Mina's POV
အစမှာဆန်းကြယ်ခဲ့တယ်
သူကချစ်တတ်တဲ့သူတစ်ယောက်ဖြစ်တယ်ဆိုတာကို
နောက်တော့သိချင်ခဲ့တယ်
သူနဲ့ပတ်သက်တဲ့အရာအားလုံးကို
တစ်စတစ်စနဲ့မက်မောလာခဲ့တယ်
ဖြေးဖြေးချင်းတိုးဝင်လာတဲ့သူ့ရဲ့ခြေလှမ်းတွေကို
အခု သတိထားမိချိန်မှာတော့
Mina ကမ္ဘာမှာအားလုံးပြောင်းလဲနေခဲ့ပြီ
တိတ်ဆိတ်စွာနဲ့ နှလုံးသားကအလိုရှိတဲ့အတိုင်း
Mina ရဲ့ခြေလှမ်းတွေကိုသူ့ဆီဦးတည်လိုက်ချိန်မှာတော့
သူက
Mina ရဲ့အရာရာဖြစ်နေခဲ့ပြီထင်ရဲ့
အခြားတစ်ဖက်မှာရှိတဲ့သူ့ကိုကြည့်နေရရုံလေးနဲ့တင်
ဒီလောက်ထိနာကျင်ရတယ်ဆိုရင်
Mina တို့အပြီးအပိုင်စည်းခြားသွားတဲ့အခါ
ခံနိုင်ရည် ရှိပါလိမ့်မည်လား
>>>>
လက်ထဲဖန်ခွက်လွတ်ကျသွားမိတဲ့အထိ
Mina တုန်လှုပ်သွားခဲ့မိသည်
Hirai Momo သူမက
ရုတ်တရက်ဒီလိုမေးခွန်းမျိုးမေးလိမ့်မယ်လို့
ထင်မထားခဲ့တာကြောင့်တော့မဟုတ်ခဲ့
သူ့ဆီပြန်လာလာချင်း မေးခဲ့တာကြောင့်
Mina မထိန်းချုပ်နိုင်ဖြစ်သွားခဲ့ခြင်းသာ
ပြီးတော့
ထို့အဖြစ်အပျက်က Mina တို့အားလုံးရဲ့ရှေ့မှာ
ဖန်ခွက်ကျကွဲသံပင် သိပ်မကြားရပဲဝေဝါးသွားတဲ့အထိ
Mina ထူပူသွားခဲ့တယ်ဆိုရင် လွန်လေမလား
" Mina ah အဆင်ပြေရဲ့လား? "
Jeongyeon ဆီမှစိုးရိမ်စွာမေးလိုက်တဲ့အသံကိုကြားရပြီးနောက် အားလုံးရဲ့အသံတွေငြိမ်သက်သွား၏
Mina ကို သူကြည့်နေမယ်ဆိုတဲ့အသိနဲ့ ပို၍ထူပူသွားတော့
လုပ်မိလုပ်ရာလုပ်လိုက်မိတာက
ခြေထောက်အနားက
ဖန်ကွဲစတွေသိမ်းယူရန်ပြင်လိုက်ခြင်းပင်
" Mina ah! "
" Yah, Ketchup! "
ချက်ချင်းပဲ Jeongyeon က Mina လက်ကို
အထိတ်တလန့်နဲ့ဖမ်းဆုပ်လိုက်ချိန်
သူ့ဆီမှခေါ်သံတိုးတိုးကိုလဲ Mina ကြားလိုက်ရသည်
