عشقتك فدمرتني

البارت الثامن

روايه عشقتك فدمرتني.
بقلم ام الملك فهد.
البارت (٨) .
جاء يوم زفافهم فاتفق مروان ان يكون الفرح مقصور على عائله وعد وعائله رغد ومروان واصدقائه هيثم ومحمود فقط لانه لا يريد انتشار الخبر لحين تفهمه مع والده انتهت وعد من التجهيز واللبس ورغد كذلك وجاء ميعاد حضور مروان دق جرس الباب فتح راضي.
راضي: اهلا اهلا نورت يا ابني نورت يا هيثم نورت يا محمود اتفضلوا.
مروان: الله يخليك يا عم راضي.
بعد شويه شغلوا اغاني ورقص كل من وعد ومروان سويا على اغنيه سمعني نبضك..... فاتجه هيثم ناحيه عائله رغد وانحنا اليها قائلا.
هيثم: انسه رغد تسمحي ترقصي معي.
رغد كانت في صدمه حدثت نفسها.
رغد لنفسها: يخرب عقلك بانك اتجننت بابا هيموتك جالك الموت يا تارك الصلاه.
نظرت رغد لوالدها نظرات كلها خوف وقلق ابتسم والدها قائلا قومي يا رغد كانت في ذهول تام لا تستوعب ما يحدث فسحبها هيثم من يدها واتجه بها ناحيه وعد ومروان ليرقصوا وبعد أن انتهوا.
رغد: هيثم ممكن اسالك سؤال.
هيثم :انا عارف انك مستغربه مستغربه اكثر اني ازاي اتجرات اعمل كده وباباك معطردش بس هتفهمي كل حاجه دلوقت واول ما الاغنيه خلصت ركع هيثم على رجله وفي يده علبه بها دبله قائلا.
هيثم: رغد تتجوزييني.
رغد:هااااا.
ضحك الجميع عليها.
هيثم: باقول لك تتجوزيني.
رغد: مش عارفه.
هيثم: طب للمره الثالثه تتجوزيني يا رغد.
فلاش باك:
هيثم ذهب لمنزل رغد في صاحبه راضي ومروان بعد ان دق الجرس.
راضي: السلام عليكم ازيك يا حاج علي اخبارك ايه جايين لك في موضوع مهم.
على : الحمد لله نورتم خير ان شاء الله.
راضي :خير انت اكيد عرفت مروان جوز وعد وده هيثم صاحبه.

علي: اه طبعا اتشرفنا.
راضي: هيثم جاي وطالب ايد الانسه رغد.
على :والله مش عارف اقول ايه بس طالما جاي معك يبقى مش محتاج نسال عليه على بركه الله.
هيثم قاعد يحكي عن نفسه شويه وعن عيلته وبعد ان انهى الحوار.
هيثم :انا طالب طلب يا عمي علي.
علي :اتفضل يا ابني.
هيثم ما تجيبش سيره لرغد يوم الفرح بتاع وعد ومروان هاطلب ايدها قدام الكل تبقى الفرحه فرحتين ونفاجئها وكده.
على: وماله يا ابني علي خيره الله.
فاطمه : والده رغد الف مبروك يا هيثم يا ابني.لللللووووووللللي
عوده:
هيثم: ها يا رغد موافقه.
رغد: بابا انت ساكت كده عادي.
علي:ههه ما هو يا بنتي طالب ايدك من زمان وانا موافق وبعدين كل الموجودين هنا عارفين ههه وانت اخر واحده.
رغد: ده بجد والله.
هيثم: اه والله ها ما قلتيش موافقه.
رغد بكسوف: وانا اقدر موافقش.
وكده كانت الفرحه فرحتين هيثم اتفق مع والد رغد ان الفرح يكون بعد امتحانات ثالثه كليه وتكمل رابعه كليه عنده ووعد ومروان خلص الفرح واخذها في العربيه وراحوا على شقتهم اللي اشتراها مروان وكان بيجهز فيها من شهرين وصلوا الشقه.
مروان: نورت بيتك يا عروسه. وعد بخجل: ربنا يخليك لي يا حبيبي.
مروان: معلش الشقه مش من قيمتك بس اول لما اتصالح مع اهلي واعلن جوازنا هاجيب لك فيلا ما كنتيش تحلمي بها.
وعد: لا يا حبيبي الشقه جميله جدا ولو اصغر من كده كانت هتبقى حلوه اهم حاجه ان معاك.
عدت الشهور عليهم من اجمل ايام عمرهم مقضينها حب وسافر وخروج وهو بيغيب عنها ايام ويرجع بيبات عندها يومين ثلاثه وبيغيب فتره وهي كانت مستحمله عشان ظروفه مع اهله وفي مره سألته.
وعد:مروان هو انت بتقول لاهلك ايه لما بتغيب وبتبات بره.
مروان: لا عادي هم اصلا مش شاغلين دماغهم متعودين اني ببات مع اصحابي او بيكون نقضي يومين في شرم او السخنه او الساحل.
بعد خمس شهور.
حوار داير بين رغد وهيثم.
................................
رغد: مش معقول مش باين خالص ربنا يستر بقى انا ولا هاتكلم ولا كاني سمعت حاجه ممكن يكون ربنا هدي وفي تغيير.
يا ترى هم بيتكلموا عن ايه. وعن مين.
هانعرف ده في البارت التاسع.