عشقتك فدمرتني

البارت الخامس

رواية عشقتك فدمرتني.
بقلم🖋️: ام الملك فهد.
البارت الخامس.
هادية: وعد قومي ايه النوم ده كله.
وعد: ايه يا ماما ما صدقت الاجازة جات وهنام براحتي.
هادية: طب قومي عندنا ضيوف.
وعد: مش تبعي سيبيني انام بقا.
هادية: يابت قومي الأستاذ مروان برا وابوكي قالي اصحكي شكل الموضوع يخصك.
وعد بحركة لا ارادية كانت واقفة من علي السرير.
هادية: بسم الله الرحمن الرحيم ايه يابت انتي ملبوسة.
وعد: بتقولي مين ياماما قولي لبابا حالا اكون عنده.
واتجهت الي الحمام اخدت شاور وخرجت ارتدت الاسدال وقامت صلت فرضها وبعديها قامت بدلت ملابسها بدريس زهري فيه ورود باللون اللبني وارتدت الحجاب باللون اللبني كانت رائع رائع بطبيعتها ودون مكياج كانت رقيقة وهادئة ثم خرجت واتجهت عند والدها.
وعد: صباح الخير ازيكم.
راضي: صباح الخير يا حبيبتي. انا هقوم اعرف ماما ان الاستاذ مروان هيتغدا معانا انهاردة.
مروان: لا يا راضي ملوش لزوم مش هطول.
وعد: طب ولو عشان خاطري دا انا هتنازل وادخل المطبخ اطبخ انا بس علي شرط لو هتتغدا معانا انهاردة.
راضي: ايه ده بجد بركاتك يا شيخ مروان هههههههه دي مبتدخولش تجيب ماية حتا.
مروان: خلاص ادعولي.
راضي: خلاص انا هعرف ام وعد واجي تاني.
وعد: في حد بيروح لحد بدري كده كنت عاوزة انام كمان شويه.
مروان: انا غلطان وقايم ماشي.
وعد: وانا قولتلك ايه دلوقت بس اصل انا اتفاجأت لا اتصلت ولا قولت واي حاجه.
وعد: طب انت هنا ليه
مروان: جاي لراضي في شغل بس قولت ارخم بالمرة.
وعد: والله طب اقوم انا بقا.
مروان مسكها من ايديها وشدها.
وعد: مروان سيب ايدي قبل ما بابا يجي هتفضحنا.
بعد شوية رجع راضي و اتجمعوا كلهم.
راضي: خير يا مروان يابني.
مروان: والله يا عمي انا كنت عاوزك في موضوع مهم.
راضي وقد انتابه شئ من الذهول ف لاول مره يناديه عمي.
راضي: خير يا رب. اتفضل. قومي يا وعد سيبينا علي راحتنا.
مروان: لا خلي الانسة وعد. الموضوع يهمها هي كمان.
توترت وعد كثيرااا ولم تعرف ماذا ينوي ان يفعل.
راضي: خير يابني قلقتنا.
مروان: لا ولا قلق لا حاجه. اندهي يا انسة وعد على مدام هادية.
بعد شوية كانوا متجمعين.
مروان: والله الموضوع اللي انا جاي فيه يهمكوا انتوا التلاتة. الحقيقه هو ان انا بحب الانسة وعد من حوالي سنة واكتر بس كنت مستني اول ما اتخرج عشان اجي ليك اطلب ايدها واديني اهوا اتخرجت. كانوا جميعا تحت تاثيير صدمه كبيره.
مروان: انا عارف ان الخبر كبير ومفاجئ بس انا مش عاوزك تتسرع فكر برحتك.
راضي: بس من الاصول يابني انك تجيب والدك ووالدتك معاك.
مروان: ما هو في مشكله يا عمي. انا فى مشاكل بيني وبين بابا وبابا مصر يجوزني عافية لوحدة انا مش بحبها ومش عايزها.فانا جاي من غيرهم ومش عاوزهم يعرفوا ومش هقولهم موضوع جوازي من وعد غير لما احطهم قدام الامر الواقع.
