တို့အတွက်
အနာဂတ်တွေ
အတိတ်တွေထက်
လက်ရှိအချိန်ကပိုပြီးတန်ဖိုးရှိတယ်
Son Chaeyoung
အခုလည်း
မင်းကိုချစ်နေရတဲ့
မင်းရဲ့အချစ်တွေကိုပိုင်ဆိုင်ရတဲ့
ဒီလက်ရှိအချိန်တွေက
တို့အတွက်တော့မလုံလောက်နိုင်ဘူးလို့ထင်မိတယ်
အဲဒီလိုမျိုး
တို့ဆိုတာ မင်းနဲ့ပြည့်နှက်နေပြီ Son Chaeyoung
====
Mina's POV
သူပြန်သွားမှာမလိုလားတဲ့အတွက်
မေးမိမေးရာ မေးလိုက်မိတာက
" ခေါက်ဆွဲစားသွားမလား? " ဆိုတဲ့မေးခွန်း
ဘယ်လိုဖြစ်ပြီးမေးလိုက်မိမှန်းမသိပေမယ့်
" ခေါက်ဆွဲ " နဲ့ပတ်သက်တဲ့တခြားအဓိပ္ပါယ်ကိုချက်ချင်းသတိရသွားမိတော့ Mina ရှက်စိတ်ကြောင့်ပူထူသွား၏
" ခေါက်ဆွဲ? "
အမေးနဲ့သာ တုန့်ပြန်လိုက်တဲ့သူ့မျက်နှာကပုံမှန်ဖြစ်ပြီး
Mina တွေးမိသွားတဲ့ အဓိပ္ပါယ်မျိုးကို
သူကတော့တွေးမိပုံမရှိခဲ့
" အ..အင်း
တို့နဲ့အတူတူစားသွားမလားလို့? ခေါက်ဆွဲပြုတ် "
" ကောင်းသားပဲ "
ပါးချိုင့်နက်နက်ကလေးပေါ်သည်အထိပြုံးလိုက်ရင်း
သူပြော၏
* တော်သေးတယ် *
စိတ်ထဲမှာပဲ Mina ကျိတ်ပြောလိုက်မိသည်
>>>>
တကယ်တော့
ပြဿနာကအခုမှစတယ်ဆိုတာ
ဗီဒိုထဲမှာအလွတ်သာရှိနေတဲ့ခေါက်ဆွဲထုပ်ဘူးက
သိသာစေ၏
" Sorry "
တောင်းပန်စကားပြောလိုက်ပြီးနောက်
ဧည့်ခန်းကဆိုဖာမှာထိုင်နေတဲ့သူရှိရာဆီလှမ်းခဲ့ချိန်
သူက နားမလည်တဲ့ဟန်နဲ့မေးလေသည်
" ဘာဖြစ်လို့လဲ? "
သူနဲ့တစောင်းအနေအထားမှာရှိတဲ့
ဆိုဖာရှေ့မှာရပ်လိုက်ပြီးမှ Mina မဝံ့မရဲပြန်ဖြေလိုက်၏
" ဟို.. ခေါက်ဆွဲထုပ်ကုန်နေတယ် "
" Ah~ ဟုတ်လား "
ခေါက်ဆွဲမရှိတာမသိပဲ ပြောမိပြောရာပြောခဲ့တဲ့ Mina အကျပ်ရိုက်နေပေမယ့် သူကတော့ဘာမှတွေးမိပုံမရှိ
