدومي.
وعد: ماشي يابو الصحاب يلا الاكل مستنينا.
راضي: ابو الصحاب!! ايه ده انتي متاكده انك في جامعة حقوق يابت انتي!.
وعد: بضحك معاك يابابا الله.
راضي: ماشي علي حقك.
هادية: انتي لسه هتتسايرو كتير الاكل برد.
وعد وراضي سوياً: حاضر جينا اهو.
اجتمعوا علي الطاولة وبعد ان انهوا طعامهم جميعا قامت هادية بجمع الصحون واتجهت لانهاء اعمال المطبخ وراضي قام ليستريح بغرفته قليلا ووعد ذهبت لانهاء بعض اشغال الكلية.
في فيلا توفيق باشا.
رانيا: ايه انتي بتتكلم بجد يامروان دالو الكلام ده بجد البنت دي ميتسيكتلهاش هي متعرفش انت مين ولا ايه دا انت مروان الالفي اللي بنات مصر كلها بتقفله علي رجل واحده ومبيتكسرلوش كلمة ازاي تضربك بالقلم.
مروان: اصبري عليا ياماما انا بخططلها عشان اجيب مناخيرها الارض اصل مش لايق عليها انها بنت راضي السواق.
توفيق:ما هو دلعك دا ياهانم اللي بوظه ومخليه بقاله ٢ في ٢ حقوق ومش بيعدي ومخلياه صايع والبنت دي جدعه وكبرت في نظري ودا اقل حاجه تعملها مع ابنك انتي مفكراها زي البنات اللي يعرفهم.
رانيا: انت بتدافع عنها دا بدل ما تامر بفصلها من الجامعه وتطرد ابوها من هنا بس بعد ما تجيبها وتزلها هي وابوها ويبوسوا رجل ابني.
توفيق: انا قايم ماشي مش حابب اتناقش معاكوا انتوا الاتنين.
رانيا: مروان حبيبي البنت دي ميتسيكتلهاش وا..
قاطعها مروان: متقلقيش يا مامي دا انا مروان الالفي وبكرة تشوفي هعمل فيها ايه.
فى المساء كانت وعد بغرفتها تتحدث مع رغد في الهاتف فسمعت طرق الباب.
وعد: رغد انا هقفل عشان فى حد بيخبط.
رغد: تمام ماشي نتقابل بكره بإذن الله.
اغلقت وعد الهاتف و
وعد: اتفضل.
راضي فتح ودخل.
راضي: فاضية يا وعدي اتكلمي معاكي شوية.
وعد: تعالي يا حبيبي دا انا لو مش فاضيه افضالك.
راضي: ههههه مش قولت بكاشة.
وعد: والله ظالمني يا حنفي.
راضي: اموت واعرف انتي في كلية حقوق ازاي ههههههه.
وعد: بعد الشر عنك يابابا.
راضي: طب انا كنت جاي اتكلم معاكي شويه.
وعد: بخصوص اللي حصل الصبح.
راضي: اه بالظبط كده انا يابنت ضحكت عليكي محبيتش اقل منك وسط اصحابك انا مش شغال في شركة ولا حاجه زي ما فهمتك انا شغال سواق خاص لتوفيق باشا الالفي وكنت جاي اخد الاستاذ مروان ابنه من الكليه و...
قاطعته وعد: يعني اللي انا هزقته النهاردة ده انت شغال عنده سواق.
راضي: اه يا بنتي مكنتش عاوز اقل منك وسط صحابك مش عةوز حد يقولك فيوم انتي ابوكي..
قاطعته وعد مرة اخرة: بابا متقولش كده انا بفتخر بيك وهفضل افنخر بيكي وبعدين انا مش زعلانه والله كفاية انها شغلانه حلال احسن من ناس اصحاب شركات من الحرام.
راضي: انتي كل يوم بتكبري وبتزيدي في نظري ربنا يفرحني بيكي واشوفك احسن محامية يارب.
وعد: يارب يابابا
راضي: استأذن انا بقا اسيبك ترتاحي وانا اروح انام.
عدا اليوم دون احداث جديدة
صباح يوم جديد.
بعد انتهاء المحاضره الاولة ذهبت وعد ورغد للكفيتيريا لتناول المشروبات.
رغد: بت يا وعد مش ده الواد اللي انتي اديتيه بالقلم امبارح.
وعد: اسكتي انا مكسوفه منه قوي.
رغد: مكسوفه ليه مكنتي شبح امبارح قلبتي ليه علي قطه هههههه.
وعد: ماهو انا مكنتش اعرف ده مين وحكت لها علاقته مع والدها.
رغد: والله عمو راضي ده راجل محترم وطيب ربنا يخليهولك.
كان علي طاولة اخري مروان يتحدث مع صديقه سعيد. مروان: بكرة اوريك وتفتكر وتقول مروان كسب الرهان مروان الالفي مبيخسرش.
وسابه وقام اتجه نحو وعد ورغد.
رغد: الحقي الحقي الواد جاي علينا.
وعد: طب اسكتي انا متوترة لوحدي.
مروان صباح الخير.
وعد ورغد: صباح الخير.
مروان: ممكن يا انسة وعد اتكلم معاكي شويه.
رغد: طب انا هروح الحمام وارجع تاني.
وعد: اتفضل.
مروان: انا كنت....
ياترا مروان عايز ايه هنشوف في البارت ٣