راضي: طب احنا مش هينفع جواز اقل من سنة يعني لو ينفع اقولك بعد ما وعد تخلص دراسة.
مروان: ليه بس. دا انا عايز الفرح فى اقرب وقت.
راضي: بس صعب جدا يابني احنا.....
قاطعه مروان: لو شايل هم الجهاز والمصاريف متشيلش هم حاجه خالص انا مش عايز منكم اكتر من العروسة انا هجيب كل حاجه ياريت الفرح يكون بعد شهر وكتب الكتاب يكون يوم الخميس الجاي انشاء الله رايك ايه.
راضي: والله يابني ماعدش حاجه تتقال انت قولت كل حاجه الكلمة الاخيرة لوعد. ايه رايك يا وعد.
مروان: وعد. وعد. مابتتكلميش ليه.
وعد: هااا انتوا بتكلموني انا.
ضحك الجميع عليها.
هادية: ههههههه اه يابنتي موافقة ان كتب الكتاب يكون الخميس الجاي والفرح بعد شهر.
وعد: كتب كتاب وفرح مين مبروك.
مروان: ههههههه كتب كتابي انا وانتي يا حبيبتي.
وعد اتكسفت جدا من والدها ووالدتها.
وعد: مليش كلمة بعد كلمتك يا بابا.
راضي: خلاص علي بركة الله.
هادية: طب يلا بقا يا عروسة عشان انتي وعدتي مروان ان الغدا من ايدك انهاردة.
وعد: حاضر ياماما. بعد ازنكم.
واتجهت الي المطبخ وتركتهم يدردشوت ويحكون سوياً.
وبعد ان انتهت من تجهيز الطعام وضعت الطعام علي الطاولة ودخلت عندهم الصالون.
وعد: مش كفايه كلام بقا ويلا بينا الاكل هيبرد.
اتجهوا جميعا لتناول الطعام.
وبعد ان انتهوا من الطعام استاذن مروان.
مروان: بعد اذنك ياعم راضي عندي كام مشوار مهمين اعملوا حسابكم ننزل بكرة نشتري الشبكة ولوازم كتب الكتاب. وودعهم ونزل.
راضي وهادية: مبروك يا بنتي والله وكبرتي وبقيتي عروسه.
وعد: الله يبارك فيكم. استاذن انا عندي حاجه اعملها.
وتركت والداها يتحدثون عن الزفاف والامور تلك.
واتجهت الي غرفتها.
وقامت بعمل مكالمه هاتفية.
وعد: وحشتيني وحشتيني وحشتيني.
رغد: اهدي عليا بس ما انتي مش هتضحكي عليا بكلمتين انا زعلانة ومش هترادا بسهولة.
وعد: ليه بس دا انا عندي كلام كتيير اووي.
رغد: اتصلت بيكي كتير من ساعت لما صحيت وقلقت جدا لما مرديتيش.
وعد: ههههه معلش اصلك متعرفيش اللي حصلي انا نفسي مش مصدقة. وحكت لها ما حدث من وقت دخول هادية لايقاظها.
رغد: انتي بتتكلمي بجد والله.
وعد: ههههه معلش معزورة ما انا كمان مش مصدقه والله حاسه انى بحلم بس حلم حلو قوي ومش عايزة افوق منه. المهم متتاخريش بكرة. عاوزاكي معايا من اول اليوم.
رغد: من النجمة تلاقيني عندك.
وعد: خلاص يلا انا فاصلة شحن سيبيني انام بقا كفاية رغي اليوم كان طويل انهاردة وعاوزة الحق انام اليوم بكرة صعب وطويل ربنا يعديها علي خير.
رغد: يارب ياقلبي ربنا يتمملك علي خير يارب.
وعد: ربنا يخليكي ليا وميحرمنيش منك وعقبالك انتي كمان يا وزتي. سلام.
رغد: سلام.
ياترا ايه اللي هيحصل بكرة.
نكمل في البارت السادس